Posts in ‘បរិស្ថាន ផែនដី’ Category

ពលរដ្ឋចំនួនជាង៣ពាន់នាក់ បើតាមតួលេខផ្ដល់ដោយ លោក រៀល ខេមរិន្ទ្រ ឬជាង២ពាន់នាក់ បើតាមតួ​លេខ​ផ្ដល់ដោយអ្នកសង្កេតការណ៍ បានធ្វើដំណើរក្នុងថ្ងៃទី១៩ ខែកក្កដានេះ ដើម្បីចុះទៅពិនិត្យមើលបង្គោល​ព្រំដែន លេខ២០៣ ដែលស្ថិតនៅនេះ ​ត្រង់​ចំណុច​ភូមិ​ធ្លក ឃុំ​ត្នោត ស្រុក​កំពង់រោទិ៍ ខេត្ត​ស្វាយរៀង។ ប៉ុន្តែ​ដំណើរ​របស់​ក្រុមពលរដ្ឋទាំងនោះ បានជួបនឹងភាពលំបាកជាច្រើន ក្នុងនោះមានដូចជា ការរៀបចំជួបជុំគ្នា និង​ដំណើរ​កាត់​តាម ដងផ្លូវដែលសម្បូរដោយភក់ជ្រាំ នារដូវវស្សាជាដើម។

លោក រៀល ខេមរិន្ទ្រ តំណាងរាស្រ្តមណ្ឌលស្វាយរៀង មកពីគណបក្សសង្រ្គោះជាតិ បានថ្លែងរៀបរាប់ ការ​ណាត់ពេលជួបជុំគ្នា នៅទីលានប្រជាធិបតេយ្យ រាជធានីភ្នំពេញ បានធ្វើឡើងតាំងពីម៉ោង៥ព្រឹក តែទម្រាំ​បាន​ជួបជុំគ្នា និងចេះតែមានពលរដ្ឋ មកចូលរួមកាន់តែច្រើននោះ ទើបការចាកចេញ ពីទីណាត់ជួប ត្រូវ​អូស​បន្លាយ​ពេលដល់ម៉ោង៦។ លោក បានថ្លែងឲ្យដឹងទៀតថា គម្រោងដំបូងថា [...]

វិវាតព្រំដែន រវាងប្រទេសកម្ពុជា និងប្រទេសជិតខាង បានឈានមកដល់របត់ថ្មីមួយទៀត៖ នោះ គឺកម្ពុជា តាម​រយៈនាយករដ្ឋមន្ត្រី របស់ខ្លួន បានផ្ញើរលិខិត ទៅប្រទេសមហាអំណាច ចំនួន៣ មានសាធារណរដ្ឋ បារាំង ចក្រភព អង់គ្លេស និងសហរដ្ឋអាមេរិក ដើម្បីស្នើសុំខ្ចីផែនទី នៃប្រទេសកម្ពុជា ដែលមាននៅក្នុងដៃ​មហា​អំណាច​ទាំងនោះ យកមកផ្ទៀងផ្ទាត់គ្នា។

នៅ​ថ្ងៃទី​១៥​កក្កដា​នេះ លោក ហ៊ុន សែន នាយក​រដ្ឋមន្ត្រីបីទសវត្សន៍ របស់កម្ពុជា បាន​សរសេរ​លិខិត​បី​ផ្សេងៗ​គ្នា ជូន​ទៅប្រធានាធិបតី​បារាំង ប្រធានាធិបតី​អាមេរិក និង​នាយករដ្ឋមន្ត្រី​អង់គ្លេស ដើម្បី​សុំ​ខ្ចី​ផែនទី​កម្ពុជា ខ្នាត ១ លើ ១០០ ពាន់ ដើម្បី​ផ្ទៀងផ្ទាត់​ ទៅនឹង​ដំណើរការ​បោះបង្គោល ​កំណ​ត់​ព្រំដែន​រវាង​កម្ពុជា និង​ប្រទេស​ជិត​ខាង​។

សូមបញ្ជាក់ជូនថា កាលពី​ថ្ងៃទី​៦ ខែកក្កដា ឆ្នាំ​២០១៥​ កន្លងមក លោក ហ៊ុន សែន បានស្នើ​សុំ​ផែនទីនៃ​ប្រទេស​កម្ពុជានេះ [...]

