កូនៗ សុំ​ឲ្យ​សាលា​ឧទ្ធរណ៍​​ពន្លឿន​ការ​បើក​សវនាការ ព្រោះ​ម្តាយ​ឈឺ​ធ្ងន់

ក្រុមគ្រួសារ ជាពិសេសកូនៗរបស់សកម្មជនដីធ្លី ដែលកំពុងជាប់ពន្ធនាគារ កំពុងព្រួយបារម្ភ ចំពោះសុខភាពរបស់ម្តាយៗរបស់ពួកគេ ដែលកំពុងមានជំងឺនៅក្នុងគុកព្រៃស គ្មានគ្រូពេទ្យព្យាបាល ខណៈដែលសាលាឧទ្ធរណ៍កំពុងពន្យាពេល នៃការបើកសវនការ។
Loading...
  • ដោយ: ក. វិច្ចនី អត្ថបទ៖ក. វិច្ចនី ([email protected]) - យកការណ៍៖ ស្រ៊ុន ទិត្យ - ភ្នំពេញ ថ្ងៃទី ២៤ ធ្នូ ២០១៤
  • កែប្រែចុងក្រោយ: December 24, 2014
  • ប្រធានបទ: យុត្តិធម៌
  • អត្ថបទ: មានបញ្ហា?
  • មតិ-យោបល់

ប្រជាពលរដ្ឋ​រង​គ្រោះ​ដី​ធ្លី ជាង ២០នាក់ និង​កូនៗ​របស់​សកម្មជន​ដី​ធ្លី ដែល​កំពុង​ជាប់​ឃុំ នៅ​ពន្ធនាគារព្រៃសរ បាន​ស្នើរ​ឲ្យ​សាលា​ឧទ្ធរណ៍ ពន្លឿន​ការ​បើក​សវនាការ​ដោះ​សា្រយ ចំពោះ​សកម្ម​ជន​ទាំង ១១​អង្គ និង​នាក់ ឲ្យ​បាន​ឆាប់ ព្រោះ​បច្ចុប្បន្ន​នេះ ម្ដាយ​របស់​ពួក​គេ កំពុង​មាន​ជំងឺ​ជា​ទម្ងន់​នៅ​ក្នុង​ពន្ធនាគារ ហើយ​ក្នុង​ចំណោម​ស្ត្រី​ទាំង​នោះ មាន​ស្ត្រី​មា្នក់​មាន​ជំងឺ​បេះ​ដូង​ធ្ងន់​ធ្ងរ។

អ្នកស្រី ប៊ូវ សុភា តំណាង​ឲ្យ​ក្រុម​សកម្មជន​​ដី​ធ្លី មក​ពី​សហគមន៍​បឹង​កក់ បាន​និយាយ​ថា ម្តាយ​ក្មេងៗ​ដែល​ជាប់​ពន្ធនាគា រួម​ទាំង​អ្នក​ស្រី ទេព វន្នី ផង​នោះ កំពុង​មាន​ជំងឺ​យ៉ាង​ធ្ងន់​ធ្ងរ ហើយ​គ្មាន​គ្រូ​ពេទ្យ​ព្យាបាល នៅ​ក្នុង​ពន្ធនាគារ​ទេ។ អ្នក​ស្រី​បាន​​បន្ថែម​ទៀត​ថា ក្រុម​សហគមន៍​ធ្លាប់​បាន​សុំ​យក​គ្រូ​ពេទ្យ​នៅ​ខាង​ក្រៅ ឲ្យ​ចូល​ទៅ​ព្យាបាល​ជំងឺ​អ្នក​ទាំង​នោះ ប៉ុន្តែ​សន្តិសុខ​នៅ​គុក​ព្រៃ​សរ មិន​អនុញ្ញាត​ឡើយ។ ទើប​ថ្ងៃ​នេះ អ្នក​ស្រី​បាន​នាំ​គ្នា​យក​ញត្តិ មក​ដាក់​ជូន​សាលា​ឧទ្ធរណ៍ ឲ្យ​ពន្លឿន​ការ​បើក​សវនការ​ឲ្យ​បាន​ឆាប់​រហ័ស។

ដោយមានការស្រែកទាមទារពីកុមារៗ ដែលជាកូនរបស់សកម្មជនទាំង ១១នាក់ និងការស្នើសុំរបស់​សកម្មជន​ផ្សេងទៀត ដែលទៅចូលរួមតវ៉ា មានលក្ខណៈខ្លាំងក្លា ក្រុមសន្តិសុខសាលាឧទ្ធរណ៍ ក៍បានសម្រេចឲ្យកូនៗ​របស់សកម្មជន កំពុងជាប់ពន្ធនាគារ ចំនួនបីនាក់ យកញត្តិទៅដាក់ក្នុងសាលាឧទ្ធរណ៍។

ទាក់ទងនឹងជម្ងឺរបស់ក្រុមសកម្មជន ដែលកំពុងជាប់ឃុំទាំងនោះ ទស្សនាវដ្ដីមនោរម្យ.អាំងហ្វូ នៅមិនទាន់មាន​ប្រភពណាផ្សេង អាចបញ្ជាក់បាននៅឡើយ។ រីឯខាងមន្ត្រីរបស់ពន្ធនាគារ ទស្សនាវដ្ដីកំពុង​ព្យាយាម​ទាក់ទង ដើម្បីសុំការបកស្រាយ។

ដោយឡែក បន្ទាប់ពីបានដាក់ញត្តិរួច កុមារ និងប្រជាសហគមន៍រងគ្រោះ នឹងបញ្ហាដីធ្លីទាំងនោះ បានថ្លែង​ថា ពួកគេ​កំពុង​​រង់ចាំការផ្តល់ចម្លើយ ពីសាលាឧទ្ធរណ៍មកវិញ ឬអាចនឹងវិលត្រឡប់មកវិញ ក្នុងពេលខាងមុខ ដើម្បី​ដឹង​ពី​ចម្លើយ​នេះ៕

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...