ទាំងលោក ​ហ៊ុន សែន នាយករដ្ឋមន្ត្រី និង​លោក ​សម រង្ស៊ី ប្រធានគណបក្សសង្គ្រោះជាតិ សុទ្ធតែបានចាត់​ទុ​កការ​ចរចា​​លើក​នេះ បានទទួល​ជោគជ័យ ហើយនឹងឈានទៅ​បញ្ចប់​ជម្លោះ​ក្រោយ​ការបោះឆ្នោត ដ៏រ៉ាំរ៉ៃជិត១ឆ្នាំ​។​

នាយករដ្ឋមន្ត្រីកម្ពុជា លោក ហ៊ុន សែន (រូបខាងស្តាំ) ចាប់ដៃមដឹកនាំគណបក្សប្រឆាំងលោក សម រង្សី នៅមុខរដ្ឋសភា រាជធានីភ្នំពេញ កាលពីឆ្នាំ២០០៦។ (រូបថត AFP/PhnomoPenh Post)

នយោបាយ - អ្វីដែលជាលទ្ធផលគួរឲ្យកត់សម្គាល់នោះ គឺក្រុមតំណាងរាស្ត្រជាប់ឆ្នោត នៃគណបក្ស​សង្គ្រោះជាតិ​ នឹងយល់​ព្រម​ចូល​ប្រជុំក្នុងរដ្ឋសភា រីឯគណៈកម្មាធិការជាតិ រៀបចំការបោះឆ្នោត នឹងត្រូវមានសមាសភាគ៩រូប៖ ៤រូប​មកពី គណបក្សប្រជាជនកម្ពុជា ដែលដឹកនាំរាជរដ្ឋាភិបាល ៤រូប​មកពី គណបក្សសង្គ្រោះជាតិ និង១រូបទៀតមាន ដោយមានការរយល់ព្រមពីគណបក្ស ដែលមានអាសនៈ ក្នុងសភា។

ដោយឡែក បេក្ខជន​ជាប់ឆ្នោតជាតំណាងរាស្ត្រគណបក្ស​សង្គ្រោះ​ជាតិ ទាំង៧រូប និងមន្ត្រីស្និតនឹងគណបក្សនេះ មួយ​រូបទៀត ដែលកំពុងជាប់ឃុំ នៅពន្ធនាគារព្រៃសរ ត្រូវបានលោក យឹម សុវណ្ណថ្លែងថា កំពុង​ត្រូវបាន​គេ​រៀបចំ​ដោះលែង​ ឲ្យមានសេរីភាពវិញ ​បន្ទាប់ពី​មានការ​សាកសួរ​មួយទៀត នៅតុលាការព្រឹកនេះ៕​

ខាងក្រោមនេះ ជាលទ្ធផលទាំងស្រុង នៃជំនួបកំពូលថ្ងៃទី២២ ខែកក្កដា ឆ្នាំ២០១៤៖