ពេជ្រពណ៌កូលាបមួយគ្រាប់ លក់ក្នុងតម្លៃ៣៩,៣លានដុល្លា
ពេជ្រពណ៌កូលាបមួយគ្រាប់ ទំហំ៣៤,៦៤ការ៉ាត ត្រូវបានលក់ដាច់នៅទីក្រុងញ៉ូយក ក្នុងតម្លៃជិត៤០លានដុល្លាអាមេរិក ដែលជាតម្លៃដ៏ថ្លៃជាងគេ និងបានជាប់ឯកត្តកម្មថ្មី សម្រាប់គ្រឹះស្ថានដេញថ្លៃដាក់លក់ពេជ្រឈ្មោះ គ្រីស្ទី (Christie's)។
ពេជ្រពណ៌កូលាប ឈ្មោះ «ម្ចាស់ក្សត្រីពេជ្រ»។ (រូបជំនួស)
មានឈ្មោះថា «ម្ចាស់ក្សត្រីពេជ្រ» ដុំគ្រួសដ៏កម្រនេះ ជាដុំគ្រួសដែលមានតម្លៃ ស្អាត និងធំជាង ពេជ្រពណ៌កូលាបផ្សេងទៀតទាំងអស់ នៅក្នុងពិភពលោក។ វាមានប្រភពមកពី អណ្ដូងរ៉ែពេជ្រចាស់បូរាណមួយ នៅផ្នែកខាងត្បូងនៃប្រទេសឥណ្ឌា។ នេះជាកាប្រកាសរបស់នាយកផ្នែកគ្រឿងអលង្កា របស់គ្រឹស្ថានដេញថ្លៃ លោក ហ្វ្រង់ស៊័រ គៀរីយ៉េល (François Curie) នៅមុនការដាក់លក់។
អ្នកទិញម្នាក់ ដែលមិនបង្ហាញមុខ បានបញ្ជាដេញថ្លៃតាមទូរស័ព្ទ [...]
