Posts in ‘សម្រាំងបច្ចុប្បន្នភាព’ Category

ព្រះរាជ​អាជ្ញារង​ចោទ ឡាយ វណ្ណៈ និង​បងប្រុស​ពី​បទ​ឃាតកម្ម

ព្រះរាជ​អាជ្ញារង​ចោទ ឡាយ វណ្ណៈ និង​បងប្រុស​ពី​បទ​ឃាតកម្ម

នៅមុននេះបន្តិច ដំណឹងបានធ្លាក់មកដល់ ជុំវិញការសាកសួរ​ជនសង្ស័យ៦នាក់ ពីសំណាក់អយ្យការ អមសាលាដំបូងរាជធានីភ្នំពេញ នៅក្នុងសំនុំរឿងឃាតកម្ម ទៅលើអ្នកស្រី ចេវ សុវឌ្ឍនា។

លោក លី សុផាណា អ្នកនាំពាក្យសាលាដំបូង បានថ្លែងឲ្យដឹង តាមរយៈប្រព័ន្ធផ្ញើរសារ «តេឡេហ្គ្រាម» ដូច្នេះថា លោក សៀង សុខ ព្រះរាជអាជ្ញារង នៃអយ្យការ​អមសាលាដំបូង បានសម្រេចចោទប្រកាន់ លោក ឡាយ វណ្ណៈ អតីតអភិបាលខេត្តតាកែវ និងលោក ឡាយ ណារិទ្ធ ស្នងការរងនគរបាលខេត្តតាកែវ ពីបទឃាតកម្ម តាមមាត្រា១៩៩ នៃក្រមព្រហ្មទណ្ឌ។

មនុស្សពីរនាក់ទៀត ដែលរងការចោទប្រកាន់ដែរនោះ មានលោក ម៉េន សាម៉ៃ អ្នកបើករថយន្ដឲ្យលោក ឡាយ វណ្ណៈ និងលោក ជឹម វុធ ហៅ ថូត អ្នកបម្រើការ នៅក្នុងផ្ទះអ្នកស្រី ចេវ សុវឌ្ឍនា ត្រូវបានចោទពីបទ លាក់បាំងតម្រុយ តាមមាត្រា ៥៣២ នៃក្រមព្រហ្មទណ្ឌ។

មនុស្សទាំងបួននាក់ខាងលើ នឹងត្រូវបញ្ជូនឡើង ទៅឲ្យចៅក្រមស៊ើបអង្កេតសម្រេច ដើម្បីកំណត់ថា [...]

វីល្លៀម ក័ង ដាក់​បេក្ខភាព​តំណាង​រាស្ត្រ​តាម​​បញ្ជា ហ៊ុន សែន?

វីល្លៀម ក័ង ដាក់​បេក្ខភាព​តំណាង​រាស្ត្រ​តាម​​បញ្ជា ហ៊ុន សែន?

កាលពីម្សិលម៉ិញ លោក សុខ សុវណ្ណ​វឌ្ឍនា​សាប៊ុង ដែលដាក់ឈ្មោះខ្លួន នៅលើបណ្ដាញសង្កម ហៅ វីល្លៀម ក័ង (William Guang) បានប្រកាស នៅលើគណនីខ្លួនថា លោកនឹងចូលខ្លួនធ្វេីនយោបាយ ក្នុងគណបក្សថ្មីមួយ ក្នុងនាមជាបេក្ខជនតំណាងរាស្ត្រ ដើម្បី​«បម្រើ​ប្រជាពលរដ្ឋ»។ តែប្រភពមួយ ពីក្រសួងមហាផ្ទៃ បានអះអាងថា ជំហានថ្មីរបស់លោក វីល្លៀម ក័ង ជាការផ្ចុងផ្ដើមឡើង ដោយលោកនាយករដ្ឋមន្ត្រី ហ៊ុន សែន ដើម្បីឲ្យគេឯងមើលឃើញថា កម្ពុជាមានបេក្ខជនគូប្រជែងច្រើន ប្រឆាំងនឹងរូបលោក។

