យុវជន​ប្តឹង ហ៊ុន សែន ត្រូវ​ទៅ​បំភ្លឺ​នៅ​សាលា​ដំបូង​ថ្ងៃ​ទី27 ខែ​កុម្ភៈ

យុវជនសម្ព័ន្ធកូនខ្មែរអ្នកស្នេហាជាតិ បានអោយដឹងនៅថ្ងៃនេះថា ថ្ងៃទី២៧ ខែកុម្ភៈ ឆ្នាំ២០១៤ ខាងមុខ លោកនឹង​ឡើងទៅបំភ្លឺនៅសាលាដំបូងរាជធានីភ្នំពេញ តាមការកោះហៅរបស់ស្ថាប័ននេះ ទាក់ទងនឹងការប្តឹងរបស់យុវជន​រូបនេះ ប្រឆាំងលោកនាយករដ្ឋមន្ត្រី ហ៊ុន សែន ពីបទកាត់ទឹកដីទៅអោយវៀតណាម។
Loading...
  • ដោយ: ប្រាថ្នា
  • កែប្រែចុងក្រោយ: February 25, 2014
  • ប្រធានបទ:
  • អត្ថបទ: មានបញ្ហា?
  • មតិ-យោបល់

យុវជនសម្ព័ន្ធកូនខ្មែរអ្នកស្នេហាជាតិ បានអោយដឹងនៅថ្ងៃនេះថា ថ្ងៃទី២៧ ខែកុម្ភៈ ឆ្នាំ២០១៤ ខាងមុខ លោកនឹង​ឡើងទៅបំភ្លឺនៅសាលាដំបូងរាជធានីភ្នំពេញ តាមការកោះហៅរបស់ស្ថាប័ននេះ ទាក់ទងនឹងការប្តឹងរបស់យុវជន​រូបនេះ ប្រឆាំងលោកនាយករដ្ឋមន្ត្រី ហ៊ុន សែន ពីបទកាត់ទឹកដីទៅអោយវៀតណាម។


លោក នាង សុឃុន នៅមុខសាលាដំបូងរាជធានី នៅថ្ងៃទី ៦ ខែមករា ឆ្នាំ២០១៤។ (រូបថត MONOROOM.info/ O. Vary)

ប្រព័ន្ធយុត្តិធម៌ - នៅព្រឹកថ្ងៃទី២៥ ខែកុម្ភៈ ឆ្នាំ២០១៤នេះ សាលាដំបូងរាជធានីភ្នំពេញបានកោះហៅ លោក នាង សុឃុន មកពីសម្ព័ន្ធកូនខ្មែរអ្នកស្នេហាជាតិ ដើម្បីឆ្លើយតបបណ្តឹងរបស់លោក ជុំវិញការប្តឹងលោកនាយកដ្ឋមន្ត្រី ហ៊ុន សែន ពាក់ព័ន្ធនឹងបទល្មើសកាត់ទឹកដីកោះត្រល់ និងកោះក្រចកសេះ ឲ្យទៅវៀតណាម។

លោក នាង សុឃុន បានអោយទស្សនាវដ្ដីមនោរម្យ.អាំងហ្វូដឹងនៅថ្ងៃនេះដដែលថា តុលាការបានកោះហៅ​រូប​លោក​ទៅដើម្បីទទួលដីកាកោះហៅ ដែលបានកំណត់ថ្ងៃទី២៧ ខែកុម្ភៈ ឆ្នាំ​២០១៤ នៅវេលាម៉ោង៩ព្រឹក ដើម្បីអោយលោក​ឡើង​ទៅបំភ្លឺនៅសាលាដំបូងរាជធានីភ្នំពេញ។ លោកបានបញ្ជាក់ទៀតថា «ខ្ញុំបានត្រៀមឯកសារ​និងមានភស្តុតាង​មួយចំនួនទៀត ចំនួនពាក់ព័ន្ធនឹងករណីនេះរួចហើយ ខ្ញុំនឹងយកយកទៅជាបន្តបន្ទាប់ទៀត»។

