កម្ពុជា៖ អ្នកការសែតបារាំង Daniel Lainé ជាប់ទោស៧ឆ្នាំក្នុងពន្ធនាគារ
អ្នកសារព័ត៌មានបារាំង លោកដានីញ៉ែល ឡេណេ ត្រូវបានកាត់ទោសអោយជាប់ពន្ធនាគារ ៧ឆ្នាំដោយសាលក្រមមួយ ក្នុងប្រទេសកម្ពុជា កាលពីថ្ងៃអង្គារទី២៩ខែមករាកន្លងទៅនេះ ពីបទ«សញ្ចារកម្ម»។ ជាសំនុំរឿងចោទប្រកាន់ ដែលមានទាក់ទងទៅនឹង ឯកសារវីដេអូមួយ ជាបទយកការណ៍ របស់អ្នកសារព័ត៌មានរូបនេះ តាំងពីជិត១០ឆ្នាំកន្លងមកហើយ។
អាគារសាលាដំបូងរាជធានីភ្នំពេញ ក្នុងទីតាំងថ្មី។
លោក ដានីញ៉ែល ឡេណេ (Daniel Lainé) ដែលអវត្តមានក្នុងសវនាការ ធ្លាប់ទទួលទោសដូចគ្នានេះម្ដងរួចហើយ ក្នុងសំនុំរឿងដដែល កាលពីឆ្នាំ២០១០ តែត្រូវបានលើកយកមក កាត់ទោសសារជាថ្មី ក្នុងថ្ងៃសុក្រទី១១ខែមករាកន្លងមកនេះ ដោយមានវត្ថមានខាងការពារក្ដី របស់អ្នកកាសែតនោះផង។ ចៅក្រមស៊ីន វិសាលបានប្រកាសថា សាលាដំបូងរាជធានីភ្នំពេញ បាន«សម្រេចតំកល់សាលក្រម [...]
