ច្បាប់​សិទ្ធិ​ទទួល​បាន​ព័ត៌មាន៖ ជំហាន​​ទី​១ អនុស្សារណ:​​យោគ​យល់​គ្នា

បន្ទាប់ពីមានការទន្ទឹងរង់ចាំជាច្រើនឆ្នាំ និងការតស៊ូមតិយ៉ាងស្វិតស្វាញមកនោះ ទីបំផុតទៅច្បាប់ស្តីពីសិទ្ធិ​ទទួល​បានព័ត៌មាន បានឈានចូលដល់ដំណាក់កាល ផ្តើមបង្កើតហើយ ដោយគេរំពឹងថាច្បាប់នេះ នឹងដើរតួនាទីសំខាន់​ជំរុញឲ្យមានតម្លាភាព ស្ទើរគ្រប់វិស័យក្នុងសង្គម។
Loading...
  • ដោយ: អ៊ុំ បូរី ដោយ អ៊ំ បូរី (ទាក់ទង៖ [email protected]) - ភ្នំពេញ ថ្ងៃទី៣០ ឧសភា ២០១៤
  • កែប្រែចុងក្រោយ: May 30, 2014
  • ប្រធានបទ:
  • អត្ថបទ: មានបញ្ហា?
  • មតិ-យោបល់

បន្ទាប់ពីមានការទន្ទឹងរង់ចាំជាច្រើនឆ្នាំ និងការតស៊ូមតិយ៉ាងស្វិតស្វាញមកនោះ ទីបំផុតទៅច្បាប់ស្តីពីសិទ្ធិ​ទទួល​បានព័ត៌មាន បានឈានចូលដល់ដំណាក់កាល ផ្តើមបង្កើតហើយ ដោយគេរំពឹងថាច្បាប់នេះ នឹងដើរតួនាទីសំខាន់​ជំរុញឲ្យមានតម្លាភាព ស្ទើរគ្រប់វិស័យក្នុងសង្គម។


រដ្ឋមន្រ្តីក្រសួងព័ត៌មាន លោកខៀវ កាញ្ញារីទ្ធ។ (រូបថត John Vink/Magnum Photos)

សិទ្ធិទទួលព័ត៌មាន - យោងតាមលោក កឹម គុណវឌ្ឍន៍ អគ្គនាយកទូរទស្សន៍ជាតិកម្ពុជា បានបញ្ជាក់លើទំព័រ​ហ្វេសប៊ុក ផ្លូវការរបស់ខ្លួន នៅថ្ងៃទី៣០ ខែឧសភា ឆ្នាំ២០១៤ នេះថា៖ «លោក ខៀវ កាញារិទ្ធិ រដ្ឋមន្ដ្រីក្រសួងព័ត៌មាន នៅល្ងាចថ្ងៃទី៣០ ខែឧសភា នឹងចូលរួមជា អញ្ជើញអធិបតី ក្នុងការចុះហត្ថលេខាលើអនុស្សារណ:​យោគយល់​គ្នា​រវាង ក្រសួងព័ត៌មាន និងអង្គការ យូណេស្កូ UNESCO ស្តីពី គម្រោងរៀបចំច្បាប់ សិទ្ធិទទួលបានព័ត៌មាន។»

ច្បាប់សិទ្ធិទទួលបានព័ត៌មាន ត្រូវបានគណបក្សសង្គ្រោះជាតិ អង្គការសង្គមស៊ីវិល ម្ចាស់ជំនួយបរទេស ស្ថាប័ន​សារព័ត៌មានឯករាជ្យ និងភាគីពាក់ព័ន្ធផ្សេងទៀត ទន្ទឹងរង់ចាំ មើលច្បាប់ស្តីពីសិទ្ធិទទួលព័ត៌មាន លិចចេញជារូបរាង ជាច្រើនឆ្នាំមកហើយ ដោយសារតែច្បាប់នេះ ត្រូវបានមជ្ឈដ្ឋានទាំងនោះវាយតម្លៃថា នឹងដើរតួនាទីចម្បង ក្នុងការ​ជំរុញលិទ្ធិប្រជាធិបតេយ្យ ការគោរពសិទ្ធិមនុស្ស តម្លាភាពសង្គម អភិបាលកិច្ចល្អជាដើម ឲ្យមានភាពប្រសើរឡើង។

មន្ត្រីសម្របសម្រួលបណ្ដាញរួបរួម ដើម្បីគណនេយ្យភាពសង្គម ប្រចាំអាស៊ីបូព៌ា និងប៉ាស៊ីហ្វិក ដែលមាន​អង្គការ​សមាគមជាដៃគូចំនួន ១២ ស្ថាប័ន លោក សន ជ័យ បានអត្ថាធិប្បាយប្រាប់ទស្សនាវដ្តីមនោរម្យ.អាំងហ្វូ នៅថ្ងៃទី៣០ ខែឧសភា ឆ្នាំ២០១៤ នេះថា នៅពេលវិស័យសារព័ត៌មានរបស់ប្រទេសមួយ មានការរីកលូតលាស់លឿន ប្រទេស​នោះ ក៏មានការរីកលូតលាស់លឿនតាមនោះដែរ តែបើមានការត្បិតត្បៀត លើសេរីភាពសារព័ត៌មាន ឱកាសនៃការ​អភិវឌ្ឍប្រទេសទាំងនោះ នឹងរងការប៉ះទង្គិច ទៅតាមកម្រិតនោះដូចគ្នា។

លោក សន ជ័យ បានថ្លែងប្រាប់ទៀតថា៖ «នៅពេលច្បាប់នេះចេញមក វានឹងទប់ស្កាត់មន្រ្តីខិលខូចមួយចំនួន ពិសេសការចាយប្រាក់របស់រដ្ឋ ដែលពលរដ្ឋជាអ្នកបង់ពន្ធ។ (...) វាអាចងាយស្រួលដល់អ្នកសារព័ត៌មាន ស្វែងរក​ព័ត៌មានដែលចង់បាន។ ហើយនឹងនាំឲ្យសង្គមនេះ ទៅជាសង្គមជឿជាក់ មានតម្លាភាព លែងមានអាថកំបាំង ទាំង​អ្នកផ្តល់សេវារដ្ឋ និងអ្នកទទួលសេវា។»

ក្នុងកិច្ចសម្ភាសជាមួយទស្សនាវដ្តីមនោរម្យ.អាំងហ្វូ កាលពីពេលកន្លងមក លោក កៃ កឹមសុង និពន្ធនាយក​កាសែត​ភ្នំពេញប៉ុស្តិ៍  បានអត្ថាធិប្បាយថា៖ «តើមានឧបសគ្គអ្វី បានច្បាប់ស្តីពីសិទ្ធិទទួលព័ត៌មាន បង្កើតយូរម្លេះ? ឥឡូវអ្នក​សារព័ត៌មាន កំពុងមានឧបសគ្គ ក្នុងការបំពេញការងារ។ តែទោះយូរ ឬឆាប់យើងចង់បានច្បាប់ល្អ ដែលទទួលបាន​ទាំងអស់គ្នា។ យើងក៏មិនចង់បានច្បាប់ឆាប់ពេក តែគ្មានគុណភាព៕»

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...