Posts in ‘សង្គម’ Category

សម្រាប់អង្គការ «ភាពជាដៃគូថវិកាអន្តរជាតិ» កម្ពុជាបានទទួលបានពិន្ទុ ត្រឹមតែ៨ប៉ុណ្នោះ ក្នុងចំណោមពិន្ទុ​សរុប​១០០ ខាងតម្លាភាព«ថវិកា»ជាតិ របស់ខ្លួន ដែលហៅកាត់ជាភាសាអង់គ្លេសថា OBI និងមានការ​ទទួល​ស្គាល់ ជាលក្ខណៈអន្តរជាតិ។

ថ្លែងក្នុងសិក្ខាសាលាមួយ ស្តីពី «លទ្ធផលនៃអង្កេត លើការផ្សព្វផ្សាយព័ត៌មានថវិកា ឆ្នាំ២០១៥ នៅប្រទេស​កម្ពុជា» នាថ្ងៃទី១៧ ខែវិច្ឆិកានេះ លោក តឹក វណ្ណារ៉ា នាយកវេទិកា នៃអង្គការមិនមែនរដ្ឋាភិបាល ស្តីពីកម្ពុជា បានថ្លែងពន្យល់ថា ពិន្ទុ OBI ត្រឹម៨ នោះ មានន័យថា ពលរដ្ឋមានលទ្ធភាពតិចតួច ឬគ្មានលទ្ធភាព ក្នុងការ​ទទួលបានព័ត៌មានថវិកា ដែលពួកគេត្រូវការដើម្បីយល់ពីថវិកា និង តម្រូវឲ្យរដ្ឋាភិបាល មាន​គណនេយ្យភាព។ លោកបាននិយាយថា៖ «ថវិកាជាតិ គឺជាថវិកា របស់ប្រជាពលរដ្ឋកម្ពុជាទាំងអស់គ្នា»។

លោកបានធ្វើការពន្យល់ថា ព្រោះតែថវិការទាំងនោះ បានមកពី«កាតព្វកិច្ច» នៃការបង់ពន្ធ និងកម្រៃសេវា​ផ្សេងៗ [...]

លោក វង្ស ប៊ុនពិសិដ្ឋ ព្រះរាជអាជ្ញារង ជាមួយនឹងកងកម្លាំងសមត្ថកិច្ច និងអាជ្ញាធរខណ្ឌទួលគោក បានអនុវត្ត​សាលក្រម រឹបអូសយកផ្ទះលេខ 62 EO E1 E2 នៅព្រឹកថ្ងៃទី១៦ ខែ វិច្ឆិកា ឆ្នា២០១៥នេះ តាមបណ្តោយផ្លូវលេខ ៥៩៨ ស្ថិតក្នុងសង្កាត់បឹងកក់ទី២ ខណ្ឌទួលគោក រាជធានីភ្នំពេញ តែមិនបានសម្រេចព្រោះ ម្ចាស់ផ្ទះបាន​ចាក់​សាំង​លើខ្លួន បម្រុងដុតសម្លាប់ខ្លួន។

សមត្ថកិច្ចបានចុះមករឹបអូស ផ្ទះខាងលើនេះ តាមពាក្យបណ្តឹងរបស់លោក ឡៅ ស៊ុនប៉ា ដែលបានប្តឹងទៅ​សមត្ថកិច្ច តែត្រូវភាគីម្ចាស់ផ្ទះបដិសេធមិនព្រម ហើយបានបញ្ជាក់ថា ខ្លួនបានសងប្រាក់ ទៅដើមបណ្តឹងចំនួន ២៣ម៉ឺន​ដុល្លា​រួចហើយ នៅសល់តែ ៦ម៉ឺន ១ពាន់ដុល្លាទៀត តែប៉ុណ្ណោះ។

តាមមន្រ្តីនគរបាល បានឲ្យដឹងថា ចុងបណ្តឹង ដែលជាម្ចាស់ផ្ទះខាងលើ មានឈ្មោះ យិន សុវណ្ណនី។ ចំណែក​ការ​ចុះអនុវត្តសាលក្រម រឹមអូសផ្ទះខាងលើនេះ មិនបានសម្រេចទេ នៅថ្ងៃដដែលនេះ៕

ប្រកួតប្រជែងគំនិត ដើម្បីពង្រីកគតិបណ្ឌិតភាព ជាអ្នកដឹកនាំ ទទួលយកនូវភាពផ្សេងៗគ្នា និងកាត់បន្ថយ គំនិត​ខុសដាច់ខាត បណ្តុះស្មារតីចិត្ត ជាអ្នកកីឡា ហ៊ានប្រកួតហ៊ានចាញ់ និងកាត់បន្ថយ ភាពចាញ់​ឈ្នះ​ដាច់​ខាត ពង្រីកចំណេះដឹង ចំណេះធ្វើ និងការស្រាវជ្រាវ របស់ស្រ្តីខ្មែរ ដើម្បីការរីកចម្រើនគ្មានព្រំដែន។ ទាំង​នេះ ជាគោលបំណង នៃវេទិកាស្ត្រីជជែកដេញដោល ពីភាពជាអ្នកដឹកនាំ ដែលត្រូវបានរៀចំឡើង ជា​លើក​ដំបូង កាលពីរសៀលថ្ងៃទី១១ ខែវិច្ឆិកា ឆ្នាំ២០១៥កន្លងមកនេះ ដោយមជ្ឈមណ្ឌល រដ្ឋាលីដឌីង បាន​សហការ ជា​មួយ​ក្រសួង​កិច្ចការនារី មជ្ឃមណ្ឌល សហប្រតិបត្តិការ កម្ពុជាជប៉ុន (cjcc) និងសមាគមសហគ្រិន​ស្រ្តី​កម្ពុជា។

