Posts in ‘សង្គម’ Category

សកម្មជន​តវ៉ា​ដី​ធ្លី​មកពីបឹងកក់មួយរូប ទទួលមរណភាព

សកម្មជន​តវ៉ា​ដី​ធ្លី​មកពីបឹងកក់មួយរូប ទទួលមរណភាព

លោក​យាយ សឺន កេ សកម្ម​ជន​តវ៉ា​ខាង​​ដី​ធ្លី​មកពី​សហគម​បឹង​កក់ ដែល​បាន​តស៊ូ​ការពារ​ដីធ្លី ផ្ទះ​សម្បែង​របស់​ខ្លួន បាន​ទទួល​មរណភាព នៅ​ថ្ងៃ​ទី​៣១ ខែ​មករា ឆ្នាំ​២០១៥នេះ។ ក្រុម​អ្នក​ស្និត​នឹង​សកម្មជន​រូប​នេះ បាន​ថ្លែង​ថា លោក​យាយ​បាន​​លា​ចាក​លោក​ទៅ ទាំង​មិន​ស្ងប់​ចិត្ត និង​បិទ​ភ្នែក​មិន​ជិត។

សកម្មជន​តវ៉ា​ដីធ្លីមួយ​រូប​​ទៀត អ្នក​ស្រី ប៊ូវ សោភា បាន​ថ្លែង​បញ្ជាក់​ថា នៅ​មុន​មរណភាព ស្រី្ត​វ័យ​ចំណាស់ មក​ពី​សហគមន៍​​បឹង​កក់​រូប​នេះ​មាន​អាការៈ​ក្តៅ​ខ្លួន ហើយ​គាត់​បាន​ប្រើ​ឲ្យ​កូនៗ​របស់​គាត់​កោស​ខ្យល់​ឲ្យ ដើ​ម្បី​មាន​សភាព​ជា​ដូច​ធម្មតា​វិញ។

ប៉ុន្តែ​ក្រោយ​ពី​កោស​ខ្យល់រួច អាការៈជំងឺរបស់លោកយាយមិនបានស្រាកស្រាន្ដ តែហាក់ដូចជាធ្វើឲ្យ​ស្ត្រី​ចំណាស់ កាន់តែមានសភាពធ្ងន់ធ្ងរជាងមុន រហូតលោកយាយ ត្រូវបានគេបញ្ជូនទៅមន្ទីរពេទ្យកាលម៉ែត្រ ដើម្បីសង្គ្រោះជាបន្ទាន់។ លោកយាយបានផុតដង្ហើម នៅពេលទៅដល់មន្ទីរពេទ្យ [...]

​អគ្គិសនី​​កម្ពុជា​​ត​បណ្ដាញ​ដំបូង​ជូន​កម្មករ ដោយ​មាន​ការ​ស្វាគមន៍

​អគ្គិសនី​​កម្ពុជា​​ត​បណ្ដាញ​ដំបូង​ជូន​កម្មករ ដោយ​មាន​ការ​ស្វាគមន៍

អាជ្ញាធរ​អគ្គិសនី​កម្ពុជា​ឲ្យ​ដឹង​ថា គ្រាន់​តែ​រយៈ​ពេល​មួយ​ថ្ងៃ EDC បាន​ត​បណ្តាញ​ជូន​ដល់​ផ្ទះ​ជួល​ឲ្យ​កម្មករ កម្មការិនី​ស្នាក់​នៅ បាន​ជាង​៦០០​បន្ទប់។ ដំណើរ​ការ​ត​បណ្តាញ​នេះ នឹង​ចប់​ក្នុង​រយៈ​ពេល​តិច​ជាង​២ខែ ប្រសិន​បើ​ស្ថានភាព និង​ចង្វាក់​ការងារ​បាន​ប្រព្រឹត្តិ​ទៅ​រលូន ដូច​ជា​ថ្ងៃ​ចាប់​ផ្តើម​នោះ។

