យុទ្ធនាកា​១៦​ថ្ងៃ ដើម្បី​បញ្ឈប់​អំពើ​ហឹង្សា​លើ​ស្ត្រី និង​កុមារ

នៅក្នុងយុទ្ធនាការ១៦ថ្ងៃ ដែលប្រព្រឹត្តទៅនៅរាជធានីភ្នំពេញ នាថ្ងៃទី៦ ខែធ្នូ ឆ្នាំ២០១៤នេះ មានការចូលរួម ពីសំណាក់យុវជនជាតិ និងអន្តរជាតិ ប្រមាណជាជាង៥០០នាក់ ដោយចាប់ផ្តើមពីម៉ោង៣រសៀល ដល់ម៉ោង៥ល្ងាច ។
Loading...
  • ដោយ: ក. សោភណ្ឌ អត្ថបទ៖ ក. សោភ័ណ្ឌ ([email protected]) - យកការណ៍៖ ហេង វុទ្ធី - ភ្នំពេញ ថ្ងៃទី០៦ ធ្នូ ២០១៤
  • កែប្រែចុងក្រោយ: December 07, 2014
  • ប្រធានបទ: សង្គម
  • អត្ថបទ: មានបញ្ហា?
  • មតិ-យោបល់

ការចូលរួមពី​សំណាក់​យុវជន​យុវនារី ប្រមាណ​ជា​ជាង​៥០០​នាក់ នា​កណ្តាល​រាជធានី​ភ្នំពេញ​ មាន​គោល​បំណង​តែ​មួយ​គត់ គឺ​រួម​គ្នា​ដើម្បី​លុប​បំបាត់ អំពើ​ហឹង្សា​លើ​ស្ត្រី និង​កុមារ នៅ​ទូទាំង​ពិភពលោក។ ក្នុង​កម្មវិធី​នោះ មាន​ការ​រាំ​ជា​ចង្វាក់ ម៉ាឌីហ្សុន នៅ​​ទី​ធ្លា​​ខាង​​មុខ​​វត្ត​​បទុម​វតី ចាប់​ពី​ម៉ោង​២​រសៀល រហូត​ម៉ោង​៦​​ល្ងាច ​ថ្ងៃ​​ទី​​៦ ខែ​​ធ្នូ​នេះ និង​ប្រើ​ប្រាស់​ឯក​សណ្ឋាន​អាវ​យឺត តែ​មួយ​ពណ៌​គ្រប់​គ្នា ដោយ​​មាន​​សរសេរ​​សារ​​ថា៖ «រួម​គ្នា​​ទប់​ស្កាត់​​អំពើ​ហិង្សា​​លើ​​ស្ត្រី»។

លោកស្រី នី ម៉ារ៉ាឌី មក​ពី​ក្រសួង​កិច្ចការ​នារី បាន​ឲ្យ​ទស្សនាវដ្តី​មនោរម្យ.អាំងហ្វូ​ដឹង​ថា យុទ្ធនាការ​នេះ​មិន​មែន​ធ្វើ​ឡើង តែ​នៅ​ប្រទេស​កម្ពុជា​នោះ​ទេ តែ​បាន​ប្រព្រឹត្ត​ឡើង​នៅ​ទូទាំង​ពិភពលោក ព្រម​ទាំង​មាន​អង្គការ​ជា​ច្រើន​ចូលរួម​ដូច​ជា អង្កការ​សហ​ប្រជាជាតិ អង្គការ យូអិន វូមែន (UN Woman - កម្មវិធី​​ទប់​ស្កាត់​​អំពើ​​ហិង្សា​​លើ​​ស្ត្រី​​នៃ​មូលនិធិ​​អភិវឌ្ឍន៍​​អង្គការ​​សហ​ប្រជាជាតិ) ដែល​​ជា​ម្ចាស់​គម្រោង និង​អង្កការ​ជា​ដៃ​គួរ​មួយ​ចំនួន​ទៀត។ លោក​ស្រី​បាន​បញ្ជាក់​ថា ការ​ធ្វើ​បែប​នេះ ដើម្បី​ឲ្យ​ពិភពលោក​ទទួល​ស្គាល់​ លើ​តម្លៃ​ស្ត្រី និង​កុមារ ថា​ជា​កោសិកា​រឹង​មាំ មិន​មែន​ទន់​ខ្សោយ​នោះ​ទេ ហើយ​ត្រូវ​លើក​ដំកើង​ឲ្យ​មាន​តម្លៃ នៅ​ក្នុង​សង្គម និង​ទូទាំង​ពិភពលោក។

កំពុងតែដឹកនាំយុវជន ឲ្យរាំចង្វាក់ម៉ាឌីហ្សុន លោក ផុន វុត្ថា ជាមន្រ្តីនៃអង្កការ យូអិន វូមែនន បានស្រដីឡើង​ថា ការរាំរែកនៅក្នុងថ្ងៃនេះ មិនមែនជាលើកទីមួយនោះទេ តែបានប្រព្រឹត្តិទៅ ជារៀងរាល់ឆ្នាំ ពោលគឺចាប់ពី​ថ្ងៃទី​២៥ ខែវិច្ឆិកា រហូតដល់ថ្ងៃ០៦ ខែធ្នូ។ លោកនិយាយថា កម្មវិធីយុទ្ធនាការ ១៦ថ្ងៃនេះ ក៏មានការប្រារព្ធធ្វើ នៅ​ក្រៅប្រទេសដែរ និងមាន​អង្គការ​ស្ថាប័ន​ធ្វើ​ការងារ​ពាក់ព័ន្ធ​ នឹង​ការ​លើក​កម្ពស់​សិទ្ធិ​ស្ត្រី ជា​ដៃគូ​របស់ យូអិន វូមែន ចំនួន​៣៤ បាន​ចូលរួម។

មន្ត្រីរបស់កម្មវិធី ​យូអិន វូមែនន រូបនេះ បានថ្លែងឡើងថា៖ «ប្រធានបទ​សំខាន់​របស់​យើង​មួយ ដែល​បាន​ផ្ញើ​​ជូន​អ្នក​ចូលរួម និង​ចង់​លើក​ទឹក​ចិត្ត​ដល់​អ្នក​ចូលរួម​ទាំងអស់​ថា ការ​បញ្ឈប់​អំពើ​ហិង្សា​លើ​ស្ត្រី និង​កុមារ គឺ​ត្រូវ​ចាប់​ផ្ដើម​ខ្លួន​យើង។ យើង​ត្រូវ​ធ្វើ​ម៉េច​កសាង​សន្តិភាព​ក្នុង​គ្រួសារ ក្នុង​សហគមន៍ ជាពិសេស​នៅ​ក្នុង​ខ្លួន​របស់​យើង​គ្មាន​អំពើ​ហិង្សា។ យើង​អាច​និយាយ​បាន​ថា នៅ​ជុំវិញ​ខ្លួន​យើង​ក៏​គ្មាន​អំពើ​ហិង្សា​ដែរ សហគមន៍​យើង​មាន​សន្តិភាព នោះ​ជា​អ្វី​ដែល​យើង​ចង់​បាន។»៕

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...