ការបង្ហាញផែនទី របស់ប្រធានគណៈកម្មការចម្រុះ ចម្រុះខណ្ឌសីមា និងបោះបង្គោលព្រំដែនកម្ពុជា លោក វ៉ា គឹមហុង នៅក្នុងសន្និសីទសារព័ត៌មាន នៅទីស្តីការគណរដ្ឋមន្រ្តី ត្រូវបានតំណាងរាស្ត្រ មកពីគណបក្ស​សង្គ្រោះ​ជាតិ ដែលមានវត្តមាន នៅទីនោះដែរនោះ បង្ហាញការសង្ស័យខ្លាំងឡើង។ លោក អ៊ុំ សំអាន តំណាង​រាស្ត្រ​មណ្ឌល​សៀមរាប បានថ្លែងឡើងថា លោក វ៉ា គឹមហុង ប្រធានគណៈកម្មាធិការក្នុង បានយកផែនទីកូពី ដែល​ផលិតដោយប្រទេសវៀតណាម រួមទាំងមានវាយពាក់ថា«សម្ងាត់»។ លោកបន្តថា ពាក្យ«សំងាត់»នេះ ត្រូវ​បាន​លោកមើលឃើញ នៅមុនលោក វ៉ា គឹមហុង លុបចោយ និងខ្វៀលវាចេញ ពីលើផែនទីនោះ។

ក្នុងកិច្ចសម្ភាសជាមួយទស្សនាវដ្តីមនោរម្យ.អាំងហ្វូ តំណាងរាស្ត្រគណបក្សប្រឆាំង ដែលលេចធ្លោ ក្នុងការ​ឃ្លាំ​មើលបញ្ហាព្រំដែន បានចោទជាសំនួរថា ហេតុអ្វីបានជាផែនទី ដែលលោក វ៉ា គឹមហុង បង្ហាញនោះ មាន​ពាក្យ​ថា«សម្ងាត់»យ៉ាងដូច្នោះ? តើផែនទីតំកល់នៅយូអិន (UN) និងនៅបារាំង [...]

បើទោះជាកិច្ចប្រជុំបិទទ្វា របស់គណៈកម្មការចម្រុះ ទទួលបន្ទុកកិច្ចការព្រំដែន កម្ពុជា-វៀតណាម ត្រូវ​បាន​បញ្ចប់ទៅ ដោយការលាក់លៀម មិនបញ្ចេញព័ត៌មានលំអិត មកជាសាធារណៈ ពីមន្ត្រីរដ្ឋាភិបាល ដែល​តំណាង​ឲ្យប្រជាជាតិកម្ពុជាក៏ដោយ ប៉ុន្តែសម្រាប់ក្រុម អ្នកឃ្លាំមើលកិច្ចការព្រំដែន ជាពិសេសអ្នកតំណាង​រាស្ត្រ មកពីគណបក្សប្រឆាំងកម្ពុជា បានអះអាងថា នៅក្នុងអង្គប្រជុំនោះ មានការស៊ុំគ្រលំ ផ្ដោះប្ដូរដីរវាងខ្មែរ និង​ខ្មែរ យកទៅប្រគល់ឲ្យវៀតណាម។

តំណាងរាស្រ្តមួយរូប មកពីគណបក្សសង្គ្រោះជាតិ លោក អ៊ុំ សំអាន បានលើកឡើង ក្នុងកិច្ចសម្ភាស ជា​មួយ​ទស្សនាវដ្តីមនោរម្យ.អាំងហ្វូ ថា សេចក្ដីប្រកាស របស់គណកម្មការព្រំដែនកម្ពុជា ពាក់ព័ន្ធនឹងបញ្ហា​ព្រំដែន​នេះ មានលក្ខណៈចង្អៀត មានត្រឹមតែមួយទំព័រ សរសេរតែបីចំណុច និងមានការអះអាង ដោយមិនត្រូវរឿង ខណៈ​សេចក្តីប្រកាស របស់ភាគីវៀតណាម ជូនពលរដ្ឋរបស់គេ តាមរយៈសារព័ត៌មាននានា [...]

បើខ្លឹមសារនៃកិច្ចប្រជុំដោយបិទទ្វា ស្ដីពីព្រំដែនកម្ពុជា-វៀតណាម សម្រាប់រយៈពេល៣ថ្ងៃ (​​៧-៩ កក្ដ​ដា) នៅ​កម្ពុជា មិនត្រូវបានប្រកាស ជាសាធារណៈ ឬដល់អ្នកសារព័ត៌មានកម្ពុជានោះ តែនៅប្រទេស​វៀតណាម​វិញ សារព័ត៌មានវៀតណាម បានដកស្រង់យក​ខ្លឹមសារ​សំខាន់ៗ ជាច្រើន ដែលសម្រេចចេញពី​អង្គ​ប្រជុំនេះ មក​ផ្សាយ​ពាសពេញប្រទេស។ ទស្សនាវដ្ដីមនោរម្យ.អាំងហ្វូ សូមធ្វើការដកស្រង់ និងបកប្រែខ្លឹមសារទាំងនោះ ក្រៅផ្លូវការ ដូចខាងក្រោម៖