ពីក្នុងចំណោមវាគ្មិន ជាអ្នកដឹកនាំស្រ្តីកម្ពុជាចំនួន ១៦រូប មកពីស្ថាប័នផ្សេងៗគ្នានោះ អ្នកស្រី ច័ន្ទ សូរីយ៍ រដ្ឋ​លេខាធិការក្រសួងកិច្ចការនារី បានឲ្យដឹងថា វេទិកានេះ ធ្វើឡើងដើម្បីឲ្យស្រ្តី មានភាពក្លាហាន និងក្លាយជា​អ្នកដឹកនាំ [...]

អាជ្ញាធរអប្សរា បានឧទ្ធិសអាយុកាល ២០ឆ្នាំ នៃការគ្រប់គ្រង និងអភិរក្សរមណីយដ្ឋានរបសខ្លួន នៅក្នុង​គោល​បំណងដ៏គួរឲ្យចាប់អារម្មណ៍។ នោះគឺដើម្បីផ្សព្វផ្សាយ ដល់សាធារណជន ឲ្យបានយល់ដឹង អំពី​គោល​ការណ៍ផ្សេងៗ ក្នុងការគ្រប់គ្រងរមណីយដ្ឋានអង្គរ ក៏ដូចជាការបំផុសគំនិត ឲ្យចេះស្រឡាញ់ និង​រួម​ចំណែក​អភិរក្ស នូវមរតកបេតិកភណ្ឌ ដ៏មានតម្លៃរបស់មនុស្សជាតិទាំងមូល។

គោលបំណងនេះ ត្រូវបានផ្សព្វផ្សាយឲ្យដឹង នៅក្នុងកម្មវិធី ស្តីពីការអភិរក្ស និងអភិវឌ្ឍន៍ក្នុងរមណីយដ្ឋាន​អង្គរ​រយៈពេល២០ឆ្នាំ នាសាលសន្និសីទអង្គរ កាលពីព្រឹកថ្ងៃទី១១ ខែវិច្ឆិកា ឆ្នាំ២០១៥ ដែលមាន​កិច្ច​សហការ ជាមួយទូរទស្សន៍បាយ័ន។

នៅចំពោះការនិមន្ត និងអញ្ជើញចូលរួម ពីសំណាក់ព្រះសង្ឃ អាជ្ញាធរដែនដី ប្រជាពលរដ្ឋ សិស្ស និស្សិត ប្រមាណ​ជាង៤០០អង្គ/រូបនោះ អាជ្ញាធរអប្សរាទំនងជាបានពន្យល់ ឲ្យអ្នកចូលរួមមានការពេញចិត្ត និង​គាំទ្រ​យ៉ាងខ្លាំង ចំពោះកម្មវិធីនេះ។ [...]

ជនពិការភ្នែក និងពិការជើង ជាច្រើននាក់ បានសម្តែង ការព្រួយបារម្ភរបស់ពួកគេ បន្ទាបពីសាលា​រាជធានី​ភ្នំពញ គ្រោងនឹងលប់បំបាត់ ការប្រគុំតន្ត្រីជនពិការ នៅតាមផ្លូវកែងនានា ក្នុងរាជធានីភ្នំពេញ ក្នុងហេតុផល​សណ្ដាប់ធ្នាប់ និងមុខមាត់រាជធានី។ ពួកគេ​គិតថា គម្រោងនៃហាមឃាត់នេះ នឹងប៉ះពាល់ដល់ការងារ និងធ្វើ​ឲ្យ​ជីវភាព​របស់​ពួកគេ ធ្លាក់ចុះដុនដាប​នោះ​ផង​ទៀត។

លោក ឡុង ឌីម៉ង់ អ្នកនាំពាក្យសាលារាជធានីភ្នំពេញ បានថ្លែងប្រាប់ព័ត៌មាននេះ ទៅកាន់​កាសែត​ក្នុង​ស្រុក​មួយថា សាលារាជធានី គ្រោងនឹងបើកទីតាំងណាមួយផ្សេង តាមដែលអាចធ្វើទៅបាន ដើម្បីឲ្យក្រុមជន​ពិការ​ទាំងនោះ មានកន្លែងសម្រាប់ប្រគុំតន្រ្តី របស់ខ្លួនវិញ និងតម្រូវឲ្យតំណាងជនពិការ ត្រូវមានលិខិតស្នើរសុំ ពី​សាលា​រាជធានី។

អ្នកស្រី អ៊ុក គិរី ជាប្រធានក្រុកតន្រ្តីជនពិការជួយខ្លូនឯង ដែលមានក្រុមអ្នកពិការភ្នែក០៤នាក់ ហើយដែល​កំពុង​ប្រគុំតន្រ្តី​នៅជិតស្តុបផ្សារដើមគរ [...]