អ្នក​បច្ចេកទេស នៃ​ក្រុម​ការងារ​អគ្គិសនី​កម្ពុជា EDC ប្រើ​ពេល​មិន​ដល់​២៤​ម៉ោង​ផង បាន​ត​បណ្តាញ​អគ្គិសនី ចូល​ដល់​ផ្ទះ​ជួល​សម្រាប់​កម្មករ ព្រម​ទាំង​ភ្ជាប់​ចរន្ត​បាន​៦៥៩​បន្ទប់។ ស្រង់​សម្តី​ដោយ​វិទ្យុ​បារាំង​អន្តរជាតិ RFI លោក កែវ រតនៈ អគ្គ​នាយក​អគ្គិសនី​កម្ពុជា បាន​ថ្លែង​នៅ​ថ្ងៃ​សុក្រ​ទី​៣០ ខែ​មករា​នេះ​ថា៖ «ដំណើរ​ការ​ត​បណ្តាញ​អគ្គិសនី នៅ​ថ្ងៃ​ដំបូង​របស់ EDC ទទួល​បាន​ភាព​ជោគជ័យ​យ៉ាង​ខ្លាំង ដោយ​មាន​ការ​ជួយ​សម្រួល ពី​អាជ្ញាធរ​មូលដ្ឋាន និង​មាន​ការ​ចូល​រួម​ពី​ម្ចាស់​ផ្ទះ​ជួល [...]

នៅ​កម្ពុជា ព្រះ​សង្ឃ​ដែល​ហ៊ាន​បញ្ចេញ​មតិ នឹង​ត្រូវ​ចាប់​ផ្សឹក?

នៅ​កម្ពុជា ព្រះ​សង្ឃ​ដែល​ហ៊ាន​បញ្ចេញ​មតិ នឹង​ត្រូវ​ចាប់​ផ្សឹក?

«យើង​ងើប​ឈរ​ដើម្បី​បញ្ចេញ​មតិ គ្រាន់​តែ​ពាក្យ​យើង​បញ្ចេញ​មតិ​ហ្នឹង​ណា គេ​ថា​យើង​មិន​គោរព។ ហ្នឹង​ត្រង់​ពាក្យ​មិន​គោរព យើង​ងើប​ហើយ​យើង​បញ្ចេញ​មតិ ត្រង់​តែ​យើង​ងើប​ពឹប គេ​ថា​យើង​មិន​គោរព​ថ្នាក់​ដឹកនាំ។» នេះ​ជា​ថេរដីកា​របស់​ព្រះ​តេជគុណ អ៊ុំ វិចិត្រ នៅ​ក្នុង​សន្និសីទ​ការសែត នា​រសៀល​ថ្ងៃ​ទី​៣០ ខែ​មករា ឆ្នាំ​២០១៥។

សង្ឃ​ត្រូវ​បាន​គេ​ចាប់​ផ្សឹក ដែល​មាន​ព្រះ​ជន្ម​៣២​ព្រះ​វស្សា​អង្គនេះ បាន​រៀប​រាប់​ថា មូលហេតុ​ដែល​នាំ​ឱ្យ​មាន​ការ​ចាប់​កំហុស រហូត​ដល់​ចាប់​ផ្សឹក​នេះ ដោយ​សារ​កាល​ពី​ប្រហែល​ពីរ​អាទិត្យ​មុន សង្ឃ​នាយក​បាន​ទៅ​ប្រកាស​តែង​តាំង ថ្វាយ​គណៈ​សង្ឃ​នាយក​គ្រប់​គ្រង ព្រម​ទាំង​ប្រគល់​ភារកិច្ច​ជា​មេ​គុណ​ឱ្យ​ព្រះ​តេជគុណ លឹម លន់ មើល​ការ​ខុស​ត្រូវ​លើ​ព្រះ​សង្ឃ។

ប៉ុន្តែការសម្រេចឱ្យតំណែងជាព្រះមេគុណ ដល់ព្រះអង្គ លឹម លន់ មើលការខុសត្រូវលើព្រះសង្ឃ ត្រូវបាន​ព្រះ​សង្ឃ​ទាំងបីអង្គគឺ [...]

ICC កំពុង​ពិនិត្យ​សំនុំ​រឿង​​«ឧក្រិដ្ឋ​កម្ម»​​នៅ​កម្ពុជា ខណៈ​ញត្តិមួយស្នើឲ្យពន្លឿន

ICC កំពុង​ពិនិត្យ​សំនុំ​រឿង​​«ឧក្រិដ្ឋ​កម្ម»​​នៅ​កម្ពុជា ខណៈ​ញត្តិមួយស្នើឲ្យពន្លឿន

