រូបភាព ដែលថតដោយកាម៉េរ៉ា សុវត្ថិភាពរបស់រថយន្ដក្រុងនេះ បានធ្វើឲ្យអ្នកផងនឹកឃើញ ដល់ភាពយន្ដតក់​ស្លុត​ជា​ច្រើន របស់ផលិតកម្មហូលីវូដ។ ជាពិសេស អ្នកដំណើរទាំងពីរនាក់ ដែលបានស្ថិតក្នុងហេតុការណ៍នេះផ្ទាល់ តើ​ពួកគេ​មានអារម្មណ៍ភ័យភិតយ៉ាងណា?

ដើរចេញពីរថយន្ដក្រុង ដូចគេឯងឯទៀត អ្នកដំណើរប្រុសស្រីទាំងពីរនាក់ បានផុងធ្លាក់ ទៅក្នុងរណ្ដៅលាក់មុខដ៏ធំមួយ ដែលពង្រីកខ្លួន នៅក្រោមចិញ្ចើមថ្នល់ កាលពីថ្ងៃទី២០ ខែកុម្ភៈកន្លងមក ក្នុងសង្កាត់ យ៉ុងសាន កណ្ដាលរដ្ឋធានីសេអ៊ូល ប្រទេសកូរ៉េខាងត្បូង។

សំណាងល្អ ដែលរណ្ដៅនោះ មានជម្រៅត្រឹមតែជាង៣ម៉ែត្រ ហើយមិនបានបង្ករបួសធ្ងន់ធ្ងរ ដោយអ្នកដំណើរទាំងពីរ ដែលបានធ្លាក់ចូលទៅក្នុងនោះទេ។ បន្ទាប់ពីត្រូវបានក្រុមអ្នកសង្គ្រោះ ប្រើរថយន្ដស្ទូចលើកឡើងមកលើវិញ អ្នកទាំងពីរ​ត្រូវបានបញ្ជូន ទៅព្យាបាលរបួស នៅមន្ទីរពេទ្យជិតនោះជាបន្ទាន់។

ការស៊ើបអង្កេតមួយ បានបើកធ្វើទៅលើករណីនេះ ដោយអាជ្ញាធរកូរ៉េខាងត្បូង ដើម្បីឲ្យដឹងពីមូលហេតុ ដែលធ្វើឲ្យមាន​ប្រហោងដី នៅទីនោះ។ ក្នុងសេចក្ដីសន្និដ្ឋានដំបូងមួយ បានឲ្យដឹងថា ដោយសារសំណង់អាគារធំៗ ដល់ទៅពីរ នៅក្បែរ​នោះ បានជំរុញឲ្យដីដែលរងភាពរញ្ជួយ ហើយហូរទៅកន្លែង ដែលការដ្ឋានសាងសង់អាគារ បានជីកទៅខាងក្រោម ដើម្បី​សង់ជាជាន់ផ្ទាល់ដី។

សូមទស្សនាវីដេអូខាងក្រោមនេះ បន្ថែមទៀត ដើម្បីដឹងពីមូលហេតុ៖