Posts in ‘យុត្តិធម៌ សណ្ដាប់ធ្នាប់’ Category

ទីក្រុងព្យុងយ៉ាងបានប្រកាសនៅថ្ងៃសៅរ៍នេះ ថាជនជាតិអាមេរិកាំងម្នាក់ ដែលជាប់ឃុំតាំងពីជាង៦ខែមកហើយ ក្នុង​ពន្ធនាគារកូរ៉េខាងជើង នឹងត្រូវឡើងទៅកាត់ទោស នៅចំពោះតុលាការកំពូលរបស់ប្រទេស ពីបទបានរៀបចំ​គម្រោង​ដើម្បីផ្ដួលរំលំ រដ្ឋាភិបាលកុម្មុយនីស។ បទចោទប្រកាន់នេះ អាចនឹងមានទោសប្រហារជីវិត ប្រសិនបើតុលាការ​របស់​ប្រទេស រកឃើញថាមានកំហុសពិតមែន។

អគ្គមគ្គុទេសកូរ៉េខាងជើង គីម ជុងអ៊ុន (ខាងស្ដាំ) និងនាយទាហានរបស់គាត់។

សវនាការជំនុំជម្រះក្ដី របស់ជនជាប់ចោទ ខេណេត ប៊េ (Kenneth Bae) ដែលត្រូវបានឃាត់ខ្លួន ដោយ​អាជ្ញាធរនៃ​ប្រទេស​កូរ៉េខាងជើង តាំងពីខែវិច្ឆិការឆ្នាំមុននោះ នឹងបង្កឲ្យភាពតានតឺងកាន់តែមានទម្ងន់ធ្ងន់ថែមទៀត ខណៈដែលភាព​តានតឹង​នេះ បានកំពុងតែមានស្រាប់ រវាងទីក្រុងព្យុងយ៉ាង នឹងទីក្រុងវ៉ាស៊ីនតោន [...]

ក្នុងការស៊ើបអង្កេត ទៅលើសំនុំរឿងមរណភាពរបស់ស្ត្រីបារាំងអាយុ២៥ឆ្នាំ ដែលត្រូវបានសង្ស័យ​ថា​ជា​ឃាតកម្ម​នោះ នគរបាលកម្ពុជាបានប្រកាស កាលពីថ្ងៃព្រហស្បត្តិ៍ទី២៥ខែមេសាកន្លងមកនេះ ថាបាន​ធ្វើការ​ឃាត់ខ្លួន បុរសម្នាក់​ជន​ជាតិប៊ែលហ្សិក អាយុ៤០ឆ្នាំ។ ប៉ុន្តែខុសពីការអះអាងរបស់នគរបាល ដែលបាន​ដាក់​ការ​សង្ស័យលើខ្លួននោះ បុរសរូប​នេះបានបដិសេធថា ខ្លួនមិនមានការពាក់ព័ន្ធអ្វីនឹងមរណភាពនេះទេ។

នាងអូហ្វេលី ប៊ើនីស (Ophélie Begnis) ជាអ្នករស់នៅក្នុងទីក្រុងលីយ៉ុង (Lyon) បានជ្រើសរើស​ប្រទេស​កម្ពុជា ដើម្បីការ​លំហែកាយរបស់នាង និងការស្វែងយល់ពីវប្បធម៌ សិល្បៈ នៅប្រទេសនេះផង។ នាងបានបាត់​ខ្លួន​ជា​រៀង​រហូត  បន្ទាប់​ពីមានសាក្សីបានឃើញនាង ចាកចេញពីផ្ទះសំណាក់ដែលនាងស្នាក់នៅ ជាមួយ​នឹង​​កង់​មួយ។ នៅមួយថ្ងៃក្រោយមក ក្រុមប្រជាពលរដ្ឋក្នុងតំបន់ បានប្រទះឃើញរូបនាង«ស្លាប់» នៅបណ្ដែត​​ទឹក​​ក្នុង​ស្ទឹង​​កំពត ។

នៅលើសាកសព [...]

