All Articles of MONOROOM.info

ថ្មីៗនេះ នៅលើបណ្តាញសង្គមហ្វេសប៊ុក មានព័ត៌មានព្រោងព្រាត បានរិះគន់ទៅអាជ្ញាធរអប្សរា ដែល​មិន​យក​ចិត្តទុកដាក់ចំពោះភ្ញៀវបរទេស ដែលបានឆ្លាក់អក្សរ ជប៉ុន ថៃ ចិន និងវៀតណាមជាដើម នៅលើផ្ទាំង​ចំលាក់​នៃជញ្ជាំងប្រាសាទអង្គរវត្ត។ ក្រុមអ្នករិះគន់ ដែលថតទាំងរូបភាព បង្ហោះនៅបណ្តាញ​ហ្វេសប៊ុក​ផង​នោះ បាន​លើកឡើងថា ភាសារបរទេសដែលសរសេរ និងចារនៅលើប្រសាទអង្គរវត្ត បានធ្វើឱ្យខូច​សោភ័ណភាព ជាពិសេសរូបចំលាក់ដែលនៅជញ្ជាំងប្រសាទមួយនេះ។

ឆ្លើយនឹងការរិះគន់នេះ អាជ្ញាធរអប្សរា បានចេញលិខិតបំភ្លឺមួយនៅថ្ងៃទី១៧ ខែកញ្ញា ដោយបកស្រាយថា អក្សរបរទេស ដែលមានចារនៅលើជញ្ជាំង នៃប្រាសាទអង្គវត្តនោះ ត្រូវបានក្រុមអ្នកសិក្សាស្រាវជ្រាវ នៃ​អាជ្ញាធរអប្សរាបានចុះបញ្ជី និងសិក្សាតាំងពីឆ្នាំ២០០២មកម្លេះ ហើយអក្សរប្រភេទនេះ ត្រូវបានអ្នក​ស្រាវជ្រាវ​ចាត់ទុកថា Graffiti តាមនិយាមអន្តរជាតិ ដែលមិនមែនជាប្រភេទសិលាចរិក គំនូរឬចម្លាក់​នោះទេ។

ក្រុមកម្មករ បាននិយាយថា ក្រុមសហជីពចំនួន ១៥នាក់ ត្រូវបានរោងចក្រ បញ្ឈប់ពីការងារកាលពីថ្ងៃទី ០៩ កញ្ញា ឆ្នាំ២០១៤ កន្លងមក​ ដោយពុំដឹងមូលហេតុ។ ការបញ្ឈប់នេះ បង្កឲ្យមានការកើតទុក្ខមិនសុខចិត្ត ពី​សំណាក់កម្មករកម្មការិនីជា​ទូទៅ រហូតមានការផ្តុំគ្នាទាមទារតវ៉ា ហើយបានដាក់លិខិតពឹងពាក់ និងផ្ទេរសិទ្ធ ទៅលោក​ប្រធាន​សហព័ន្ធ​សហជីពស្មារតី​កម្មករ​ខ្មែរ និងលោកប្រធានសហព័ន្ធសហជីពការងារដើម្បីកម្ពុជា ឲ្យជួយដោះស្រាយ សម្រប​សម្រួលជាមួយក្រុមហ៊ុនរោងចក្រ ក្រសួងការងារ ក្រុមប្រឹក្សាអាជ្ញាកណ្តាល តុលាការ អជ្ញាធរ និង​ស្ថាប័នគ្រប់ជាន់ថ្នាក់ ដែលបានពាក់ព័ន្ធក្នុងវិវាទការងាររបស់ក្រុមកម្មករ។

នៅក្នុងការទាមទារនោះ មានប្រាំចំនុចដូចខាងក្រោម៖

១. សូមអោយក្រុមហ៊ុនទទួលយកថ្នាក់ដឹកនាំ និងគណៈកម្មការសហជីពស្មារតីកម្មករខ្មែរ ព្រមទាំងកម្មករ​និយោជិតចំនួន ១៥ដូចជា៖ ១- ទូច ពៅមាស មានតួនាទីជាប្រធាន, ២- ឈន រ៉ាស៊ី [...]