ប្រធានក្រុមយុវជនរូបនេះបានអះអាងថា កន្លងមកលោកនាយករដ្ឋមន្រ្តីហ៊ុន សែន បានព្រមានថា ប្រសិនបើបុគ្គល​ម្នាក់ចង់ស្រាវជ្រាវវែកញែករឿងព្រំដែន និងការបាត់ទឹកដីសូមអោយបុគ្គលយកមឈូសទៅជាមួយផង។ បើទោះបី​ជាយ៉ាងនេះក្តី យ៉ាងណាមិញយុវជនឆ្លើយដោយអង់អាចថា «ខ្ញុំជាយុវជនខ្មែរខ្ញុំអត់ខ្លាចស្លាប់ទេ ហើយខ្ញុំក៏មិន​មាន​អ្វីភ័យខ្លាចដែរ ព្រោះខ្ញុំប្រើសិទ្ធិរបស់ខ្ញុំជាពលរដ្ឋខ្មែរ ដើម្បីការពារទឹកកដីរបស់ខ្ញុំ»។

លោកមានជំនឿថាប្រសិនបើតុលាការ ជាតុលាការបំរើប្រជាពលរដ្ឋ នោះទើបតុលាការកាត់ក្តីដោយសុចរិតភាព ដោយត្រឹមត្រូវទៅវិជ្ជាជីវៈជាតុលាការ តែប្រសិនបើជាតុលាការមិនបំរើប្រជាពលរដ្ឋ នោះតុលាការមិនកាត់ក្តី​ដោយ​សុចរិតភាពទេ គឺកាត់អោយបុគ្គលខុសច្បាប់ឈ្នះ។

គួររម្លឹកថា កាលពីថ្ងៃទី៣ ខែកុម្ភៈ ឆ្នាំ២០១៤ លោក នាង សុឃុនបានដាក់ពាក្យបណ្តឹងប្តឹងលោក នាយករដ្ឋមន្រ្តីហ៊ុន សែនទៅសាលាដំបូងរាជធានីភ្នំពេញ ដោយចោទថា បានកាត់កោះត្រល់ និងកោះក្រចកសេះ ទៅវៀតណាម ទាំង​ស្រុងដោយខុសច្បាប់ ក្រោមសន្ធិសញ្ញាបំពេញបន្ថែមប្រគល់អោយយួនផ្តាច់មុខកាលពីឆ្នាំ២០០៥។ នេះជាបណ្ដឹង​លើកទីពីរហើយរបស់លោក បន្ទាប់ពីលើកទីមួយ កាលពីថ្ងៃទី៦ ខែមករា ឆ្នាំ២០១៤ ត្រូវបានតុលាការច្រានចោល ដោយចាត់ទុកថា មិនគ្រប់គ្រាន់តាមបច្ចេកទេស។

ជុំវិញបញ្ហាព្រំដែនជាមួយប្រទេសវៀតណាមដ៏ចម្រូងចម្រាស់ ធ្លាប់ត្រូវបានលោកនាយករដ្ឋមន្ត្រី ហ៊ុន សែន ថ្លែង​នៅក្នុងរដ្ឋសភា កាលពីថ្ងៃទី៩ សីហា ឆ្នាំ២០១២ ដោយប្រើរយៈពេលជាច្រើនម៉ោង បញ្ជាក់ថាការពិត កោះត្រល់ និងដែនសមុទ្រដទៃទៀត បានបាត់មុនលោកគ្រប់គ្រងអំណាចទៅទៀត។ សម្រាប់លោក ហ៊ុន សែន ខ្លួនលោក  នេះពុំមែនជាកំហុសរបស់លោកឡើយ៕

-----------------------------------------------
ដោយ ក. ចាន់នីតា (ទំនាក់ទំនង៖ [email protected]) -ភ្នំពេញ ថ្ងៃទី ២៥ កុម្ភៈ ២០១៤

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...