អ៊ឺរ៉ូ២០១២៖ បារាំងផ្ដួលអ៊ុយក្រែន ដើម្បីឡើងខ្ពស់ រីឯស៊ុយអែដអស់សង្ឃឹម ក្រោយជួបអង់គ្លេស
ក្រោយពីការប្រកួតត្រូវបានផ្អាក ចំនួន៥៦នាទី ដោយមូលហេតុ ពីភ្លៀងធ្លាក់រន្ទះផ្គរយ៉ាងខ្លាំង នៅទីក្រុង ដូណេតស្ក (Donetsk ប្រទេសអ៊ុយក្រែន) ក្រុមជំរើសជាតិបារាំងបានត្រឡប់មកវិញ ដើម្បីសំដែងមហិទ្ធិរិទ្ធ របស់ខ្លួន ក្នុងការ បំបាក់ ក្រុមជំរើសជាតិរបស់ប្រទេសអ៊ុយក្រែន ដែលជាប្រទេសសហការរៀបចំ អ៊ឺរ៉ូ២០១២ ក្នុងពិន្ទុ ២ទល់នឹង០។ រីឯអង់គ្លេស ក៏បានបង្អាក់ស៊ុយអែដ មិនត្រឹមតែមិនអោយឡើងទៅ ១ភាគ៤ផ្ដាច់ព្រ័ត្រ ប៉ុណ្ណោះទេ តែបានផាត់ ស៊ុយអែដ អោយចេញពីអ៊ឺរ៉ូ ២០១២ នេះរួចទៅហើយ បើទោះជានៅសល់មួយប្រកួត ទៀតក៏ដោយ។
