ផ្កាយ​រណប​ចិន ទើប​ប្រកាស​ថា​បាន​រក​ឃើញ​បំណែក​យន្ដហោះ​បាត់​ខ្លួន

ប្រទេសចិន បានប្រកាសនៅយប់ថ្ងៃទីពុធទី១២ នេះថា ប្រព័ន្ធផ្កាយរណបរបស់ខ្លួន បានរកឃើញបំណែកអណ្ដែត នៅលើក្នុងតំបន់នាវាចរណ៍មួយ ដែលយន្ដហោះប៊ូអីង ៧៧៧ របស់ក្រុមហ៊ុន អាកាសចរណ៍ម៉ាឡេស៊ីអ៊ែរឡាញ បានបាត់ខ្លួន។
Loading...
  • ដោយ: សេក មនោរកុមារ
  • កែប្រែចុងក្រោយ: March 13, 2014
  • ប្រធានបទ:
  • អត្ថបទ: មានបញ្ហា?
  • មតិ-យោបល់

ប្រទេសចិន បានប្រកាសនៅយប់ថ្ងៃទីពុធទី១២ នេះថា ប្រព័ន្ធផ្កាយរណបរបស់ខ្លួន បានរកឃើញបំណែកអណ្ដែត នៅលើក្នុងតំបន់នាវាចរណ៍មួយ ដែលយន្ដហោះប៊ូអីង ៧៧៧ របស់ក្រុមហ៊ុន អាកាសចរណ៍ម៉ាឡេស៊ីអ៊ែរឡាញ បានបាត់ខ្លួន។


រូបភាពបង្ហាញពីប្រព័ន្ធផ្ដាយរណប ដែលថតរូបពីលើអាកាស។ (រូបថត ឯកសារ)

បាត់យន្ដហោះ - ការិយាល័យទទួលខុសត្រូវផ្នែកវិទ្យាសាស្ត្រ និងបច្ចេកវិទ្យារបស់ប្រទេសចិន បានរាយការណ៍ថា ផ្កាយរណបមួយរបស់ខ្លួន បានរកឃើញតាំងពីព្រឹកថ្ងៃ៩ ខែមីនា បំណែក«ចម្លែកៗ»ជាច្រើន នៅក្នុងតំបន់​នាវា​ចរណ៍នៃទីកន្លែងដែលយន្ដហោះ អាចនឹងធ្លាក់។ ការិយាល័យនេះបាននិយាយថា រូបភាពដែលផ្កាយរណបថតបាន ហើយដែលខ្លួនទើបនឹងទទួលបានដែរនោះ កំពុងឆ្លងកាត់ការត្រួតពិនិត្យ។

យន្ដហោះនៃជើងហោះហើរលេខ MH 370 ភ្ជាប់រដ្ឋធានីកូឡាឡាំពួរ ប្រទេសម៉ាឡេស៊ី ទៅកាន់រដ្ឋធានីប៉េកាំង ប្រទេសចិន នៅយប់ថ្ងៃសុក្រឈានមកថ្ងៃសៅរ៍ ដោយមានដឹកអ្នកដំណើរនិងក្រុមការងារនៅលើយន្ដហោះ ចំនួន ២៣៩នាក់។

វត្ថុ«ចម្លែក»ៗទាំងនោះ ត្រូវបានរកឃើញនៅចម្ងាយ១០៥,៦៣ដឺក្រេ នៃរយៈបណ្ដោយខាងកើត និង ៦,៧ដឺក្រេ នៃ​រយៈកំពស់ខាងជើង។ នេះបើតាមការឲ្យដឹង របស់គេហទំព័រផ្លូវការបស់ការិយាល័យនោះ។

វត្ថុចំនួន៣ ដែលមានប្រវែង១៣ម៉ែត្រ គុណនឹង១៨ម៉ែត្រ ១៤ម៉ែត្រគុណនឹង១៩ម៉ែត្រ និង២៤ម៉ែត្រ គុណនឹង២២​ម៉ែត្រ ត្រូវបានរកឃើញនៅចម្ងាយឆ្ងាយពីគ្នាក្នុងអង្កតផ្ចិតប្រមាណជា ២០គីឡូម៉ែត្រពីវត្ថុមួយៗ។

ព័ត៌មានបន្ថែមនឹងផ្សាយជួននៅពេលក្រោយ៕

សូមទស្សនាវីដេអូរបស់បណ្ដាញទូរទស្សន៍ស៊ីអ៊ិនអ៊ិនរបស់អាមេរិក ជុំវិញការរកឃើញនេះ៖

------------------------------------
ដោយ សេក មនោរកុមារ (ទំនាក់ទំនង៖ [email protected]) - ប៉ារីស​ ថ្ងៃទី១២ មីនា ២០១៤

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...