លំនាំ​ភ្លេង​តែ​១ និង​តារា​ចម្រៀង​៤ដួង៖ តើ​១ណា មាន​ទឹក​ដម​ពិរោះ​ជាង?

តារាចម្រៀងកំពុងលេចធ្លោ ក្នុងដួងចិត្តយុវវ័យ ឆាយ វិរៈយុទ្ធ - ខេម - ម៉ាទីន និងតារាចម្រៀងពន្លកថ្មី ប៊ុត សីហា បាន​បក​ស្រាយ​បទ​ចមម្រៀង មានចំណងជើងខុសគ្នា ប៉ុន្តែសាច់ភ្លេងដូចគ្នា តើប្រិយមិត្តយល់ថា តារា​ចម្រៀង​រូប​ណា​ដែល​ច្រៀង​បាន​ពិរោះ​ជាង​គេ?
Loading...
  • ដោយ: ប្រាថ្នា ដោយ ប្រាថ្នា (ទាក់ទង៖ [email protected] ) - ភ្នំពេញ ថ្ងៃទី៣០ វិច្ឆិកា ២០១៤
  • កែប្រែចុងក្រោយ: December 02, 2014
  • ប្រធានបទ: ចម្រៀង
  • អត្ថបទ: មានបញ្ហា?
  • មតិ-យោបល់

«ឱ្យគេញ៉ែលឿនម្លេះ» របស់ ខេម តារា​ចម្រៀង​គ្រាប់​ពេជ្រ របស់​ផលិតកម្ម​ថោន - «មុន​នឹង​ចាក​ចេញ» សំនៀង​របស់​ ម៉ាទីន តារា​ចម្រៀង​ផលិតកម្ម​ភ្លេង​រីខត និង​បទ​«ស្មោះ​បង​ស្លាប់​អី» សំនៀង​ដើម​របស់ ឆាយ វីរៈយុទ្ធ តារា​ចម្រៀង​ផលិតកម្ម​សាន់ដេរ។ បទ​«ស្មោះ​បង​ស្លាប់​អី»​នេះ​ដដែល ក៏​ជា​សំនៀង​របស់ ប៊ុត សីហា ម្ចាស់​ពាន​ឌឹវយ្សន៍​កម្ពុជា​ដែរ។ បទ​ទាំង​បួន ត្រូវ​បាន​ប្រិយមិត្ត​ម្នាក់​យក​មក​កាត់​ត ឱ្យ​ចេញ​ជា​បទ​ចម្រៀង​តែ​មួយ និង​ការ​ប្រៀបធៀប​ថា តើ​សំនៀង​របស់​តារា​រូប​ណា ច្រៀង​បាន​ពិរោះ​ជាង​គេ។

ចំពោះ​ការ​ដាក់​ពិន្ទុ ឱ្យ​សំនៀង​របស់​តារា​ចម្រៀង​៤នាក់ ប្រិយ​មិត្ត​ខ្លះ​ដាក់​ពិន្ទុ​ឱ្យ​តារា​ដែល​ខ្លួន​ពេញ​ចិត្ត និង​គាំទ្រ។ រីឯ​អ្នក​ខ្លះ​ទៀត ក៏​ធ្វើការ​វិភាគ ទៅ​លើ​សម្លេង​របស់​តារា​ទាំង​អស់​នោះ​ថា កន្លែង​ណា​ពិរោះ និង​កន្លែង​ណា​មិន​ពិរោះ​ដែរ។

ផ្តើមចេញពីទស្សនិកជនម្នាក់ បានសរសេរបញ្ចេញយោបល់ថា ឆាយ វីរៈយុទ្ធ មានសម្លេងល្អជាងគេ ព្រោះ​ពេលស្រែកសម្លេងនៅមូលល្អ មិនបែក មិនភ្លៀវ។ ប្រិយមិត្តរូបនេះ សរសេរបន្តថា៖ «តែបើសម្លេងខ្លាំង គឺ​ ម៉ាទីន ខ្លាំងជាងគេ តែប្រឹងបង្អួតសម្លេងពេក ពិបាកស្តាប់ខ្លាំងណាស់!»។

