អាជីវករ​ផ្សារ​កំពង់ស្ពឺ ប្រត្តិកម្ម​នឹង​ការ​ធ្វើ​អនុបយោគ​ដី​របស់​រដ្ឋាភិបាល

អាជីវករលក់ដូរនៅផ្សារកំពង់ស្ពឺ បាននាំគ្នាមកដាក់ញត្តិ សុំឲ្យរដ្ឋសភាជួយរកដំណោះស្រាយ បញ្ហាទំនាស់ដីធ្លី ដែល​កំពុង​កើត​មាន​ចំពោះពួកគាត់ និងក្រុមហ៊ុនឯកជនមួយ កាន់កាប់ដោយឧកញ្ញ៉ា សួន គឹមសាន។ ពួក​គាត់​បាន​និយាយ​ថា ក្រុមហ៊ុននោះបានបណ្តេញពួកគាត់ចេញ ដោយគ្មានសំណង។
Loading...
  • ដោយ: ក. វិច្ចនី អត្ថបទ៖ក. វិច្ចនី ([email protected]) - យកការណ៍៖ ស្រ៊ុន ទិត្យ - ភ្នំពេញ ថ្ងៃទី ២៤ ធ្នូ ២០១៤
  • កែប្រែចុងក្រោយ: December 24, 2014
  • ប្រធានបទ: ដីធ្លី
  • អត្ថបទ: មានបញ្ហា?
  • មតិ-យោបល់

អនុក្រិត្យ​មួយ ស្តី​ពី​ការ​ធ្វើ​អនុបយោគ​ដី ត្រូវ​បាន​ចេញ​ដោយ​រដ្ឋាភិបាល ក្នុង​ការ​ប្តូរ​ចំណាត់​ថ្នាក់​ពី​ទ្រព្យ​សម្បត្តិ​របស់​រដ្ឋ មក​ជា​ទ្រព្យ​សម្បត្តិ​ឯកជន​របស់​រដ្ឋ​វិញ ដែល​ទ្រព្យ​សម្បត្តិ​នេះ​ជា​ដី​ចំណត​រថយន្ដ ស្ថិត​នៅ​ក្នុង​ផ្សារ​កំពង់ស្ពឺ និង​មាន​ប្រជា​ពលរដ្ឋ​ជា​ច្រើន​គ្រួសារ បាន​កំពុង​រក​ទទួល​ទាន​នៅ​លើ​ដី​នោះ​ផង​ដែរ។

ការ​ផ្លាស់​ប្តូរ​នេះ ត្រូវ​បាន​អាជីវករ​លក់​ដូរ​នៅ​តំបន់​នោះ មិន​ព្រម​ទទួល​យក​ការ​ដោះ​ដូរ​នោះ​ទេ។ ការ​ផ្ទេរ​កម្មសិទ្ធ​ដី​សាធារណៈ​នេះ មិន​ត្រូវ​បាន​អាជ្ញាធរ​ជូន​ដំណឹង ទៅ​អាជីវករ​​ជា​មុន ហើយ​នៅ​ពេល​ដែល​ក្រុមហ៊ុន​ឯកជន​មួយ​នោះ បាន​មក​ធ្វើការ​បណ្តេញ​ក្រុម​អាជីវករ​ចេញ មិន​ឲ្យ​ប្រកប​របរ​លក់​ដូរ ទើប​​ពួក​គាត់​ជា​អាជីវករ​ដឹង ហើយ​មាន​ការ​ភ្ញាក់​ផ្អើល​ចំពោះ​បញ្ហា​នេះ។ ក្រុមហ៊ុន ដែល​ក្លាយ​ជា​ម្ចាស់​ដី​សារធារណៈ ព្រោះ​ទើប​នឹង​ទទួល​បាន​កម្មសិទ្ធ​ពី​រដ្ឋាភិបាល​នោះ បាន​បណ្តេញ​ប្រជា​ពលរដ្ឋ​មិន​ឲ្យ​លក់​ដូរ​បន្ត​ទៀត ដោយ​អះ​អាង​ថា​ដី​នោះ​ជា​ដី​របស់​ខ្លួន។

ទាក់ទងនឹងបញ្ហានេះ ក្រុមអាជីវករធ្លាប់បានដាក់ពាក្យបណ្តឹង ទៅសាលាខេត្តកំពង់ស្ពឺជាច្រើនដងមកហើយ ប៉ុន្តែមិនដែលឃើញមានអាជ្ញាធរណាមួយ ជួយធ្វើអន្តរាគមន៍នៅឡើយ ទើបរហូតមកដល់ថ្ងៃនេះ ពួកគាត់​បាននាំគ្នាយកញត្តិ មកដាក់ជូនរដ្ឋសភាដើម្បីជួយរកដំណោះស្រាយ។

លោក នុំ កុសល តំណាងឲ្យក្រុមអាជីវករ បានប្រាប់ទស្សនាវដ្តីមនោរម្យ.អាំងហ្វូថា ជុំវិញជំលោះដីធ្លីនេះ​បាន​កើតឡើងជិត​មួយឆ្នាំទៅហើយ ប៉ុន្តែអាជ្ញាធរខេត្តមិនព្រមអើពើដោះស្រាយជំលោះជូនប្រជាពលរដ្ឋនោះទេ។ ហើយការដែលសាលាខេត្តដោះស្រាយបញ្ហានេះមិនចេញ ដោយសារតែថ្នាក់លើបានបញ្ជាក់ថា ពលរដ្ឋ​រស់​នៅក្នុងប្លុកបេនឡាននោះ បានយល់ព្រមផ្តិតមេដៃប្រគល់ដីនោះ ទៅជាដីសារធារណៈឯកជនរបស់រដ្ឋទៅ​ហើយ ប៉ុន្តែធាតុពិតពួកគាត់មិនបានដឹងនោះទេ។ លោកថា លោកតវ៉ានេះគ្រាន់តែចង់បានកន្លែងលក់ដូរ​វិញ​ប៉ុណ្ណោះ ហើយលោកបានសង្ឃឹមយ៉ាងមុតមាំថាគណៈកម្មការទី ១នៃរដ្ឋសភា នឹងជួយដោះស្រាយទំនាស់​នេះ​ជូនពួកគាត់ជាក់ជាមិនខាន។

ព្រមជាមួយគ្នានេះ ក្រុមអាជីវករប្រមាណជាង ២០០នាក់ បានសំណូមពរទៅរដ្ឋាភិបាលដែលបានដោះដូរដី ជាសាធារណៈនោះឲ្យពិចារណាម្តងទៀត ព្រោះការដោះដូរនេះ គ្មានការយល់ព្រមពីប្រជាពលរដ្ឋ ដែលកំពុង​រស់នៅ​លើដីនោះឡើយ។ ពួកអាជីវករ បាននិយាយបន្ថែមថា ការដោះដូរដីនៅចំណុចបេនឡានកំពុងស្ពឺនេះ មានការប៉ះពាល់អាជីវករលក់ដូរប្រមាណជាជាង៣០០គ្រួសារ។

ទស្សនាវដ្ដីមនោរម្យ.អាំងហ្វូ មិនអាចសុំការបំភ្លឺពីក្រុមហ៊ុនទទួលសិទ្ធគ្រប់គ្រងដីនោះ និងពីអាជ្ញាធរខេត្ត​កំពង់ស្ពឹបានទេ នៅពេលនេះ៕

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...