ក្រុមកម្មករ បាននិយាយថា ក្រុមសហជីពចំនួន ១៥នាក់ ត្រូវបានរោងចក្រ បញ្ឈប់ពីការងារកាលពីថ្ងៃទី ០៩ កញ្ញា ឆ្នាំ២០១៤ កន្លងមក​ ដោយពុំដឹងមូលហេតុ។ ការបញ្ឈប់នេះ បង្កឲ្យមានការកើតទុក្ខមិនសុខចិត្ត ពី​សំណាក់កម្មករកម្មការិនីជា​ទូទៅ រហូតមានការផ្តុំគ្នាទាមទារតវ៉ា ហើយបានដាក់លិខិតពឹងពាក់ និងផ្ទេរសិទ្ធ ទៅលោក​ប្រធាន​សហព័ន្ធ​សហជីពស្មារតី​កម្មករ​ខ្មែរ និងលោកប្រធានសហព័ន្ធសហជីពការងារដើម្បីកម្ពុជា ឲ្យជួយដោះស្រាយ សម្រប​សម្រួលជាមួយក្រុមហ៊ុនរោងចក្រ ក្រសួងការងារ ក្រុមប្រឹក្សាអាជ្ញាកណ្តាល តុលាការ អជ្ញាធរ និង​ស្ថាប័នគ្រប់ជាន់ថ្នាក់ ដែលបានពាក់ព័ន្ធក្នុងវិវាទការងាររបស់ក្រុមកម្មករ។

នៅក្នុងការទាមទារនោះ មានប្រាំចំនុចដូចខាងក្រោម៖

១. សូមអោយក្រុមហ៊ុនទទួលយកថ្នាក់ដឹកនាំ និងគណៈកម្មការសហជីពស្មារតីកម្មករខ្មែរ ព្រមទាំងកម្មករ​និយោជិតចំនួន ១៥ដូចជា៖ ១- ទូច ពៅមាស មានតួនាទីជាប្រធាន, ២- ឈន រ៉ាស៊ី មានតួនាទី​ជាអនុប្រធាន, ៣- ជុំ សុវណ្ណរិទ្ធ មានតួនាទីជាអគ្គលេខាធិការ, ៤- សឿន នឿន ជាប្រធានផ្នែក​មនុស្សធម៌, ៥- លោក ខឿន ធិន ជាប្រធានផ្នែកសណ្តាប់ធ្នាប់, ៦- ពុំ ចិន, ៧- ​គង់ សុភាន់, ៨- អឿន សំអូន ជាអនុប្រធានផ្នែក​សណ្តាប់​ធ្នាប់, ៩- រឿន ស្រីម៉ុច ជាបេឡាធិការនី, ១០- ម៉ុក គីមហុង, ១១- ភុំ សំអាត ជាប្រធានគ្រប់គ្រងវិវាទ, ១២- ចាន់ ពិសី, ១៣- ហ៊ឹម សុវណ្ណ, ១៤- ពេជ្រ ចាន់ណា ជា​អនុប្រធានផ្នែកមនុស្សធម៌ និង១៥- ជា សុវណ្ណ​ដែល​ក្រុមហ៊ុនបានបញ្ឈប់ពីការងារ ដោយគ្មានកំហុសកាលពីថ្ងៃ ទី ០៨ កញ្ញា ឆ្នាំ ២០១៤ អោយចូលធ្វើការងារជា​ធម្មតាវិញ​ព្រមទាំងរក្សាប្រាក់ឈ្នួល និងអត្ថព្រយោជន៍ផ្សេងៗនៅពេញដដែល។

២. សូមឲ្យក្រុមហ៊ុនបញ្ឈប់ការរើសអើងសហជីព។

៣. សូមឲ្យក្រុមហ៊ុនដកឈ្មោះ ឆិន ស៊ូភីង មានតួនាទីជាអ្នកចាត់ការទូទៅ ប្រធានរដ្ឋបាលល ចេញពី​ក្រុមហ៊ុន​​ព្រោះបុគ្គលរូបនោះ តែងតែជេរប្រមាថ មកលើកម្មករ និងជ្រៀតជ្រែកក្នុងកិច្ចការងារសហជីព។

៤. សូមឲ្យក្រុមហ៊ុនរៀបចំបើកប្រាក់ឈ្នួលជូនកម្មករ បើមិនអាចបើកបានទេ សូមអនុញ្ញាតិឲ្យកម្មករ​ខ្ចីប្រាក់​ក្នុងឪកាសបុណភ្ជុំបិណ្ឌ យ៉ាងតិច ៥០%នៃប្រាក់ឈ្នួលរបស់ពួកគាត់។

៥. សូមឲ្យក្រុមហ៊ុន ទទួលខុសត្រូវទាំងស្រុងទៅលើបា្រក់ឈ្នួល និងអត្ថប្រយោជន៍ផ្សេងៗ​របស់កម្មករ​និយោជិក​ចាប់តាំងពីថ្ងៃទី ០៨ ខែកញ្ញា ឆ្នាំ២០១៤ រហូតមកដែលក្រុមហ៊ុនបានឲ្យកម្មករនៅក្រៅក្រុមហ៊ុន៕