អតីតយុទ្ធជនពិការក្នុងសមរភូមិ៖ ក្រហើយ គេយកដីទៀត!
«អ្នកខំតស៊ូរំដោះជាតិរំដោះទឹកដី ស្នេហាជាតិស្នេហាទឹកដី ចុងក្រោយគេធ្វើបាប ខ្ញុំក៏សុខចិត្តស្លាប់ទៅចុះ ពីព្រោះខ្ញុំសល់ពីខ្មោចហើយ» នេះជាការលើកឡើងទាំងអួលអាក់ របស់លោក សូ ផាត យោធិនពិការម្នាក់ដែលពិការជើងត្រឹមភ្លៅទាំងសងខាង មកពីភូមិអូរអម្ពិល ឃុំទួលពង្រ ស្រុកម៉ាល័យ ខេត្តបន្ទាយមានជ័យ។ លោកបានស្រវេស្រវា ឡើងមករាជធានីភ្នំពេញទាំងត្រដរ ដើម្បីសុំឱ្យលោកនាយករដ្ឋមន្រ្តី ហ៊ុន សែន ជួយដោះស្រាយបញ្ហាដីរបប របស់លោកដែលរដ្ឋបានចែកឱ្យ ប៉ុន្តែត្រូវបានគេយកទៅលក់ឱ្យជនទីបី។
លោកថ្លែងទាំងតួចចិត្តទៀតថា មិនគួរណាលោកខំលះបង់ ទាំងកម្លាំងកាយចិត្ត នៅក្នុងសមរភូមិ ប៉ុន្តែផលដែលតបស្នងមកវិញ បានត្រឹមតែជីវភាពរកព្រឹកខ្វះល្ងាច ហើយដីត្រូវគេយកទៀត តែគ្មានអ្នកណាជួយដោះស្រាយឱ្យ។ «ខ្ញុំតូចចិត្តជាទីបំផុត [...]