ជប៉ុន៖ ក្រចក​នាងៗ​នឹង​បញ្ចេញ​ពន្លឺ នៅ​ពេល​មាន​ទូរស័ព្ទ​ហៅ​ចូល

ក្រចករបស់នាងៗ ជនជាតិជប៉ុន មិនសូវជាត្រូវបានគេមើលឃើញប៉ុន្មានទេ ដោយសារតែក្រចកទាំងនោះ ត្រូវបាន​បាំងបិតដោយពណ៌ថ្នាំក្រចក ឬក្រចកសិប្បនិមិត្តផ្សេងៗ។ តែនៅលើកនេះ គេប្រាកដជាមិនអាចនិយាយថា មិន​ចាប់​អារម្មណ៍ ហើយធ្វើមិនដឹងមិនឃើញនោះទេ នៅពេលដែលក្រចកទាំងនោះ បញ្ចេញ«ពន្លឺ»។
Loading...
  • ដោយ: ឈូករ័ត្ន
  • កែប្រែចុងក្រោយ: April 20, 2014
  • ប្រធានបទ:
  • អត្ថបទ: មានបញ្ហា?
  • មតិ-យោបល់

ក្រចករបស់នាងៗ ជនជាតិជប៉ុន មិនសូវជាត្រូវបានគេមើលឃើញប៉ុន្មានទេ ដោយសារតែក្រចកទាំងនោះ ត្រូវបាន​បាំងបិតដោយពណ៌ថ្នាំក្រចក ឬក្រចកសិប្បនិមិត្តផ្សេងៗ។ តែនៅលើកនេះ គេប្រាកដជាមិនអាចនិយាយថា មិន​ចាប់​អារម្មណ៍ ហើយធ្វើមិនដឹងមិនឃើញនោះទេ នៅពេលដែលក្រចកទាំងនោះ បញ្ចេញ«ពន្លឺ»។


សម្បកក្រចក ដែលឆេះចេញជាពន្លឺ នៅពេលមានការហៅទូរស័ព្ទចូល។ (រូបថតក្រុមហ៊ុន)

សោភ័ណ្ឌភាព - នៅចុងខែនេះ ក្រុមហ៊ុនផលិតគ្រឿងប្រដាប់ល្បែងលេងរបស់ជប៉ុន តាការ៉ា តូមី (Takara Tomy) នឹងដាក់ចេញមកធ្វើពាណិជ្ជកម្ម នូវគ្រៀងប្រដាប់លំអរតាមបែបសិល្បៈមួយ នោះគឺសម្បកក្រចក ដែលគេអាច​យក​មកបិតពីលើក្រចកដៃធម្មតាបាន។ សម្បកក្រចកនោះ ត្រូវបានផលិតឡើងដោយដាក់បញ្ចូលអំពូលភ្លើង ឌីយ៉ូតតូចៗ (LED) ដែលវានឹងឆេះភ្លឺឡើង នៅពេលណាមានរលកភ្ជាប់សញ្ញាឆ្លងកាត់។

ដូច្នេះ ប្រសិនបើអ្នកពាក់សម្បកក្រចកទាំងនោះ មានប្រើនូវទូរស័ព្ទដៃ សម្បកក្រចកនឹងឆេះភ្លឺឡើង នៅពេល​មាន​រលកនៃការហៅទូរស័ព្ទចូលមកក្នុងទូរស័ព្ទ ហើយទាក់ទងទៅនឹងអំពូលភ្លើង ឌីយ៉ូតនោះ ដែលគេហៅបច្ចេកវិទ្យា​នេះ តាមភាសាអង់គ្លេសជាអក្សរកាត់ថា NFC។

ក្រុមហ៊ុន តាការ៉ា តូមី បានពន្យល់នៅក្នុងសេចក្ដីប្រកាសព័ត៌មានរបស់ខ្លួនថា «សម្បកក្រចកចេញពន្លឺ ដែលមាន​ឈ្មោះថា លូមីដកូណេល (Lumideconail) មិនមានរូបរាងក្រាស់ឃ្មឹក ដូចសម្បកក្រចកលើកមុនៗទេ បើទោះជា​វាមានអំពូលភ្លើងនៅក្នុងនោះក៏ដោយ។ ហើយវាមិនចាំបាច់ឲ្យមានដាក់ថ្ម នោះទៀត។» សម្បកក្រចកនេះ នឹងឆេះ​ចេញជាពន្លឺឡើង ដរាបណាវានៅជិតរលក NFC។

មិនត្រឹមតែប៉ុណ្នឹង គេអាចទាញបាននូវកម្មវិធី ដើម្បីកំណត់ពីរលកភ្ជាប់សញ្ញានេះបានថែមទៀត។

សម្បកក្រចកចេញភ្លើងនេះ មាន៦ប្រភេទ ហើយមានតម្លៃប្រមាណជា ១៤ដុល្លារ (១០អ៊ឺរ៉ូ)។ នៅពេលនេះ ក្រុមហ៊ុន​នៅមិនទាន់និយាយ ពីការនាំចេញទៅលក់ នៅបរទេសនៅឡើយ។ នៅជប៉ុន គ្រឿងលំអក្រចកជា​ការតុបតែង​ដ៏​សំខាន់មួយ ដែលស្រីៗដែលចូលចិត្តលើកដាក់លំអរខ្លួន អាចនឹងចំណាយលុយយ៉ាងច្រើន ដើម្បីទិញគ្រឿង​ទាំង​នោះ។ សម្បកក្រចកខ្លះ មានតម្លៃដល់ទៅរាប់រយដុល្លារ តែអតិថិជនជាច្រើន នៅតែត្រូវការ ហើយបានចូលទៅកាន់​ហាងកែសម្ផស្សថ្លៃៗ ដើម្បីបំពេញចិត្តរបស់ខ្លួន៕

----------------------------------------------
ដោយ ឈូករ័ត្ន (ទំនាក់ទំនង៖ [email protected]) - ប៉ារីស ថ្ងៃទី១៩ ខែមេសា ឆ្នាំ២០១៤

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...