ស្ថានទូតបារាំងក្នុងរដ្ឋធានីទ្រីប៉ូលីប្រទេសលីប៊ី បានរងនូវការបំផ្ទុះគ្រាប់បែក ថ្ងៃអង្គារនេះ ដែលទំនងជាបណ្ដាលមកពី​រថយន្ដចតចោលនៅក្បែរនោះ បង្កឲ្យកម្លាំងប្រដាប់អាវុធបារាំងពីររូប ដែលរក្សាសន្តិសុខនៅទីនោះបានរងរបួស ក្នុង​នោះ​ម្នាក់រងរបួសធ្ងន់។

រូបថតនៅក្រោយពេលភេវរកម្ម ខណៈរថយន្ដដែលត្រូវបានបំផ្ទុះ នៅកំពុងឆេះនៅឡើយ។

គេនឹងមិនទាន់ដឹងពីមូលហេតុ និងនរណាជាអ្នកទទួលខុសត្រូវនោះនៅឡើយ ហើយក៏នៅមិនទាន់មាន ការ«ចេញមក​ប្រកាស»ទទួលខុសត្រូវណាមួយនោះដែរ។ នាយករដ្ឋមន្ត្រីបារាំង លោកហ្សង់ម៉ាក អារ៉ូល៍ (Jean-Marc Ayrault) បាន​និយាយថា កិច្ចអន្តរាគមន៍នៅប្រទេសម៉ាលីរបស់បារាំង ប្រឆាំងនឹងក្រុមឧទ្ទាមអ៊ីស្លាមនិយម ត្រូវបានគិតថាជាដើមហេតុ​នៃអំពើ​ភេវរកម្មនេះ។

ប្រធានាធិបតីបារាំង លោកហ្វ្រង់ស័រ [...]

ជនសង្ស័យទីពីរ ជ័កហារ ត្សាណី (Dzhokhar Tsarnaev) អាយុ១៩ឆ្នាំ នៃព្រឹត្តិការណ៍បំផ្ទុះគ្រាប់បែកពីរគ្រាប់ នៅទីក្រុង​ប៊ូស្តុន នឹងមិនត្រូវជំនុំជម្រះ នៅចំពោះតុលាការយោធាអាមេរិកនោះទេ។ តែជនសង្ស័យ នឹងត្រូវកាត់ទោសដោយ​តុលាការ​សហព័ន្ធស៊ីវីល នៅក្រោមបទចោទប្រកាន់ ពីការប្រើប្រាស់ «អាវុធជាតិផ្ទុះខុសច្បាប់ និងដ៏ប្រល័យ»។ អគ្គរដ្ឋអាជ្ញា​នៃ​សហរដ្ឋអាមេរិក បានលើក​ឡើងពីបទចោទប្រកាន់នេះ នៅថ្ងៃច័ន្ទម្សិលម៉ិញ។

រូបថតជនរងគ្រោះ ក្នុងភេវរកម្ម និងឃាតកម្មនៅប៊ូស្តុន៕

អគ្គរដ្ឋអាជ្ញា លោក អេរិក ហូដ័រ (Eric Holder) បានប្រកាសផ្សាយនៅរសៀលថ្ងៃច័ន្ទទី២២ខែមេសា នូវការចោទប្រកាន់ ប្រឆាំងនឹង ជ័កហារ ត្សាណី ពីបទប្រើប្រាស់«អាវុធជាតិផ្ទុះខុសច្បាប់ និងដ៏ប្រល័យ» ប៉ះពាល់ដល់ជីវិតមនុស្សស្លូតត្រង់។ ជនសង្ស័យអាយុ [...]

ការប្រយុទ្ធគ្នា រវាងកងទ័ពប្រទេសនីហ្សេរីយ៉ាង និងក្រុមឧទ្ទាម អ៊ីស្លាមនិយមជ្រុល នៅក្នុងតំបន់មួយផ្នែកឦសាន​នៃ​ប្រទេស ដែលធ្វើអោយមនុស្សស្លាប់ជាង១៨៥នាក់។

ភូមិមួយ ដែលត្រូវបានពង្រាបដោយ ការប្រយុទ្ធដ៏ខ្លាំងក្លា។

លោកឡាវ៉ាន កូឡេ (Lawan Kole,) អ្នកទទួលខុសត្រូវម្នាក់នៃរដ្ឋាភិបាល ប្រចាំតំបន់បាហ្គា បាននិយាយថា​កាលពីថ្ងៃ​អាទិត្យទី២១នេះ ថាការជួបប្រយុទ្ធគ្នានេះ បានកើតឡើងនៅយប់ថ្ងៃសុក្រ ហើយមានរយៈពេលជាច្រើនម៉ោង។

លោកបាននិយាយថា យ៉ាងហោចណាស់មនុស្សចំនួន១៨៥នាក់ បានស្លាប់ និងត្រូវបានយកទៅកប់។ លោកបានបន្ថែម​ថា គេនៅបន្តស្វែងរកសាកសព ជាបន្តទៅទៀតនៅឡើយ។

មេបញ្ជាការកងទ័ពលោក អូស្ដាំង អេដូកប៉ាយ៉េ (Austin Edokpaye) បានជូនដំណឹងទៅអ្នកទទួលខុសត្រូវ នៅក្នុងរដ្ឋប៉ូណូ (Borno) ថា [...]