ប្រធានគណបក្សសង្គ្រោះជាតិ លោក សម រង្ស៊ី បានថ្លែងធានាអះអាងថា គណបក្សរបស់លោកមាន​លទ្ធភាព​គ្រប់គ្រាន់ ក្នុងការចូលរួម កសាងប្រទេសជាតិ ក្រោយកិច្ចព្រមព្រៀងថ្ងៃទី២២ ខែកក្កដា ឆ្នាំ២០១៤។ កិច្ច​ព្រមព្រៀងដ៏ទាន់ហន់មួយ ដែលគណបក្សសង្គ្រោះជាតិ បានធ្វើជាមួយ​គណបក្សប្រជាជន​កម្ពុជា ក្នុង​ជំនួប​កំពូល ហ៊ុន សែន-សម រង្ស៊ី នៅថ្ងៃនោះ។ លោក សម រង្ស៊ី បានបន្តថា ការចូលរួមនេះ មាន​ការ​គាំទ្រ​ច្រើន​ពី​បណ្តា​ប្រជាពលរដ្ឋខ្មែរ និងបរទេស ពិសេសប្រជាពលរដ្ឋខ្មែរក្រៅប្រទេស ដែលមានជំនឿ​មុតមាំ ទៅ​លើ​ដំណើរការ​ការងារ របស់គណបក្សសង្គ្រោះជាតិ ដែលអាចអនុវត្តទៅបាន ដោយមាន​ប្រសិទ្ធិភាព និង​អាច​ជួយ​ប្រជា​ពលរដ្ឋ​ងាយរងគ្រោះ។

ប្រធានគណបក្សដ៏ល្បីឈ្មោះ បានថ្លែងបញ្ជាក់ដូច្នេះថា «ពីមុនយើងគ្មានលទ្ធភាពជួយ តែឥឡូវ​យើងមាន​លទ្ធភាពជួយ។ ហើយលទ្ធផលឃើញមាន ជាវិជ្ជមានបណ្តើរៗហើយ។»

ការលើកឡើងខាងលើរបស់លោក សម រង្ស៊ី [...]

លោក យ៉ែម បុញ្ញាឬទ្ធិ ប្រធានគណៈកម្មការទី៧នៃរដ្ឋសភា នាល្ងាចថ្ងៃទី១៧ ខែកញ្ញា ម្សិលម៉ិញនេះ បាន​ថ្លែងប្រាប់អ្នកសារព័ត៌មាន ក្រោយបញ្ចប់កិច្ចសួរដេញដោលជាមួយ លោក ហង់ ជួនណារ៉ុន រដ្ឋមន្ត្រីក្រសួង​អបរំ នៅវិមានរដ្ឋសភា ថា លោកគាំទ្រនូវកំណែទម្រង់របស់រាជរដ្ឋាភិបាល ដែលកំពុងតែអនុវត្តនេះ។ តែ​ទោះយ៉ាងណាក៏ដោយ លោកក៏ស្នើសុំឲ្យមានការបញ្ចូល នូវកំណែទម្រង់លើ «គុណភាព» ប្រាំយ៉ាង ដែល​រួម​មាន គុណភាពសិស្ស, គុណភាពគ្រូបង្រៀន, គុណភាពមធ្យោបាយ, គុណភាពកម្មវិធីសិក្សា និង​គុណភាព​សង្គម។

លក្ខខណ្ឌមួយចំនួន ដែលលោកត្រូវស្នើ ក្នុងគោលបំណងឲ្យមានការពង្រឹងការសិក្សារបស់សិស្ស ពង្រឹង​សមត្ថភាពរបស់គ្រូ ពិសេសជាងនេះនោះគឺការគិតតម្លើងប្រាក់បៀរវត្សគ្រូ។ លោកបានបញ្ជាក់ដូច្នេះថា៖ «យើងត្រូវលម្អិតបន្ថែម។ អ្វីដែលខ្ញុំបានស្នើឲ្យ លោករដ្ឋមន្ត្រីជួយផ្តល់ថវិកា ពិសេសប្រាក់ខែលោកគ្រូ អ្នកគ្រូ ដើម្បីឲ្យពួកគាត់មានការរស់នៅសមរម្យ និងជួយពង្រឹង [...]