អតីត​ជន​ជាប់​ឃុំ​ទាំង​២៥ ត្រៀម​ទាមទារ​ឱ្យ​តុលាការ​ទម្លាក់​ការ​ចោទ

លោក ចាន់ ពុទ្ធិស័ក្ត ជាជនជាប់ចោទម្នាក់ ក្នុងចំណោមជនជាប់ចោទទាំង២៥នាក់ បានអះអាងនៅថ្ងៃទី១២ ខែ​មិថុនានេះថា ក្រោយពីលោក និងអតីតជនជាប់ឃុំផ្សេងទៀត ត្រលប់មកពីព្យាបាលជម្ងឺនៅប្រទេសថៃ ក្រុម​លោក​នឹង​រៀបចំ​យុទ្ធនាការមួយ ដើម្បីទាមទារឱ្យតុលាការទម្លាក់ការចោទប្រកាន់ និងមានជំហរឯករាជ្យ។
Loading...
  • ដោយ: ប្រាថ្នា ដោយ ក.ចាន់នីតា (ទាក់ទង៖ [email protected]) - ភ្នំពេញ ថ្ងៃទី១២ មិថុនា ២០១៤
  • កែប្រែចុងក្រោយ: June 12, 2014
  • ប្រធានបទ:
  • អត្ថបទ: មានបញ្ហា?
  • មតិ-យោបល់

លោក ចាន់ ពុទ្ធិស័ក្ត ជាជនជាប់ចោទម្នាក់ ក្នុងចំណោមជនជាប់ចោទទាំង២៥នាក់ បានអះអាងនៅថ្ងៃទី១២ ខែ​មិថុនានេះថា ក្រោយពីលោក និងអតីតជនជាប់ឃុំផ្សេងទៀត ត្រលប់មកពីព្យាបាលជម្ងឺនៅប្រទេសថៃ ក្រុម​លោក​នឹង​រៀបចំ​យុទ្ធនាការមួយ ដើម្បីទាមទារឱ្យតុលាការទម្លាក់ការចោទប្រកាន់ និងមានជំហរឯករាជ្យ។


លោក ចាន់ ពុទ្ធិស័ក្ត តំណាងសហគមន៍បឹងកក់ និងជាអតីតជន​ជាប់ឃុំ។ (រូបថត MONOROOM.info/ S.Tith)

ប្រព័ន្ធយុត្តិធម៌ - លោក ច័ន្ទ ពុទ្ធិស័ក្ត តំណាងសហគមន៍បឹងកក់ បានឱ្យដឹងថា លោកព្រមទាំងអតីតជន​ជាប់​ឃុំ​ទាំង២៤នាក់ទៀត ដែលបានជាប់ពន្ធនាគារ អស់រយៈពេលជាង៤ខែ នៅពន្ធនាគារត្រពាំងផ្លុង ខេត្តកំពង់ចាម នឹង​ធ្វើយុទ្ធនាការមួយ ទាមទារឱ្យមានប្រព័ន្ធតុលាការមួយ ដែលមានភាពឯករាជ្យនិងយុត្តិធម៌សម្រាប់សង្គមខ្មែរ។

លោកបញ្ជាក់បន្ថែមថា ចំណុចសំខាន់នៃយុទ្ធនាការនេះ ក្នុងគោលបំណងឱ្យតុលាការស៊ើបរកមុខ អ្នកដែល​បាន​បាញ់កម្មករក្នុងថ្ងៃកើតហេតុ ជាពិសេសគឺទម្លាក់ការចោទប្រកាន់ទាំងអស់ទៅលើ ជនទាំង២៥នាក់នេះ។ លោកថា​សម្រាប់ពួកលោកអយុត្តិធម៌ណាស់ ដោយសារតែតុលាការសម្រេចសាលក្រម ឱ្យពួកលោកជាប់ទោសដោយ​មិន​ប្រាប់ពីមូលហេតុ និងគ្មានភស្តុតាងអ្វីទាំងអស់ មួយវិញទៀត ការដែលទាមទារឱ្យផ្តល់សំណង២ពាន់ដុល្លា ថែម​ទាំងមិនបញ្ជាក់ពីការខូចខាត និង ជនរងគ្រោះអ្វីនោះទេ។

លោកបន្តថា សម្រាប់យុទ្ធនាការនេះ នឹងធ្វើក្រោយពេលពួកលោកត្រលប់ មកពីព្យាបាលជម្ងឺ​នៅឯមន្ទីរពេទ្យ ក្នុង​ប្រទេសថៃ។ ម្យ៉ាងទៀត មិនថាតែអ្នកទាំង២៥នាក់នេះទេ តែសូម្បីអ្នកធ្លាប់ជាប់ពន្ធនាគារកន្លងមក ក៏អាចចូលរួម​បាន​ដើម្បី​សិទ្ធិសេរីភាព និងយុត្តិធម៌សង្គមដែរ។

សកម្មជនដីធ្លីរូបនេះ ថ្លែងយ៉ាងដូច្នេះទៀតថា «សូមឱ្យមហាជនទាំងអស់ ចូលរួមគាំទ្រយុទ្ធនាការ ទៅលើ​អ្នក​បញ្ជា​ទិញហ្នឹង ដើម្បីចូលរួមជាមួយពួកខ្ញុំបន្តទៀត ដើម្បីទម្លាក់ចោលការចោទប្រកាន់ទាំងអស់។ ... ព្រោះថា​ពួកខ្ញុំមិន​សមណា មានទោសកំហុសសម្បីតែមួយវិនាទី គឺពួកគ្មានទោសអ្វីទាំងអស់។ ដូចខ្ញុំអញ្ចឹង ទៅឃ្លាំងមើលកម្មករ​ហ្នឹងជា​សិទ្ធិរបស់ខ្ញុំ ខ្ញុំជាប្រជាពលរដ្ឋខ្មែរខ្ញុំមានសិទ្ធិចូលរួម ឃ្លាំមើល រិះគន់ រាល់ទង្វើទាំងឡាយរបស់រដ្ឋាភិបាល ប៉ុន្តែបែរនូវអំពើហិង្សាយ៉ាងអយុត្តិធម៌ចាប់ពួកខ្ញុំ។»៕

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...