Posts in ‘សង្គម’ Category

សង្គ្រាមពាក្យសម្ដី បានផ្ទុះឡើងតាំងពីច្រើនសប្ដាហ៍មកហើយ ជុំវិញសកម្មភាពរបស់បុរស​ ជាអ្នកសារព័ត៌មាន​ម្នាក់ ដាក់រហស្សនាម «K01» និងគ្នីគ្នា ដែលបានដើរដាក់គោលដៅ ដើម្បីធ្វើការចាប់ឃាត់យានយន្ដ ដែលមិនបានគោរពច្បាប់ចរាចរណ៍ ឲ្យបានខ្ជាប់ខ្ជួន។ ការចុះឃាត់យានយន្ដនោះ ធ្វើឡើង​ក្រោមទម្រង់នៃការស្ម័គ្រចិត្ត និងមើលពីខាងក្រៅ ហាក់ដូចជាចង់បង្រៀន ទៅកាន់បណ្ដាជន ដែលប្រើប្រាស់ទ្រូងថ្នល់ ឲ្យយល់ដឹងពីការធ្វើចរាចរណ៍ និងច្បាប់ទម្លាប់។ សកម្មភាពនោះ ថែមទាំងត្រូវ​បាន​ថត​ផ្សាយ​បន្ត​ផ្ទាល់ ដាក់នៅលើបណ្ដាញសង្គម នោះផងទៀត។

ប៉ុន្តែ...

បញ្ហានៅត្រង់ថា តើបុរស «K01» និងក្រុមគូកន មានភាពស្របច្បាប់ប៉ុណ្ណា ក្នុងការចុះចាប់ឃាត់យានយន្ដ និងធ្វើការអប់រំមហាជន ហើយរហូតដល់​ពេល​ខ្លះ បានប្រើប្រាស់នូវពាក្យសម្ដីមិនសមរម្យ ដូចជាពាក្យ «លោកឯងអត់ខួរ» «លោកឯងល្ងង់» ឬ​«លោក​ឯង​មិនចេះគិតពិចារណា»ជាដើមនោះ? ឬមួយ​បុរស «K01» [...]

ប្រជាពលរដ្ឋ​មួយរូប រស់នៅ​សង្កាត់​ដង្កោ ខណ្ឌដង្កោ លោក​ សុច សឿង បានដាក់​ពាក្យ​បណ្ដឹង នៅថ្ងៃទី១២ ខែមិថុនានេះ ប្តឹង​ប្រធានគណបក្សសម្ព័ន្ធ​ដើម្បី​ប្រជាធិបតេយ្យ លោក​ ខឹម វាសនា ទៅ​កាន់​តុលាការ និង​ខុទ្ទកាល័យ​ព្រះមហាក្សត្រ ពីបទ​ជេរប្រមាថ​ជា​សាធារណៈ (​ជេរ​ខ្មែរ​) ដើម្បី​សុំ​អន្តរាគមន៍​ពីអាជ្ញាធរ​​រដ្ឋាភិបាល​ ឲ្យទប់ស្កាត់​នូវសកម្មភាព​ របស់អ្នកនយោបាយរូបនេះ​។​

​ពាក្យបណ្តឹង ដែល​ដាក់​ទូលថ្វាយ​ព្រះមហាក្សត្រ និងដែលបានមក​ដល់ដៃ​អ្នកសារព័ត៌មាននៅថ្ងៃនេះ បាន​សរសេរថា៖ «​បុគ្គល ខឹម វាសនា នេះ​​ ជាច្រើន​លើក​ច្រើនសា​ ​នៅ​ស្ទើរ​គ្រប់​វេទិកា​ជួបជុំ​​របស់​ពួកគេ ​បុគ្គល​រូប​នេះ តែងតែ​ប្រើពាក្យ​ជេរប្រមាថ​ ពាសវាល​ពាសកាល​ ទៅលើ​ប្រជាជាតិ​ខ្មែរ ព្រះសង្ឃ រួមទាំង​​​ព្រះមហាក្សត្រ ជាក់​ស្តែង​ កាលពី​ថ្ងៃទី​១២ ខែកុម្ភៈ ឆ្នាំ​២០១៧ គេ​បាន​ជេរប្រមាថ​ជាតិខ្មែរ​ យ៉ាង​អសុរោះជាទីបំផុត»។

[...]

ទិដ្ឋភាព នៅក្នុងវីដេអូ (ដាក់ជូនជាព័ត៌មានខាងក្រោម តែវីដេអូនេះអាចប៉ះពាល់អារម្មណ៍) ដែលថតដោយកាម៉េរ៉ាសុវត្តិភាព នៅនឹងផ្លូវខ្វែង បានបង្កភាព​រន្ធត់​ណាស់! រឿងរ៉ាវ​បានកើតឡើង នៅក្នុងទីក្រុង «Zhumadian» ភាគខាងកើតប្រទេសចិន តាំងពីថ្ងៃទី២១ ខែមេសាកន្លងទៅ តែវីដេអូនៃព្រឹត្តិការណ៍ខាងលើ ទើប​នឹង​ត្រូវ​បាន​​យក​មក​បង្ហោះ នៅតាមបណ្ដាញសង្គមចិន «Webo» កាលពីពេលថ្មីៗនេះ ហើយបានបង្កើត ឲ្យមាន​ការខឹងសម្បារជាទូទៅមួយ ពីសំណាក់ប្រជាជនចិន។

