ឆេះផ្សារចាស់សន្ធោសន្ធៅ បង្កការខូចខាតជាង៣០០តូប
តូបចំនួនជាង៣០០ ពីក្នុងចំណោមតូបទាំងអស់ ៩១៤តូប ក្នុងផ្សារចាស់ កណ្ដាលរាជធានីភ្នំពេញ ត្រូវបានអគ្គិភ័យលេបត្របាក់ នៅព្រឹកថ្ងៃទី២៤ ខែវិច្ឆិកានេះ។ តូបដទៃទៀត ដែលមិនបានឆេះអស់ តែបានឆេះរោល និងរងនូវការប៉ះពាល់ច្រើនទៀត តែមិនបានធ្វើឱ្យបាត់បង់ ជីវិតមនុស្សណាម្នាក់ឡើយ។ នេះបើតាមការបញ្ជាក់របស់លោក យន់ ចាន់ដារា ប្រធានផ្សារចាស់។
នៅវេលាម៉ោងប្រមាណជា ៧និង១៥នាទី អគ្គិភ័យបានចាប់ផ្ដើមឆាបឆេះ បង្កឲ្យមានការស្លន់ស្លោភ័យភិតយ៉ាងខ្លាំង ពីសំណាក់ក្រុមអាជីវករ និងប្រជាពលរដ្ឋដែលរស់នៅជុំវិញ។ សាក្សីនៅផ្ទាល់កន្លែង បានថ្លែងប្រាប់ទស្សនាវដ្ដីមនោរម្យ.អាំងហ្វូថា អគ្គិភ័យបានពង្រីកវិសាលភាពយ៉ាងពេញបន្ទុក អស់ពេលជិតមួយម៉ោងក្រោយ ទើបគេឃើញក្រុមពន្លត់អគ្គិភ័យ បានមកដល់។ សាក្សីរូបនោះ បាននិយាយទៀតថា [...]