នៅ​ពេល​ដែល​ទឹក​ត្នោត​ខ្មែរ សណ្ដំ​ចិត្ត​យុវវ័យ...

ទឹកត្នោតផ្អែម និងទឹកជូ ទទួលបានការចាប់ជាខ្លាំង ពីសំណាក់យុវជនមួយចំនួន ដែលទំនងជារស់នៅ «តែក្នុង»រាជធានីភ្នំពេញ បន្ទាប់ពីពួកគេទាំងនោះ បានសាកល្បងភ្លក់រសជាតិ ជាលើកដំបូង។
Loading...
  • ដោយ: ប្រាថ្នា អត្ថបទ ៖ប្រាថ្នា(in[email protected]) -ភ្នំពេញ ថ្ងៃទី០៤ មីនា ២០១៥
  • កែប្រែចុងក្រោយ: March 05, 2015
  • ប្រធានបទ: ប្រពៃណី
  • អត្ថបទ: មានបញ្ហា?
  • មតិ-យោបល់

ភាគច្រើននៃអ្នកដែលចូលចិត្ត អង្គុយជុំគ្នា លើកអកទឹកត្នោត ជូ ឬផ្អែម មានតែអ្នកនៅតាមភូមិ ស្រុក ឬតំបន់​ដាច់​ស្រយ៉ាល ឬមនុស្សដែលមានវ័យចំណាស់ ដែលមិនសូវសំបូរប្រាក់ ទិញភេសជ្ជៈថ្លៃៗ មកទទួលទានតែប៉ុណ្ណោះ។ ប៉ុន្តែ គេកម្រ​ឃើញ​ណាស់ ដែលយុវជនរស់នៅ ក្នុងរាជធានីដ៏សបូរបែប និងស៊ីវិល័យ ចូលចិត្តទទួលទានទឹកត្នោត និង​កាន់​តែ​កម្រ​ទៅ​ទៀត ប្រសិនបើយុវជនទាំងនោះ មិនសូវចាប់អារម្មណ៍ ពីជីវភាពនៅតាមស្រុកស្រែចំការ។

ថ្ងៃមួយ ដែលក្រុមយុវជនទាំងនោះ បានភ្លក្សរសជាតិទឹកត្នោតខ្មែរ ដែលទើបយកមកពីដើមថ្មីៗ ស្រាប់តែពួកគេលាន់​មាត់​គ្រប់ៗគ្នាថា មានរសជាតិឆ្ញាញ់ និងមានគុណភាពជាងភេសជ្ជៈកំប៉ុង។ យុវជន ណារ៉ុង ដែលបានក្រេបរសជាតិ​ទឹកត្នោត​ផ្អែម​នោះ បានលាន់មាត់ថា ទឹកត្នោតពិតជាឆ្ញាញ់មែន។ វាមិនត្រឹមតែមានរសជាតិឆ្ញាញ់នោះទេ ប៉ុន្តែវាថែមទាំង មាន​គុណ​ប្រយោជន៍ ថែមទៀត ព្រោះវាជារបស់ធម្មជាតិ គ្មានជាតិគីមី។

ណារ៉ុង បានប្រាប់បន្តថា៖ «យើងនៅក្រុង យើងអត់ដែលបានញ៉ាំទេទឹកត្នោត ហើយក៏មិនសូវមានអ្នកលក់ នៅក្នុង​ក្រុង​ភ្នំពេញដែរ។ យូរៗ យើងញ៉ាំម្តង មានអារម្មណ៍ថាផ្អែមឆ្ញាញ់។ ឱ្យតែមានទឹកត្នោតញ៉ាំ វាសប្បាយចិត្ត ដោយសារ​វាមាន​រសជាតិ​ប្លែក។»។

រីឯកញ្ញា សូរិយា ក៏មានចំណាប់អារម្មណ៍ ទៅលើទឹកត្នោតរបស់ខ្មែរ មិនចាញ់យុវជនខាងលើផងដែរ។ សូរិយាបាន​ប្រាប់​ថា បើប្រៀបធៀប ជាមួយនឹងភេសជ្ជៈដែលមានតម្លៃថ្លៃ ជាមួយនឹងទឹកត្នោត នាងជ្រើសរើសយកទឹកត្នោត ព្រោះទឹក​ត្នោត មានរសជាតិឆ្ងាញ់ ហើយញ៉ាំទៅមានសុខភាពល្អ។ កញ្ញា និយាយថា៖ «និយាយទៅ ចាស់ៗពីដើម តែងតែ​និយាយ​ថា ញ៉ាំទឹកត្នោតមានសុខភាពល្អ ម៉ាក់យាយអី ក៏និយាយអញ្ចឹងដែរ ថាវាមានសុខភាពល្អ ញ៉ាំទៅជួយ​សេរីរាង្គខាង​ក្នុង​របស់​យើង»។

យុវតីដដែលនេះ បានបន្តថា នាងមិនដែលគិតថា ការញ៉ាំទឹកត្នោត ត្រូវបានគេចាត់ទុក ជាអ្នក«ស្រែ»ឡើយ ព្រោះវាជា​ផលិតផល របស់ខ្មែរតាំងពីបរមបូរាណមក។ ហើយបើជនជាតិខ្មែរ ជាពិសេសយុវវ័យនាំគ្នាទទួលទានទឹកត្នោត ជំនួស​ស្រានោះ វានឹងជួយលើកស្ទួយផលិតផលខ្មែរ និងបង្កើនមុខរបរឱ្យប្រជាពលរដ្ឋខ្មែរដែរ។

ទឹកត្នោតរបស់ខ្មែរ មិនត្រឹមតែអាចទទួលទានបានភ្លាម ពេលដាក់ចុះ មកពីលើដើមនោះទេ តែទឹកត្នោត អាចត្រូវបាន​យក​មក​កែឆ្នៃ ទៅជាផលិតផលជាច្រើនប្រភេទ ផ្សេងគ្នាក្នុងនោះ មានដូចជា ស្រាស និងទឹកខ្មេះជាដើម។ ជាពិសេស ស្រា​ទឹក​ត្នោត​ខ្មែរ ត្រូវបានបាននាំចេញ យកទៅលក់នៅបណ្តាប្រទេសមួយចំនួន ទាំងនៅទ្វីបអាស៊ី អ៊ឺរ៉ុប និងអាមេរិក ហើយ​វា​សុទ្ធ​តែ​ទទួលបាន ការពេញនិយម និងចូលចិត្ត ពីអ្នកទាំងឡាយណា ដែលបានទទួលទាន៕

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...