ខាង​ក្រោម​នេះ ជា​ប្រភេទ​អាហារ​ទាំង​៩​ ដក​ស្រង់​ចេញ​ពី​ឯកសារ​វេជ្ជសាស្ត្រ​បរទេស ដែល​អាច​ជួយ​ផ្ដល់​កម្លាំង​ថ្មី ទៅ​ឲ្យ​ប្រព័ន្ធ​ចក្ខុ​វិញ្ញាណ របស់​អ្នក​បាន ៖

១. ការ៉ុត៖ ការ៉ុត​ត្រូវ​បាន​ដឹង​​ជា​យូរ​ហើយ​ថា វា​គឺ​ជា​អាហារ​សម្រាប់​​បំប៉ន​គ្រាប់​ភ្នែក ដោយ​សារ​តែ វា​មាន​ផ្ទុក​នូវ​សារជាតិ វីតាមីន A ដ៏​ច្រើន។

២. ផ្លែផៀរ ឬព័រ (Pear/ Poire)៖ ផ្លែ​បឺរ គឺ​ជា​ប្រភេទ​អាហារ​ម្យ៉ាង ក្នុង​ចំណោម​ពពួក​អាហារ ដែល​សំបូរ​ទៅ​ដោយ​សារជាតិ​បំប៉ន​ជា​ច្រើន។ ដូច្នេះ​វា​គ្មាន​អ្វី​ចម្លែក​នោះ​ទេ​ដែល​ថា ផ្លែ​ឈើ​ប្រភេទ​នេះ​ពិត​ជា​មាន​ភាព​អស្ចារ្យ ចំពោះ​សុខភាព​គ្រាប់​ភ្នែក។ ផ្លែបឺរនេះមានផ្ទុកនូវ សារជាតិ lutein ច្រើនជាងប្រភេទផ្លែឈើ ផ្សេងៗទៀត ។ សារ​ជាតិ lutein មាន​អត្ថ​ប្រយោជន៍​ជា​ពិសេស ក្នុង​ការ​ការពារ​នូវ​ជំងឺ​ឡើង​បាយ និង​ការ​មើល​ឃើញ​ចុះ​អន់​ខ្សោយ។ ផ្លែ​បឺរ ក៏​ជា​ប្រភព​ដ៏​ល្អ​នៃ សារជាតិ​បំប៉ន​ចាំ​បាច់ សម្រាប់​ភ្នែក​ដទៃៗ ទៀត​រួម​មាន​ដូច​ជា ៖ វីតាមីនA , វីតាមីនC, វីតាមីន B6 , និង វីតាមីន E ។

៣. ផ្កាខាត់ណាពណ៍ខៀវ ៖ ផ្កាខាត់ណា គឺជាប្រភពដ៏ល្អ នៃសារជាតិវីតាមីន C, កាល់ស្យូម, lutein, zeaxanthin និង sulforaphane ដែលអាចជួយដល់ប្រព័ន្ធគ្រប់គ្រង និងការពារភ្នែកលោកអ្នក ។

៤. ស៊ុត៖ ស៊ុតជាប្រភពដ៏ប្រសើរបំផុត នៃពពួកសារជាតិបំប៉ន សម្រាប់សុខភាពមានដូចជា វីតាមីន A, zinc, lutein, lecithin, វីតាមីន B12 , វីតាមីន D និង cysteine ។

៥. ស្ពៃក្តោបច្រើនមុខ៖ ស្ពៃក្តោបប្រភេទផ្សេងៗជាច្រើន ដូចជា ស្ពីណាចជាដើម វាជាប្រភពដ៏ល្អ នៃ​សារជាតិ​វីតាមីន A, lutein និង zeaxathin ។

៦. ផ្លែប៉េងប៉ោះ៖ ផ្លែប៉េងប៉ោះ គឺមានផ្ទុកនូវសារជាតិ វីតាមីន C និង lycopene ដ៏ខ្ពស់ ដែលវាជាសារជាតិបំប៉ន​ពីរប្រភេទ យ៉ាងសំខាន់សម្រាប់គ្រាប់ភ្នែក ។

៧. គ្រាប់ផ្កាឈូករ័ត្ន៖ គ្រាប់ផ្កាឈូករ័ត្ន មានផ្ទុកសារជាតិ selenium ដែលវាជាសារជាតិបំប៉នមួយប្រភេទ ដែល​អាចការពារ អ្នកពីជំងឺភ្នែកឡើងបាយ និង ជម្រុញការពារសុខភាព ទាំងអស់របស់គ្រាប់ភ្នែក ។

៨. ខ្ទឹមស៖ ខ្ទឹមសមានផ្ទុកសារជាតិ selenium និង សារជាតិបំប៉នសម្រាប់ គ្រាប់ភ្នែកដ៏ទៃទៀត មានដូចជា វីតាមីន C និង quercetin ។

៩. ត្រីសូម៉ុង៖ ត្រីសូម៉ុង គឺសំបូរទៅដោយអាស៊ីតខ្លាញ់ត្រី អូមេហ្គា៣ ដែលវាមានសារៈប្រយោជន៍ យ៉ាងខ្លាំង ក្នុងការរក្សាការពារសុខភាព ភ្នែកបានទាំងស្រុង។ វាក៏មានផ្ទុកផងដែរ នូវ អាស៊ីតហ្វូលីក, វីតាមីន D, វីតាមីន B6 , វីតាមីន B12 និង វីតាមីន A៕