នៅលើគណនីរបស់ខ្លួន លោក វីល្លៀម ក័ង អ្នកប្រើប្រាស់​បណ្ដាញសង្គម​ដ៏ល្បី បានសរសេរថា៖ «ដោយយោងតាមលទ្ធិប្រជាធិបតេយ្យ សេរីពហុបក្ស រួមទាំងគោលបំណងរបស់ខ្ញុំផង ខ្ញុំសុំប្រកាសជាសាធារណៈ ថានឹងចូលខ្លួនធ្វេីនយោបាយ ក្នុងគណបក្សថ្មីមួយ ក្នុងនាមជាបេក្ខជនតំណាងរាស្ត្រ ដេីម្បីចូលរួមបម្រេីជាតិ បម្រេីប្រជាពលរដ្ឋ ! ហេីយចូលរួមប្រកួតប្រជែង ក្នុងការបោះឆ្នោត [...]

ការិយាល័យ អ.ស.ប នៅ​កម្ពុជា​នឹង​ប្រារព្ធ​ខួប​លើក​ទី ៧០ នៃ​សេចក្តី​ប្រកាស​ជា​សកល​ស្តីពី​សិទ្ធិ​មនុស្ស

ការិយាល័យ អ.ស.ប នៅ​កម្ពុជា​នឹង​ប្រារព្ធ​ខួប​លើក​ទី ៧០ នៃ​សេចក្តី​ប្រកាស​ជា​សកល​ស្តីពី​សិទ្ធិ​មនុស្ស

សម្រាប់ឆ្នាំនេះ អង្គការសហប្រជាជាតិ បានប្រកាស ពីការត្រៀមខ្លួន ប្រារព្ធខួបលើកទី៧០ នៃសេចក្ដីប្រកាសជាសកល ស្ដីពីសិទ្ធិមនុស្ស ហើយការិយាល័យ របស់ស្នងការជាន់ខ្ពស់ អ.ស.ឞ ស្ដីពីសិទ្ធិមនុស្ស ប្រចាំក្នុងប្រទេសកម្ពុជា ក៏បានអះអាងឲ្យដឹង ពីគម្រោងមួយនេះ ដូចគ្នាដែរ។ នៅលើទំព័រផ្លូវការ ក្នុងបណ្ដាញសង្គម របស់ការិយាល័យ បានសរសេរឲ្យដឹងថា៖

«ឆ្នាំនេះ យើងនឹងប្រារព្វខួបលើកទី ៧០ នៃសេចក្តីប្រកាស ជាសកលស្តីពីសិទ្ធិមនុស្ស។ សិទ្ធិមនុស្ស មានការពាក់ព័ន្ធនឹងយើងគ្រប់រូប ជារៀងរាល់ថ្ងៃ។ សិទ្ធិមនុស្ស រាប់ទាំងសិទ្ធិសេរីភាពរបស់យើង រួចផុតពីភាពភ័យខ្លាច និងទុគ៌តភាព សេរីភាពនិយាយស្តី សិទ្ធិទទួលបានសុខភាព និងការអប់រំ និងសិទ្ធិទទួលបានអត្ថប្រយោជន៍ ពីវិធានការនានា ដើម្បីជំរុញសេដ្ឋកិច្ច និងយុត្តិធម៌សង្គម។»

រវាងឆ្នាំ១៩៤៨ និងឆ្នាំ២០១៨ គឺរយៈពេល៧០ឆ្នាំមកហើយ ដែលសេចក្ដីប្រកាសជាសកល ស្ដីពីសិទ្ធិមនុស្ស [...]

ករណីឃាតកម្ម ចេវ សុវឌ្ឍនា បញ្ចប់ត្រឹម ឡាយ វណ្ណៈ?

ករណីឃាតកម្ម ចេវ សុវឌ្ឍនា បញ្ចប់ត្រឹម ឡាយ វណ្ណៈ?

