ថាច់ សេដ្ឋា ថាបាតុកម្មប្រឆាំងយួន ត្រូវបានអាជ្ញាធរកម្ពុជាគាំទ្រ (vdo)
ចាប់តាំងពីដើមឆ្នាំ២០១៤មក គេតែងសង្កេតឃើញថា នៅពេលណាមានបាតុកម្ម ពេលនោះរដ្ឋាភិបាលកម្ពុជា តែងតែប្រើប្រាស់កម្លាំងសន្តិសុខ ចាប់ពីថ្នាក់ខណ្ឌស្រុក រហូតដល់ថ្នាក់ជាតិ មករារាំង និងមកបង្ក្រាបជាដើម។ ប៉ុន្តែសម្រាប់ប្រធានសហគមន៍ខ្មែរកម្ពុជាក្រោម លោក ថាច់ សេដ្ឋា បានធ្វើការអបអចំពោះសកម្មភាពចូលរួម និងគាំទ្ររបស់រដ្ឋាភិបាល គ្រប់ជាន់ថ្នាក់ ដល់ការធ្វើបាតុកម្មក្នុងរយៈពេល៥ថ្ងៃ ជាប់ៗគ្នាកន្លងទៅនេះ។ លោកបាននិយាយថា ក្នុងនាមលោកអ្នកដឹកនាំបាតុកម្មនេះ លោកមានមោទនភាព នឹងទទួលបាន នូវលទ្ធផលធំធេងនោះគឺ «ការប្រឆាំងនឹងស្ថានទូតវៀតណាម បានជោគជ័យ។ បើកន្លងមកគ្មានប្រទេសណាមួយ ហ៊ានប្រឆាំងនោះ។»
លោកបានបន្ថែមថា ជោគជ័យមួយទៀត គឺលោកសង្កេតឃើញថា មានការគាំទ្រពីប្រធានរដ្ឋសភា ពីរដ្ឋាភិបាល ពីសាលារាជធានីភ្នំពេញ ក៏ដូចជាពីអាជ្ញាធរមូលដ្ឋាននានា [...]