មិនមានអ្វីពិសេសទេ ព្រោះថាជាគ្រួសារមួយនេះ ក៏ដូចគ្រួសារដទៃទៀត នៅប្រទេសប្រេស៊ីលដែរ។ ប្រសិនបើអ្នក​ដទៃ​ចូលចិត្តចិញ្ចឹម សត្វឆ្កែត្រជៀកបះ ឈីវ៉វ៉ នោះ គ្រាន់តែសម្រាប់គ្រួសារនេះ បានយកមកចិញ្ចឹម ព្រមទាំងឲ្យ​រស់​នៅជាមួយ នូវសត្វខ្លាចំនួន៧ក្បាល។ នេះជាសេចក្ដីរាយការណ៍របស់គេហទំព័រ ឌឺហូហ្វីតោនប៉ុស្ដ៍ (The Huffington Post)។

មេគ្រួសារ លោក អារី និងសមាជិកគ្រួសាររបស់គាត់ រួមទាំងខ្លាផង។ (រូបថត Barcroft Media)

រស់ជាមួយខ្លា - ខ្លាទាំងប្រាំពីរក្បាល រស់នៅក្នុងគ្រួសារនេះ ហើយចូលរួមយ៉ាងសកម្ម នៅក្នុងការរស់នៅប្រចាំថ្ងៃ របស់​រាល់សមាជិកនៃគ្រួសារនេះ ដូចជានៅក្នុងអាងហែលទឹក ឬរត់ប្រលែងគ្នា ឬទស្សនាទូរទស្សន៍នោះជាដើម។

ហេតុការណ៍បានចាប់ផ្ដើមឡើងនៅឆ្នាំ២០០៥ ខណៈពេលដែលអារី ប៊ូជ៍ (Ary Borges) ទទួលយកខ្លាំពីរក្បាល ដែល​រង​នូវការធ្វើបាប នៅក្នុងរោងសម្ដែងសៀកមួយ។ បន្ទាប់មក លោក អារី មានអារម្មណ៍ថាស្រឡាញ់សត្វទាំងពីរ​ជា​ខ្លាំង លោក​ក៏បានទទួលយកខ្លាផ្សេងទៀត មកចិញ្ចឹមដែរ។ ប៉ុន្តែនៅក្នុងផ្ទះគាត់ មិនមែនមានតែខ្លានោះទេ។ លោក អារី មានឆ្កែ​ ឈីវ៉វ៉មួយក្បាល តោពីរក្បាល និងស្វាមួយក្បាលទៀត។

បើទោះជាលោក អារី មិនភ័យបារម្ភនឹងសត្វខ្លា ឬតោទាំងនេះ តែសម្រាប់អាជ្ញាធរវិញ មិនបានគិតដូចលោក អារី ទេ ហើយ​ថែមទាំងចង់ដកហូតសត្វទាំងនេះ ចេញពីគ្រួសារនេះទៀតផង។ គ្រួសារត្រកូល ប៊ូជ៍ មានលិខិតអនុញ្ញាត​សម្រាប់​ចិញ្ចឹម​សត្វទាំងនេះ​ តែអាជ្ញាធរជំនាញខាងអភិរក្សធម្មជាតិ របស់ប្រទេសប្រេស៊ីល បានរកឃើញថា សត្វ​ទាំងនេះត្រូវបានចិញ្ចឹម​បីបាច់ដោយភាពមិនស្របច្បាប់ ហើយពួកវាអាចបង្កគ្រោះថ្នាក់ឲ្យដល់សាធារណជន​ទូទៅ៕

សូមទស្សនារូបភាព និងវីដេអូ ស្ដីពីគ្រួសារដ៏សែនរីករាយនេះ ដូចតទៅ៖

វីដេអូ៖

--------------------------------------------------
ដោយ ឈូករ័ត្ន - ថ្ងៃទី០៥ ខែតុលា ឆ្នាំ២០១៣
រក្សាសិទ្ធគ្រប់យ៉ាងដោយ៖ មនោរម្យព័ងអាំងហ្វូ