លិខិតមួយរបស់ការិយាល័យ ច្បាប់សីលា បានដាក់ទៅកាន់ ប្រធានសាលាដំបូង រាជធានីភ្នំពេញ ដែលចុះហត្ថលេខា ដោយលោកមេធាវី ជូង ជូងី មេធាវីការពារក្ដី ឲ្យសកម្មជនគណបក្សសង្គ្រោះជាតិ មានលោក មាជ សុវណ្ណារ៉ា, លោក អ៊ុក ពេជ្រសំណាង និងលោក ទេព ណារិន។ ក្នុងលិខិតនោះ បានបង្ហាញនូវការសោកស្តាយ នូចកំហុសដោយអចេតនា របស់​លោក ពាក់ព័ន្ធនឹងការបញ្ជាក់ថា ពិតជាមានការដោះលែង សកម្មជនបក្សប្រឆាំង ឲ្យនៅក្រៅឃុំបណ្តោះអាសន្ន ព្រោះតែបញ្ហានយោបាយ ត្រូវបានបញ្ចប់នោះ។ លោកបានសរសេរបន្តថា នេះជាការសោកស្តាយយ៉ាងខ្លាំង ដែលការ​បញ្ជាក់ខាងលើ បានធ្វើឲ្យមានការប៉ះពាល់ ដល់សមត្ថកិច្ច និងឯករាជ្យភាព របស់តុលាការ។

លោក ជូង ជូងី បានសរសេរទៀតថា៖ «ខ្ញុំបាទជាមេធាវី មានតួនាទី ត្រឹមតែជាអ្នករៀបចំពាក្យសុំ ឲ្យមានការដោះលែង និងការពារកូនក្តី តាមច្បាប់តែប៉ុណ្ណោះ។ ចំពោះការដោះលែងកូនក្តី ឲ្យនៅក្រៅឃុំយ៉ាងណានោះ គឺជាសមត្ថកិច្ច និង​ជា​ឆន្ទានុសិទ្ធិរបស់តុលាការ‍។»

លិខិតនេះ ត្រូវបានយកចុះផ្សាយ យ៉ាងព្រោងព្រាត ក្នុងបណ្តាញព័ត៌មានសង្គម ជាពិសេស នៅលើគណនី របស់លោក ផៃ ស៊ីផាន រដ្ឋលេខាធិការ និងជាអ្នកនាំពាក្យ ទីស្តីការគណរដ្ឋមន្រ្តី។ លោក ផៃ ស៊ីផាន បានវាយតម្លៃ ចំពោះការ​សារភាព​កំហុស របស់លោកមេធាវី ជូង ជូងី ថា៖ «កម្រិតវិជ្ជាជីវ: និងក្រមសីលធម៌មេធាវី គណះមេធាវី គួរតែពិចារណា​សារ​ជាថ្មី។ ក៏ប៉ុន្តែមេធាវីរូបនេះ សម្តែងការស្មោះត្រង់ ដែលជាគុណធម៌របស់ខ្លួន ត្រូវតែទទួលបានការគោរព ពី​សាធារណ​ជន។»

សូមរំលឹកថា ការចេញលិខិតនេះ បន្ទាប់ពីមេធាវីការពារក្តី ឲ្យក្រុមសកម្មជនគណបក្សសង្គ្រោះជាតិ លោក ជូង ជូងី បាន​អះអាងថា កូនក្តីរបស់លោក យ៉ាងយូរបំផុត នឹងត្រូវបានដោះលែង ពីពន្ធនាគារ នារសៀលថ្ងៃទី១៣ ខែមេសា ខាងមុខ​នេះ។ លោកថែមទាំងបានបង្ហាញ ពីការដោះលែងសកម្មជនដីធ្លី និងព្រះសង្ឃបីអង្គទៀត  តាមរយៈព្រះរាជសារ លើក​លែងទោស មុនថ្ងៃចូលឆ្នាំខ្មែរខាងមុខនេះដែរ៕

សូមអាចលិខិតទាំងស្រុង របស់មេធាវីដូចខាងក្រោម៖