អតីតអភិបាលខេត្តតាកែវ និងជាអតីតប្រធានគណបក្សប្រជាជនកម្ពុជា ប្រចាំខេត្តនេះ លោក ឡាយ វណ្ណៈ ត្រូវបានអាជ្ញាធរឃាត់ខ្លួន ក្នុងខេត្តតាកែវ កាលពីរសៀលម្សិលម៉ិញ មុននឹងនាំខ្លួន មកដល់នាយកដ្ឋានព្រហ្មទណ្ឌ នៃអគ្គស្នងការនគរបាលជាតិ ក្រសួងមហាផ្ទៃ ក្នុងយប់ថ្ងៃដដែល។ លោក ឡាយ វណ្ណៈ ទំនងជាជនសង្ស័យ ដែលមានជាប់ពាក់ព័ន្ធដោយផ្ទាល់ នៅក្នុងករណីអ្នកស្រី ចេវ សុវឌ្ឍនា ដែលត្រូវបានរកឃើញស្លាប់ ដោយមានខ្សែចងក នៅក្នុងគេហដ្ឋានមួយ ក្នុងក្រុងដូនកែវ ខេត្តតាកែវ កាលពីចុងខែមករា។

លោក ឡាយ វណ្ណៈ ត្រូវ​បានលោក សាយ ឈុំ ក្នុងនាមប្រមុខរដ្ឋស្ដីទី បានចេញ​ព្រះរាជក្រឹត្យ​ បញ្ចប់​តំណែង​ពី​អភិបាល​ខេត្ត​តាកែវ​ កាលពី​ថ្ងៃ​ចន្ទ​សប្តាហ៍​មុន។ លោកត្រូវបានឃាត់​ខ្លួន​ភ្លាមៗ ​បន្ទាប់ពី​លោក វណ្ណៈ បានចេញ​ពី​ពិធី​ផ្ទេរ​តំណែង​របស់​លោក ​ពី​ប្រធាន​គណបក្ស​ប្រជាជន​កម្ពុជា ​ប្រចាំ​ខេត្ត​ ​ទៅ​ឲ្យ​លោក អ៊ូច ភា ​ដែល​ជា​អភិបាល​ខេត្ត​ថ្មី​។ [...]

សម រង្ស៊ី អះអាង​ទទួល​ការ​សម្ងាត់​ថា ហ៊ុន សែន គ្រោង​សម្លាប់ ហ៊ីង ប៊ុនហៀង

សម រង្ស៊ី អះអាង​ទទួល​ការ​សម្ងាត់​ថា ហ៊ុន សែន គ្រោង​សម្លាប់ ហ៊ីង ប៊ុនហៀង

នៅលើបណ្ដាញសង្គម ដោយមានអមមក ជាមួយនឹងរូបថត របស់លោកនាយករដ្ឋមន្ត្រី ហ៊ុន សែន - អតីត​អគ្គស្នងការនគរបាលជាតិ លោក ហុង ឡងឌី និងអគ្គមេបញ្ជាការរងកងខេមរភូមិន្ទ (និងជាមេបញ្ជាការ កងអង្គរក្ស) លោក ហ៊ីង ប៊ុនហៀង នោះផង លោក សម រង្ស៊ី ដៃគូបដិបក្ខនយោបាយ ដ៏ស្រួចស្រាវរបស់លោក ហ៊ុន សែន បានសរសេរឲ្យដឹងថា លោក ហ៊ុន សែន មានគម្រោងកម្ចាត់លោក ហ៊ីង ប៊ុនហៀង ដែលមិនខុសពីករណីលោក ហុង ឡងឌី នោះឡើយ។

មេដឹកនាំប្រឆាំង បានសរសេរថា៖ «តាមព័ត៌មានសម្ងាត់ ដែលទទួលបាន ពីផ្ទៃក្នុងគណបក្សប្រជាជនកម្ពុជា ហ៊ុន សែន មានគម្រោងកម្ចាត់ ហ៊ីង ប៊ុនហៀង បន្ទាប់ពីដឹងថា ការស៊ើបអង្កេត ពីការវាយប្រហារដោយគ្រាប់បែក ថ្ងៃ ៣០ មីនា ឆ្នាំ ១៩៩៧ បានមកដល់ដំណាក់កាលចុងក្រោយហើយ នៅចំពោះមុខតុលាការប្រទេសក្រៅមួយ»។

លោក សម រង្ស៊ី បានបន្តថា៖ «ករណីនេះ មិនខុសពីករណី ហុក ឡងឌី ដែល ហ៊ុន សែន បានបញ្ជាឲ្យសម្លាប់ ជា វិជ្ជា នៅឆ្នាំ ២០០៤ ហើយដែលត្រូវបាន [...]



ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ contact@monoroom.info
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...