តុលាការ​សាលា​ក្ដី​ព្រហ្មទណ្ឌ​អន្តរជាតិ ក្នុង​ទីក្រុង ឡាអេ ប្រទេស​ហូឡង់ ហៅ​កាត់​តាម​ភាសា​បារាំង CPI និង​ភាសា​អង់គ្លេស ICC បាន​ទទួល និង​កំពុង​ពិនិត្យ​លើ​ពាក្យ​បណ្ដឹង ពាក់​ព័ន្ធ​​នឹង​ការ​រឹបអូស​ដីធ្លី​ នៅ​ក្នុង​ប្រទេស​កម្ពុជា​នោះ។​ នេះ​បើ​តាម​ការ​អះអាង របស់​មេធាវី​អន្តរជាតិ លោក រីឆាដ រ៉ូជ័រ (Richard Rogers) តំណាង​ឲ្យ​ពលរដ្ឋ​ខ្មែរ​រង​គ្រោះ ដែល​បាន​​ដាក់​​ពាក្យ​​បណ្ដឹង​នេះ នៅ​​ចំពោះ​​មុខ​​លោក​ស្រី ហ្វាទូ ប៊េនស៊ូដា (Fatou Bensouda) អន្តរ​រដ្ឋ​អាជ្ញា​​នៃ​​សាលា​​ក្ដី​ កាល​ពី​នៅ​​ថ្ងៃ​​ទី​៧ ខែ​​តុលា ឆ្នាំ២០១៤​កន្លង​ទៅ។

ថ្លែង​ក្នុង​កិច្ច​សម្ភាស​មួយ ជា​វិទ្យុ​សម្លេង​សហរដ្ឋ​អាមេរិក​ ផ្សាយ​ជា​ខេមរភាសា លោក​មេធាវី រូជ័រ បាន​អះ​អាង​ថា តុលាការ​ព្រហ្មទណ្ឌ​អន្តរជាតិ​កំពុង​ពិចារណា​ទៅ​លើ​ភស្ដុតាង ថា​តើ​ពួក​គេ​ចាំ​បាច់ ត្រូវ​ធ្វើការ​ស៊ើប​អង្កេត​បឋម​មួយ​ឬ​ទេ [...]

សង្ឃ​បី​អង្គ​ដែល​គេ​បង្ខំ​ចាប់​ផ្សឹក​នៅ​ឧត្តរ​មាន​ជ័យ ស្វែង​រក​យុត្តិធម៌

សង្ឃ​បី​អង្គ​ដែល​គេ​បង្ខំ​ចាប់​ផ្សឹក​នៅ​ឧត្តរ​មាន​ជ័យ ស្វែង​រក​យុត្តិធម៌

ករណី​នៃ​ការ​ចាប់​ព្រះសង្ឃ​បី​អង្គ គង់​នៅ​វត្ត​ធម្ម​សណ្តោស​ពុទ្ធ​វិន័យ ខេត្ត​ឧត្តរ​មាន​ជ័យ កំពុង​ធ្វើ​ឱ្យ​មហាជន​នានា​ចាប់​អារម្មណ៍ និង​ធ្វើការ​តាម​ដាន​ជា​ខ្លាំង។ ចាប់​អារម្មណ៍ ដោយ​សារ​តែ​មាន​ការ​ចាប់​ផ្សឹក​នេះ មិន​បាន​បញ្ជាក់​ពី​មូលហេតុ​ឱ្យ​ច្បាស់​លាស់ នៃ​កំហុស​របស់​ព្រះ​សង្ឃ​ទាំង​បី ថា​ព្រះអង្គ​មាន​កំហុស​ធ្ងន់ធ្ងរ​យ៉ាង​ណា រហូត​បណ្តាល​ឱ្យ​មាន​ការ​ចាប់​ផ្សឹក​ដូច​នេះ​ឡើយ។ មួយ​វិញ​ទៀត ការ​ចាប់​ផ្សឹក​នេះ ធ្វើ​​ឡើង​ដោយ​ប្រធាន​ធម្មការ​ខេត្ត ដែល​មាន​ភេទ​​ជា​​គ្រហស្ត មិន​មាន​សិទ្ធ​ក្នុង​ការ​ចាប់​ផ្សឹក​ព្រះ​សង្ឃ​ឡើយ។

ភិក្ខុ​សង្ឃ​បី​អង្គ​ដែល​ត្រូវ​បាន​លោក ឆឹម តឿ ប្រធាន​មន្ទីរ​ធម្មការ និង​សាសនា​ខេត្ត​ឧត្តរ​មាន​ជ័យ​ចាប់​ផ្សឹក​នោះ គឺ​ព្រះ​តេជគុណ អ៊ុំ វិចិត្រ ចៅ​អធិការ​ស្តី​ទី​វត្ត​ធម្មយុទ្ធ ព្រះ​តេជ​គុណ ឡា ហួរ គ្រូ​សូត្រ​ឆ្វេង​ស្តី​ទី គង់​ក្នុង​វត្ត​ធម្មយុទ្ធ និង​ព្រះ​តេជគុណ ឃុន ឆេង [...]



ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...