ហូរ វ៉ាន់ បដិសេធ​មិន​ចូល​ខ្លួន តាម​ការ​កោះ​របស់​តុលាការ​កំពូល!

នៅចំពោះដីកាកោះ របស់តុលាការកំពូលនៃព្រះរាជាណាចក្រកម្ពុជា ដែលបានកោះហៅពីបទចោទទាក់ទង​អំពើ​ហិង្សា នៅ​ក្បែរ​ស្ពាន​នាគ​កន្លង​មក​នោះ តំណាងរាស្ត្ររបស់គណបក្សប្រឆាំង បានប្រកាសថានឹងមិនទៅចូលខ្លួន តាម​ការ​ណាត់​នោះ​ទេ។
Loading...
  • ដោយ: អ៊ុម វ៉ារី អត្ថបទ៖ អ៊ុម វ៉ារី ([email protected]) -យកការណ៍៖ ស្រ៊ុន ទិត្យ- ភ្នំពេញ ថ្ងៃទី១០ មករា ២០១៥
  • កែប្រែចុងក្រោយ: January 10, 2015
  • ប្រធានបទ: យុត្តិធម៌
  • អត្ថបទ: មានបញ្ហា?
  • មតិ-យោបល់

នៅ​សល់​តែ​ប្រាំ​បួន​ថ្ងៃ​ប៉ុណ្ណោះ ដែល​តំណាង​រាស្រ្ត​នៃ​គណបក្ស​សង្គ្រោះ​ជាតិ​ចំនួន​ប្រាំពីរ​រូប ត្រូវ​បង្ហាញ​ខ្លួន​ចំពោះ​មុខ​អង្គ​ជំនុំ​ជំរះ​នៃ​តុលាការ​កំពូល ក្រោម​បទ​ចោទ​បង្ក​ឲ្យ​មាន​«ហិង្សា» ក្បែរ​ស្ពាន​នាគ កាល​ពី​ថ្ងៃ​ទី១៥ ខែ​កក្កដា ឆ្នាំ​២០១៤ កន្លង​ទៅ។ ប៉ុន្តែ​នៅ​ពេល​នេះ ជន​ជាប់​ចោទ​មួយ​រូប​ដែល​មាន​តំណែង ជា​តំណាង​រាស្ត្រ​នៅ​ក្នុង​រដ្ឋសភា​បាន​អះអាង​ថា នឹង​មិន​ទៅ​ចូល​ខ្លួន​តាម​ការ​កោះ​ហៅ របស់​តុលាការ​កំពូល​នោះ​ឡើយ។

ក្នុង​កិច្ច​សម្ភាស​ជា​មួយ​អ្នក​សារព័ត៌មាន​ការ​ពី​ថ្ងៃ​ទី៩ ខែ​មករា ឆ្នាំ​២០១៥ លោក ហូរ វ៉ាន់ អនុ​ប្រធាន​គណៈកម្មាធិការ​វិន័យ​នៃ​គណបក្ស​សង្គ្រោះ​ជាតិ និង​ជា​ប្រធាន​គណៈកម្មការ​អង្កេត បោស​សំអាត និង​ប្រឆាំង​អំពើ​ពុក​រលួយ​នៃ​រដ្ឋសភា បាន​ធ្វើការ​បដិសេធ​ចំពោះ​ការ​ចូល​ខ្លួន ទៅ​មុខ​អង្គ​ជំនុំ​ជម្រះ ប៉ុន្តែ​លោក​និយាយ​ថា លោក​នឹង​ផ្ទេរ​សិទ្ធិ​នេះ​ទៅ​លោក កែត ឃី ជា​មេធាវី​ចូល​ជំនួស។ លោក​បាន​ថ្លែង​ឲ្យ​ដឹង​ថា៖  «ត្រូវ​ដក​អភ័យ​ឯកសិទ្ធិ​សិន មុន​ហៅ​ឬ​ត្រូវ​បញ្ជូន​ទៅ​គុក​ព្រៃ​សរ។ (...) ខ្ញុំ​អត់ចូល​ទេ អ្នក​ផ្សេង​ទៀត​ចូល ឬ​មិន​ចូល ខ្ញុំ​មិន​ទាន់​សួរ​ចិត្ត​គេ​ទេ តែ​សម្រាប់​ខ្ញុំ​មិន​ចូល​ទេ។ ខ្ញុំ​ប្រគល់​ជូន​មេធាវី។»

