Posts in ‘បាល់ទាត់’ Category

ការប៉ះទង្គិច ដោយសារការប្រជែងបាល់គ្នា រវាងកីឡាករទាំងសងខាង នៅក្នុងការប្រកួតបាល់ទាត់ តែងតែកើតមានឡើង មិនលែងឡើយ។ ទាស់តែ នៅក្នុងការប្រកួតលើកនេះ ជញ្ជាំងថ្មមួយ បានស្ថិតនៅជាប់បង្កើយ នឹងទីលានប្រកួត ដោយ​ទុក​ចន្លោះ ប្រមាណជា១ម៉ែត្រប៉ុណ្ណោះ ពីខ្សែបាល់ចេញ។ អញ្ចឹង ប្រសិនបើមាន ការរុញច្រានគ្នាតែបន្តិច ហេតុការណ៍ទៅប៉ះ​នឹង​ជញ្ជាំងថ្មនេះ អាចនឹងក្លាយជាគ្រោះអាសន្នធំ។

នេះជាហេតុការណ៍ ដែលបានកើតឡើង នៅក្នុងការប្រកួតមួយ កាលពីថ្ងៃចន្ទសប្ដាហ៍មុន រវាងក្រុមបាល់ទាត់ San Martín Burzaco និងក្រុម Juventud Unida ក្នុងប្រទេសអាហ្សង់ទីន។ កីឡាករ Emanuel Ortega បានរងគ្រោះ ពីការ​ច្រាន​របស់​កីឡាករគូប្រជែង ហើយដួលពេញមួយទំហឹង ដោយបោកក្បាលទៅលើ ជញ្ជាំងបេតុង ដែលដាក់ខណ្ឌចែក ទីលាន​ប្រកួត។

បន្ទាប់ពីបានទៅដល់មន្ទីរពេទ្យ Buenos Aires កីឡាករ Emanuel Ortega ដែលមានអាយុ២១ឆ្នាំ ត្រូវបានក្រុមគ្រូពេទ្យ ធ្វើ​ការ​វះកាត់ កាលពីថ្ងៃពុធ [...]

មិនមែនកីឡាករបាល់ទាត់ រ៉ូណាល់ដូ (Ronaldo) ឬម៉េស៊ី (Messi) ទេ ដែលជាទាត់បាល់ពិន័យ ពីចំហៀង ហើយដាក់​បញ្ចូល​ទី ដោយគ្មានកីឡាករជួយបន្ថែម បែបនេះ តែគឺជាយុវតីមួយរូប ជនជាតិវៀតណាម នៅក្នុងការប្រកួត បាល់​ទាត់​ស្ត្រីអាយុ១៩ឆ្នាំ ដណ្ដើមជើងឯកអាស៊ី ឆ្នាំ២០១៥ រវាងក្រុមបាល់ទាត់វៀតណាម និងក្រុមបាល់ម៉ាឡេស៊ី កាលពីថ្ងៃទី០៥ ខែឧសភានេះ។

នៅក្នុងការប្រកួតនោះ ក្រុមស្ត្រីវ័យ១៩ឆ្នាំ របស់វៀតណាម បានរកបានពិន្ទុឈ្នះ ក្រុមម៉ាឡេស៊ី ដល់ទៅ៧គ្រាប់ ទល់នឹង​សូន្យ។ ហើយនាង ង្វៀនធី ទូយ៉េ យ៉ង់ (Nguyen Thi Tuyet Dung) ជាអ្នករកគ្រាប់ឲ្យក្រុមរបស់នាង បានបីគ្រាប់។ ពីក្នុង​នោះ ពីរគ្រាប់ នាងរកបាន ដោយទាត់ដោយផ្ទាល់ ពីស្លាបចំហៀង បញ្ចូលទី ដោយគ្មាននរណាប៉ះ ឬជួយបន្ថែមឡើយ។

គ្រាប់បាល់ពីចំហៀង ទាំងពីរគ្រាប់ ត្រូវបាននាងទាត់ ម្ដងពីឆ្វេង ម្ដងពីស្តាំ ដោយប្រើជើងម្ខាងម្នាក់ ដូចគ្នា។ បានសេចក្ដីថា យុវតីអាយុ១៩ឆ្នាំរូបនេះ ចេះប្រើជើងទាំងពីរ [...]

ការប្រកួតរវាងក្រុម របស់រាជធានី ម៉ាឌ្រីដ (Madrid) ទាំងពីរ មិនជាស្រួលប៉ុន្មានទេ នៅលើទីលានប្រកួត បើទោះជាក្រុម រៀលម៉ាឌ្រីដ (Real Madrid) បានទទួលជោគជ័យក៏ដោយ។ ប៉ុន្តែការហ្វឹកហាត់ នៅមុនការប្រកួត បានបញ្ចប់​ទៅ​ដោយ​ភាព​រំភើបចិត្ត និងពោរពេញដោយសមានចិត្ត។

នៅក្នុងពេលដែលកីឡាករបាល់ទាត់អន្តរជាតិ គ្រីស្ទៀនណូ រ៉ូណាល់ដូ កំពុងហ្វឹកហាត់ កម្ដៅសាច់ដុំរបស់ខ្លួន នៅលើ​ទីលានប្រកួត កណ្ដាលពហុកីឡាដ្ឋាន កីឡាករល្បីឈ្មោះយើង បានជ្រុលជើងបញ្ជូនបាល់ ពីក្នុងជើងរបស់ខ្លួន ធ្លាយ​ទៅ​ប៉ះកុមារាម្នាក់ ដែលកំពុងឈរ នៅក្នុងចំណោមអ្នកគាំទ្រ របស់ក្រុមរៀលម៉ាឌ្រីដ។ តារាបាល់ទាត់ រ៉ូណាល់ដូ បានដឹងខ្លួន ក៏បានចូលទៅក្បែរ ហើយបានដោះអាវ ពីខ្លួនឲ្យទៅកុមារ ដែលបើតាមមើលទំនង កុមារបានអភ័យទោស របស់​កីឡាករ​ល្បី ម្នាក់នេះរួចហើយ (សូមទស្សនាវីដេអូខាងលើ)៕