មេរោគ កំព្យូទ័រមួយឈ្មោះ ឈើវាល ដឺ ទ្រ័រ បានចូលទៅទន្ទ្រានម៉ាស៊ីន របស់ក្រុមហ៊ុនអៀបផល ប្រមាណជាង ៦០០០០០ គ្រឿង។ មេរោគនេះធ្លាប់បានធ្វើអោយរំជួយរួចហើយ នៅក្នុងប្រព័ន្ធផ្សព្វផ្សាយ កាលពីឆ្នាំទៅម៉ិញ តែចំនួនកំព្យូទ័រដែល បានរងគ្រោះលើកនេះ មានចំនួនច្រើនលើសពីការស្មាន។

គេបានទំលាក់កំហុសទៅក្រុមហ៊ុនអៀបផល Apple ពីបញ្ហានេះ ដោយអៀបផលប្រើពេលរហូតដល់ទៅ ៦អាទិត្យដើម្បី ដោះស្រាយបាន។ ម៉ាស៊ីនកំព្យូទ័រម៉ាកទាំងអស់ ត្រូវគេអញ្ជើញអោយដាក់អោយត្រូវកំរិត update ដើម្បីបញ្ជៀស ពីមេរោគនេះ។ ប៉ុន្ដែចំពោះម៉ាស៊ីនដែលរងគ្រោះរូចហើយ ការដាក់អោយត្រូវកំរិត update គ្រាន់តែការពារមិនអោយ រងគ្រោះជាថ្មីទៀតជាមួយនឹងមេរោគនេះតែប៉ុណ្ណោះ តែអ្នកប្រើប្រាស់ត្រូវចូលទៅដុសលាង និងសម្អាតដោយខ្លួនឯង នៅក្នុងម៉ាស៊ីនកំព្យូទ័រ។

ចង់ដឹងថា តើម៉ាស៊ីនកំព្យូទ័ររបស់លោកអ្នក រងគ្រោះឬអត់ សូមអញ្ជើងចូលទៅក្នុង វេបស័យរបស់ ស៊ីណេត ដើម្បីដឹងពីការ ពន្យល់ជាជំហ៊ានៗ។ តែបើលោកអ្នកមានម៉ាស៊ីនកំព្យូទ័ររងគ្រោះរួចហើយ សូមអញ្ជើញចូលទៅក្នុង វេបស័យ អេហ្វ​ស៊ីឃ្យូរ ដើម្បីដឹងពីរបៀបដុសលាង​ និងសម្អាត៕