តុលាការកំពូលកាលពីថ្ងៃទី១៥ ខែកក្កដា ឆ្នាំ២០១៤ តាមរយៈអគ្គព្រះរាជអាជ្ញារង លោក ឈួន ចាន់ថា បាន​ចេញដីកាកោះហៅជនជាប់ចោទ៧រូប ពីបទ «ដឹកនាំកុប្បកម្ម ញុះញង់ឲ្យប្រព្រឹត្តបទឧក្រិដ្ឋជាអាទិ៍ ផ្តើមគំនិត​ក្នុងអំពើហិង្សាដោយចេតនា មានស្ថានទំងន់ទោស»។ ប៉ុន្តែបើទោះជាអ្នកទាំងប្រាំពីរនាក់នោះ ជាតំណាង​រាស្រ្ត​ក្នុងតំណែង មកពីគណបក្សសង្គ្រោះជាតិ ដែលកំពុងមានអភ័យឯកសិទ្ធិសភាក៏ដោយ ក៏នៅលើ​«ក្បាល»​ខាងលើនៃ«ដីកា»កោះ បានសរសេបញ្ជាក់យ៉ាងច្បាស់ថា «ដីកាកោះហៅជនជាប់ចោទឲ្យចូលសវនាការ»។

បើយោងតាមការបកស្រាយរបស់លោក កែត ឃី មេធាវីតំណាងឲ្យលោក ហូ វ៉ាន់ និងលោក កែវ ភារម្យ បាន​បញ្ជាក់ថា នេះជារឿងជំនុំជំរះមុនអង្គសេចក្តី ដោយយោងតាមបណ្តឹងសារទុក្ខរបស់តំណាងរាស្រ្ត លើ​ករណី​«ទ្រព្យសម្បត្តិ»ដែលក្រុមសន្តិសុខ និងអាជ្ញាធរដកហូតកាលពីថ្ងៃទី១៥ ខែកក្កដា ឆ្នាំ២០១៤ នៅពេល​ដែល​ចាប់ក្រុមតំណាងរាស្រ្តទាំងនោះ។ លោកមេធាវីបានបន្តថា ករណីនៃដីកាកោះហៅនេះ មិនមែនជារឿង​អង្គ​សេចក្តីទេ ដូច្នេះអ្នកទាំងនោះអាចចូល ឬមិនចូលខ្លួនក៏បាន។ ហើយច្បាប់ក៏ឲ្យមេធាវីជាតំណាងដែរ ព្រោះវា​ជារឿងដែលត្រូវទាមទារយកសម្ភារៈ ដែលដកហូតនោះ មកប្រើប្រាស់ឡើងវិញតែប៉ណ្ណោះ។

ចំពោះបញ្ហានៃអភ័យឯកសិទ្ធិសភាវិញ ថាតើត្រូវព្យួរឬមិនត្រូវព្យូរនោះ លោកមេធាវីរូបនេះបានបកស្រាយថា៖ «មិនមែនជារឿងចោទ ក្នុងអង្គសេចក្តីទេ ជារឿងមុនអង្គសេចក្តី។ រឿងមុនអង្គសេចក្តីនេះ និយាយតែពីរឿង​សម្ភារៈដូចជាទូរស័ព្ទជាដើម។ មិននិយាយពីរឿងថា មានទោស ឬគ្មានទោសនោះទេ។»

«ខុសបច្ចេកទេស...»

យ៉ាងណាក៏ដោយ លោកមេធាវីរូបនេះបានបង្ហើបបន្ថែមថា តុលាការកំពូលបានបញ្ជាក់«កម្មវត្ថុ»ក្នុងដីកា ខុស​ទៅនឹងសាច់រឿងដែលត្រូវឆ្លើយ និងខុសពីបណ្តឹងសារទុក្ខដែលទាមទារ។ មួយវិញទៀត ដីកានោះ​ក៏មិនត្រូវ​ប្រើប្រាស់ជាដីកា ដែលធ្វើការចោទប្រកាន់ដើមបណ្តឹងសារទុក្ខថាជា«ជនជាប់ចោទ»ដែរ ព្រោះវាផ្ទុយ​ទាំង​ស្រុងទៅនឹងបណ្តឹងសារទុក្ខ ដែលតុលាការកំពូលមួយនេះ កំពុងត្រៀមលើកមកធ្វើការជំរះ។ លោកចាត់ទុកថា បញ្ហានេះជាការ«ខុសបច្ចេកទេស»មួយថ្មីទៀត របស់តុលាកាកំពូល ដែលធ្វើឲ្យមានការភ័ណ្ឌច្រឡំនៃ​សាច់​រឿង។

សូមទស្សនាវីដេអូនៃកិច្ចសម្ភាសលោកហូរ វ៉ាន់ និងលោក កែត ឃី ជាមយយអ្នកសារព័ត៌មានដូចខាងក្រោម៖

(វីដេអូ នឹងមកដល់ក្នុងពេលបន្ដិចទៀត)

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...