យ៉ង់ គឹមអេង សរសើរប្អូនស្រី ហ៊ុន សែន ដែលលាលែងពីតំណែង ថាជា«គំរូល្អ»
ប្រធានមជ្ឈមណ្ឌលប្រជាពលរដ្ឋ ដើម្បីការអភិវឌ្ឍន៍ និងសន្តិភាព លោក យ៉ង់ គីមអេង បានបញ្ជាក់ប្រាប់ទស្សនាវដ្តីមនោរម្យ.អាំងហ្វូថា លោកមានការកោតសរសើរ ចំពោះភាពស្មោះត្រង់របស់លោកស្រី ហ៊ុន ស៊ីណាត មន្ត្រីជាន់ខ្ពស់រដ្ឋាភិបាល និងជាសាច់ញាតិរបស់លោកនាយករដ្ឋមន្ត្រី ហ៊ុន សែន ក្នុងការលាលែងពីតំណែងក្នុងជួររដ្ឋាភិបាល ដោយលោកចាត់ទុកថា នេះជាការទទួលខុសត្រូវមួយយ៉ាងធំ របស់អ្នកនយោបាយ។
ការថ្លែងសរសើររបស់ប្រធានមជ្ឈមណ្ឌលប្រជាពលរដ្ឋ ដើម្បីការអភិវឌ្ឍន៍ និងសន្តិភាពខាងលើ បានធ្វើឡើងបន្ទាប់ពីលោកស្រី ហ៊ុន ស៊ីណាត ប្អូនស្រីបង្កើតរបស់លោក ហ៊ុន សែន បានបញ្ចប់តំណែងរបស់ខ្លួន ពីអនុរដ្ឋលេខាធិការក្រសួងទំនាក់ទំនងជាមួយរដ្ឋសភា ព្រឹទ្ធសភា និងអធិការកិច្ច កាលពីថ្ងៃទី០១ ខែធ្នូ ឆ្នាំ២០១៤។ ការបញ្ចប់មុខតំណែងនេះ ដោយយោងតាមព្រះរាជក្រឹត្យ [...]