ផ្ទុយពីការយល់ឃើញប្រិយមិត្តខាងលើ ម្នាក់បានជំទាស់វិញថា មានតែសម្លេងរបស់ម៉ាទិនទេ ដែល​ពិរោះ​ជាង​គេ ស្រែកបានល្អ មានទម្ងន់។ មិនខុសគ្នាដែរ ម្ចាស់គណនីម្នាក់ដែលជាអ្នកគាំទ្ររបស់ ខេម បានសរសេរ​ការពារតារាក្នុងដួងចិត្តរបស់ខ្លួនថា «បទឱ្យគេញ៉ែលឿនម្លេះ របស់ខេម ពិរោះជាងគេ»។

ចំណែកប្រិយមិត្តមួយរូបទៀត បានសរសេរយ៉ាងដូច្នេះថា៖ «សម្រាប់ខ្ញុំ ខ្ញុំគិតថាចាញ់សីហាទាំងអស់»។ តារា​ចម្រៀងអាជីពទាំងបី ចាញ់ម្ចាស់ពានឌឹវយ្សន៍រដូវកាលទី១ ប៊ុត សីហា ដោយសារតែ ប៊ុត សីហា ច្រៀងផ្ទាល់ រីឯតារាចម្រៀងទាំងបី ច្រៀងក្នុងស្ទីឌីយោមានឧបករណ៍ជំនួយ។ ប្រិយមិត្តខ្លះលើកឡើងថា ប្រសិនបើ ប៊ុត សីហា ច្រៀងក្នុងស្ទីតយោ គេអាចនឹងពិរោះជាងតារាចម្រៀងអាជីពទាំងបី។

រីឯម្ចាស់គណនីហ្វេសប៊ុកម្នាក់ បានសរសេរវិភាគសម្លេងអ្នកទាំងបួនថា៖ «តាមយោបល់ខ្ញុំ យល់ឃើញថា ១.ម៉ាទីន ពិតជាមានសម្លេងល្អ គាត់ស្រែកបានខ្ទង់ខ្ពស់ ប៉ុន្តែហាក់បីដូចមិនពិរោះ ដោយគាត់ប្រើកម្លាំង​ស្រែក​ខ្លាំងពេក ធ្វើឱ្យប៉ះពាល់មនោសញ្ចេតនា»។ ចំណែកលោកឆាយ វីរៈយុទ្ធ គាត់គឺជាតារាចម្រៀងអាជីព មាន​បទពិសោធមុនគេ គាត់ច្រៀងបានល្អ ដាក់មនោសញ្ចេតនាបានល្អ ចេះលើកដាក់សម្លេងឱ្យត្រូវនឹងសាច់រឿង ប៉ុន្តែមានឃ្លាខ្លះរាងភ្លៀវ។ រីឯ ប៊ុត សីហា វិញ ធ្វើបានល្អដែរ ប៉ុន្តែដាក់មនោសញ្ចេតនាមិនសូវល្អដូច ឆាយ វីរៈយុទ្ធ ទេ។ ម្ចាស់គណនីហ្វេសប៊ុកនេះ បានសរសេរទៀតថា៖ «សម្លេងសីហា មិនងំល្អដូចពួកបង​ទាំងបី​ផ្សេងទេ»។ ចំពោះខេមវិញ ដោយសារតេគាត់មានអំណោយផលពីធម្មជាតិ នូវសម្លេងបែបស្អក ដូច្នេះ​បើ​ទោះ​បីជាស្រែកបែកតិចតួចក៏ដោយ ប៉ុន្តែពិបាកដឹងណាស់។ ខេមធ្វើបានល្អ ដាក់មនោសញ្ចេតនា​សាកសមនឹង​សម្លេង។

ចុះប្រិយមិត្តវិញយល់យ៉ាងណាដែរ ចំពោះទមដមសម្លេងតារាចម្រៀងទាំងបួនដែលកំពុងតែមានឈ្មោះល្បី?

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...