តើ ប៉េប និយាយ​អ្វី​ខ្លះ ជាមួយ ម៉េស៊ី ?

ប៉េប ហ្គ័ឌីយ៉ូឡា (Pep Guardiola) គ្រូបង្វឹកល្បីឈ្មោះ របស់ក្រុមប៉ាយឺនមូនីឆ (Bayern Munich) បានជួបនិយាយ ជា​មួយ​កំពូល​តារា​បាល់ទាត់ លីយ៉ូនែល ម៉េស៊ី (Lionel Messi) របស់ក្រុមបាសឺឡូន (Barcelona) នៅពាក់កណ្ដាលម៉ោងទីមួយ នៃការប្រកួតយក Champions League វគ្គពាក់កណ្ដាលផ្ដាច់ព្រ័ត្រ។ តើអ្នកទាំងពីរ និយាយគ្នាពីអ្វី?
Loading...
  • ដោយ: សេក មនោរកុមារ អត្ថបទ ៖ សេក មនោរកុមារ ([email protected]) - ប៉ារីស ថ្ងៃទី ១៦ ឧសភា ២០១៥
  • កែប្រែចុងក្រោយ: May 16, 2015
  • ប្រធានបទ: បាល់ទាត់
  • អត្ថបទ: មានបញ្ហា?
  • មតិ-យោបល់

គេពិបាកនឹងដឹងឲ្យច្បាស់ណាស់ ពីទំនាក់ទំនងរវាងគ្រូបង្វឹក ប៉េប ហ្គ័ឌីយ៉ូឡា និងកីឡាករ លីយ៉ូនែល ម៉េស៊ី ណាស់។ គេ​គ្រាន់តែដឹងថា អ្នកទាំងពីរបានរីកធំធាត់ខ្លួន នៅក្នុងក្រុម បាសឺឡូន មុននឹងក្លាយជា កំពូលតារាល្បីទាំងពីរនាក់ នៅក្នុង​ពិភពលោក។ លោក ប៉េប ដែលមានឈ្មោះ ជាគ្រូបង្វឹកបាល់ទាត់ ដ៏អស្ចារ្យនោះ ក៏ធ្លាប់ជាគ្រូបង្វឹក នៅក្រុមបាសឺឡូន សម្រាប់​មួយ​រយៈកាលដែរ។

អ្វីដែលបង្ក ឲ្យចង់ដឹងកាន់តែខ្លាំងនោះ គឺកំពូលតារាបាល់ទាត់ ម៉េស៊ី ធ្លាប់បានប្រកាសឲ្យដឹង ពីទំនាក់ទំនង របស់ក្រុម​បាសឺឡូន ជាមួយនឹង ប៉េប ដែលធ្លាប់ជាគ្រូបង្វឹកបស់ខ្លួនដែរ ថា៖ «តាំងពីគាត់ចេញពីយើងទៅ យើងមិនមាន​ទំនាក់​ទំនង​អ្វីទៀត ជាមួយគាត់ទេ»។

ប៉ុន្តែនៅពេលក្រុមទាំងពីរ បានមកជួបគ្នាប្រកួត ក្នុង វគ្គពាក់កណ្ដាលផ្ដាច់ព្រ័ត្រ ដើម្បីដណ្ដើមយក Champions League ឆ្នាំ២០១៥ កាលពីថ្ងៃអង្គារ សប្ដាហ៍មុននេះ អ្នកទាំងពីរបានមកជួប ញញឹមញញែម ចាប់ដៃជើងគ្នា  បន្ទាប់ពីការប្រកួត បាន​បញ្ចប់នៅពាក់កណ្ដាលម៉ោងដំបូង។ តើអ្នកទាំងពីរ និយាយគ្នាពីអ្វី?

តាមពិតទៅ នឹងនឹងកន្លែង អ្នកទាំងពីរបានយកដៃខ្ទប់មាត់ ដើម្បីកុំឲ្យគេដឹង តាមរយៈមាត់ម្ហបៗនោះ ថាពួកខ្លួននិយាយ​ពី​អ្វី។ តែទស្សនាវដ្ដី Sport របស់បារាំង បានជួបជាមួយលោក ប៉េប ដើម្បីសួរពីរឿងនេះ។ នៅពេលនោះ លោក ប៉េប គ្រូ​បង្វឹក​របស់ក្រុម បាយឺន បាននិយាយទៅកាន់កីឡាករថា៖ «ខ្ញុំសប្បាយចិត្តណាស់ ដែលអ្នកឯងបានត្រឡប់មកវិញ» ប៉ុន្តែ​គាត់​បានទទួល​ចម្លើយយ៉ាងមាំ  ពីកីឡាករ ម៉េស៊ី មកវិញថា៖ «ខ្ញុំមិនដែលទៅណាទេ»។

យ៉ាងណាក៏ដោយ អ្នកទាំងពីរតែងតែបង្ហាញ ពីការគោរពគ្នាទៅវិញទៅមក ជាដរាប។ លោក ប៉េប នៅក្នុង​សន្និសីទ​សារព័ត៌មាន បានថ្លែងសរសើរកីឡាករល្បីថា៖ «ជាកំពូលកីឡាករ ក្នុងគ្រប់ពេលវេលាទាំងអស់។ យើងអាចប្រៀបធៀប ទៅ​នឹង​អតីត​ស្ដេចបាល់ទាត់ ប៉ឺឡេ (Pelé)។»៕

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...