រដ្ឋនឹងគ្រប់គ្រងការលក់សំបុត្រចូលទស្សនាអង្គរវត្ត ចាប់ពីដើមឆ្នាំ២០១៦
កិច្ចប្រជុំពេញអង្គគណៈរដ្ឋមន្ត្រី កាលពីថ្ងៃទី៦ ខែវិច្ឆិកា ម្សិលម៉ិញនេះ លោក ហ៊ុន សែន បានសម្រេចធ្វើការ ដកសិទ្ធិគ្រប់គ្រង និងលក់សំបុត្រ ចូលទស្សនាប្រាសាទអង្គរវត្ត ពីក្រុមហ៊ុន របស់លោក សុខ គង់ ដោយដាក់ឲ្យស្ថិត នៅក្រោមការគ្រប់គ្រងរបស់រដ្ឋវិញ។
តាមកិច្ចប្រជុំពេញអង្គគណៈរដ្ឋមន្ត្រីខាងលើ បានបង្ហាញថា លោកនាយករដ្ឋមន្រ្តី បានចាត់ឲ្យបង្កើត «គ្រឹះស្ថានសាធារណៈរដ្ឋបាល»មួយ ដើម្បីធុរៈកិច្ចគ្រប់គ្រង រមណីយដ្ឋានបេតិកភណ្ឌអង្គរវត្ត។ គ្រឹះស្ថានសាធារណៈរដ្ឋបាល ត្រូវបង្កើត និងរៀបចំឡើង ដោយអន្តរក្រសួង ដែលរូមមានក្រសួងទេសចរណ៍ និងក្រសួងសេដ្ឋកិច្ច និងហិរញ្ញវត្ថុ។
ទស្សនាវដ្តីមនោរម្យ.អាំងហ្វូមិនអាចសុំការសម្ភាស ពីលោក សុន ឆ័យ ទៅនឹងការអះអាង របស់លោកនាយករដ្ឋមន្រ្តី ហ៊ុន សែន ខាងលើនេះបានទេ។ លោក សុន ឆ័យ ធ្លាប់បានធ្វើការទទូច និងតវ៉ាជាច្រើនលើកច្រើនសារ ទាក់ទងនឹងការដកសិទ្ធិ ពីក្រុមហ៊ុនលោក សុខ [...]