គ្រោះថ្នាក់នេះ បានបង្កការភ្ញាក់ផ្អើល កាលពីរវេលាម៉ោង ១១ យប់ថ្ងៃទី ១៩ ខែកក្កដា ឆ្នាំ២០១៥ នៅតាម​បណ្តោយ​ផ្លូវ ទន្លេសាប ជិតសណ្ឋាគារសុខា ភូមិទីមួយ សង្កាត់ជ្រោយចង្វារ ខណ្ឌជ្រោយចង្វារ រាជធានី​ភ្នំពេញ។ ករណីក្រឡាប់ឡានខាងលើ មិនមានអ្នគ្រោះថ្នាក់ធ្ងន់នោះទេ នេះបើតាមកាបញ្ជាក់ របស់លោក យ៉ឹម សុខា មេប៉ុស្តិ៍ជ្រោយចង្វារ។

លោកនាយប៉ុស្តិ៍ខាងលើ បានបន្ថែមទាំងហួសចិត្តថា ពេលលោក និងកម្លាំងសមត្ថកិច្ច ទៅដល់​ទីតាំងកើត​ហេតុ គឺនៅសល់តែសម្បកឡានប៉ុណ្ណោះ។ រថយន្ដរងគ្រោះថ្នាក់នោះ មានម៉ាក លុចស៊ិស ៣០០ ពណ៍ស្ករ។ លោកបន្ថែមទៀតថា អ្នកឃើញហេតុការណ៍ ក្រឡាប់រថយន្តនេះ បានបញ្ជាក់ប្រាប់លោកថា បន្ទាប់ពី​គ្រោះថ្នាក់ ក្រឡាប់ធ្លាក់ឡានចុះទៅក្រោម ប្រមាណ១០ ម៉ែត្រពីផ្លូវ ម្ចាស់ឡានប្រញាប់ប្រញាល់ ដោះស្លាក​លេខ រួចជិះម៉ូតូចាកចេញ ពីកន្លែងកើតហេតុ ហាក់ដូចជាមានអ្នកណា តាមពីក្រោយ។

លោក យឹម សុខា បានប្រាប់ទស្សនាវដ្តី ឲ្យដឹងទៀតថា បើតាមការពិនិត្យ របស់មន្រ្តីជំនាញ ឡានខាងលើ​បានក្រឡាប់ ដោយខ្លួនឯង គ្មានឡានណា បើកពីក្រោយនោះទេ។ បច្ចុប្បន្ន សម្បកឡានលិចស៊ិស ៣០០ ធ្លុះ​កញ្ចក់ ខាងលើ ត្រូវបានមន្រ្តីនគរបាល ស្ទួចយកទៅរកក្សាទុក នៅចរារចណ៍រាជធានីភ្នំពេញ ទាំងមិនទាន់​ស្គាល់​អត្តសញ្ញាណ ម្ចាស់រថយន្ត៕