ស្ត្រីម្នាក់បានឆ្លងថ្នល់ នៅលើគំនូសសសម្រាប់អ្នកថ្មើរជើង និងបានឈប់រេរាបន្តិច ដើម្បីរង់ចាំឲ្យរថយន្ដ​ជា​ច្រើន​(នៅខាងមុខនាង)​ទៅផុត។ ប៉ុន្តែរំពេចនោះ ស្ត្រីរូបនេះ​ត្រូវបានរថយន្ដតាស៊ី​មួយគ្រឿង បើកបរក្នុងទិសខាង​ក្រោម​ខ្នង​នាង បុកឲ្យដួលដេកនៅលើដី។ ក្នុងរយៈពេលនេះ ស្ត្រីរងគ្រោះទំនង​ជានៅដឹង​ខ្លួន​នៅឡើយ ប៉ុន្តែ​មិន​អាច​​ងើប​ឡើងវិញបាន (ក្នុងវីដេអូ គេឃើញនាង​បាន​សាកល្បងងើបឡើង​ពីដី)។

គណបក្សប្រឆាំងធំជាងគេ នៅក្នុងប្រទេសកម្ពុជា បានចេញសេចក្ដីអំពាវនាវមួយច្បាប់ នៅថ្ងៃនេះ ជូនទៅដល់បណ្ដាកម្មករ-និយោជិត ឲ្យចេញទៅបោះឆ្នោត ក្នុងថ្ងៃបោះឆ្នោតក្រុមប្រឹក្សាឃុំសង្កាត់ ដែលនឹងប្រព្រឹត្តិទៅថ្ងៃអាទិត្យ ទី៤ ខែមិថុនា ប៉ុន្មានថ្ងៃខាងមុខនេះ។

នៅក្នុងលិខិត ដែលបាបធ្លាក់ មកដល់ដៃអ្នកសារព័ត៌មាន នៅប៉ុន្មាននាទីមុននេះ គណបក្សសង្គ្រោះជាតិ បានសរសេរផ្ដល់ក្ដីសង្ឃឹម លើការបោះបង់«ពេលវេលា ថវិកា និងស្មារតីរបស់បងប្អូន កម្មករ កម្មការិនី នយោជិតទាំងអស់ ក្នុងការជន្នះទៅបោះឆ្នោត នៅតាមទីកន្លែង ដែលបងប្អូនបានទៅចុះឈ្មោះបោះឆ្នោត ក្នុងពេលកន្លងមក ទោះនៅឆ្ងាយក្ដី ជិតក្ដី» និងទោះជានយោជក «មិនអនុញ្ញាតច្បាប់​​ឈប់សម្រាក​គ្រប់គ្រាន់ សម្រាប់បងប្អូន ទៅបោះឆ្នោតក៏ដោយ»។

សេចក្ដីអំពាវនាវ ដែលមានចុះហត្ថលេខា ដោយលោក កឹម សុខា ប្រធានគណបក្ស បានហៅការបោះឆ្នោត ក្រុមប្រឹក្សាឃុំសង្កាត់ អាណត្តិទី៤នេះ [...]

ប្រិយមិត្តខ្លះបានលើកឡើងថា សកម្មភាពច្រូងច្រាង របស់មន្ត្រីអន្ទ្រើសៗទាំងនោះ ជាការ«យកមុខ» នៅចំពោះមុខ«មេ»។ «យកមុខ» ឬសរសេរឲ្យពេញ «យកមុខមាត់» ព្រោះមន្ត្រីទាំងនោះ បង្ហាញសកម្មភាព តែនៅពេលមានព្រឹត្តិការណ៍សំខាន់ ដូចជាការឃោសនាបោះឆ្នោត នេះតែប៉ុណ្ណោះ ខណៈក្នុងកិច្ចការរាជការជារៀងរាល់ថ្ងៃ នៅក្នុងក្រសួងវិញ មន្ត្រីយកមុខទាំងនោះ «មិនដែលដឹងក្ដៅត្រជាក់» ជាមួយនរណាម្នាក់ឡើយ។

ការលើកឡើងខាងលើ ត្រូវបានធ្វើឡើង ​​នៅខាង​ក្រោម​ការបង្ហោះ​សារ​ខ្លីមួយ នៅមុននេះបន្តិច ពីសំណាក់រដ្ឋមន្ត្រី​ក្រសួង​ព័ត៌មាន លោក ខៀវ កាញារីទ្ធ ដែលបានរិះគន់«អ្នកខ្លះ» ថាបានបង្ហាញ​សកម្មភាព​ផ្សេង ខុសពី​សកម្មភាព​ជាប្រចាំ នៅក្នុង​ក្រសួងមន្ទីរ ដែល«អ្នកខ្លះ»នោះ កំពុងបម្រើការទៅវិញ។ លោករដ្ឋមន្ត្រី បានសរសេរថា៖ «ឃើញអ្នកខ្លះចុះមូលដ្ឋាន [បង្ហាញពីសកម្មភាព]រាក់ទាក់ ខ្វល់ខ្វាយសុខទុក្ខប្រជាជនណាស់ តែនៅក្នុងក្រសួង [អ្នកខ្លះនោះ]មិនដែលដឹងក្តៅត្រជាក់ [...]