អ្នកការសែតកម្ពុជាមិនគោរពវិជ្ជាជីវៈ ព្រោះប្រាក់ខែតិច...
ក្រុមអ្នកកាសែតកម្ពុជា ដែលបានធ្វើការជជែកពិភាក្សាគ្នា ថ្ងៃទី០៥ ខែធ្នូនេះ លើកឡើងថា បញ្ហាប្រាក់បៀវត្សរបស់អ្នកការសែតតិចតួច បានជម្រុញឱ្យអ្នកកាសែតកម្ពុជា ប្រព្រឹត្តិអំពើពុករលួយ ជម្រិតទារប្រាក់ពីឈ្មួញ លាក់បាំងមិនផ្សាយព័ត៌មានពិត ដែលបញ្ហាទាំងនេះ គឺជាកំហុសដ៏ធ្ងន់ធ្ងររបស់អ្នកកាសែតកម្ពុជា ក្នុងការប្រព្រឹត្តខុសវិជ្ជាជីវៈជាអ្នកសារព័ត៌មាន។
នាយកវិទ្យាស្ថានកម្ពុជា សម្រាប់ការសិក្សាផ្នែកសារព័ត៌មាន និងជាគ្រូបណ្តុះបណ្តាលអ្នកសាព័ត៌មាន លោក មឿន ឈានណារិទ្ធិ យល់ថា បញ្ហាប្រាក់ចំណូលប្រចាំខែ ដែលមិនអាចផ្គត់ផ្គង់ជីវភាពបាន គឺជាឧបសគ្គរារាំងមកលើអ្នកសារព័ត៌មាន និងជំរុញឱ្យពួកគាត់មិនគោរពវិជ្ជាជីវៈ។ វាពិបាកណាស់ ក្នុងការដាក់កំហិតអ្នកមិនគោរពវិជ្ជាជីវៈទាំងនោះ ឲ្យគោរពវិជ្ជាជីវៈ ដោយសារតែរឿងប្រាក់ខែនេះ [...]