ថាច់ សេដ្ឋា ថា​បាតុកម្ម​ប្រឆាំង​យួន ត្រូវ​បាន​អាជ្ញាធរ​កម្ពុជា​គាំទ្រ (vdo)

ការធ្វើបាតុកម្ម ប្រឆាំងស្ថានទូតវៀតណាម ក្នុងរឿងទឹកដីខ្មែរកម្ពុជាក្រោម ក្នុងរយៈពេល​ប្រាំ​ថ្ងៃបន្តបន្ទាប់គ្នានេះ បើទោះ​ជា​គ្មានលទ្ធផល ឬការឆ្លើយតបពីស្ថានទូតវៀតណាមយ៉ាងណាក្តី តែលទ្ធផល​ដែលជាភាពមោទនៈ គឺការចូលរួមរបស់​រដ្ឋាភិបាល​កម្ពុជា។ នេះ​ជា​ការ​ថ្លែង​របស់លោក ថាច់ សេដ្ឋា ប្រធានសហគមន៍ខ្មែរកម្ពុជាក្រោម នៅមុនការបំបែកការជួបជុំ នៅមុខស្ថានទូតវៀតណាម កាលពីថ្ងៃទី៨ ខែតុលា ឆ្នាំ២០១៤ម្សិលម៉ិញ។
Loading...
  • ដោយ: អ៊ុម វ៉ារី ដោយ អ៊ុម វ៉ារី (ទាក់ទង៖ [email protected]) - ភ្នំពេញ ថ្ងៃទី០៩ តុលា ២០១៤
  • កែប្រែចុងក្រោយ: October 09, 2014
  • ប្រធានបទ: បាតុកម្មប្រឆាំងវៀតណាម
  • អត្ថបទ: មានបញ្ហា?
  • មតិ-យោបល់

ចាប់តាំងពីដើមឆ្នាំ២០១៤មក គេ​តែង​សង្កេត​ឃើញ​ថា នៅ​ពេល​ណា​មាន​បាតុកម្ម ពេល​នោះ​រដ្ឋាភិបាល​កម្ពុជា តែង​តែ​ប្រើប្រាស់​កម្លាំង​សន្តិសុខ ចាប់​ពី​​ថ្នាក់​ខណ្ឌ​ស្រុក រហូត​ដល់​ថ្នាក់​ជាតិ មក​រារាំង និង​មក​បង្ក្រាប​ជា​ដើម។ ប៉ុន្តែ​សម្រាប់​ប្រធាន​សហគមន៍​ខ្មែរ​កម្ពុជា​ក្រោម លោក ថាច់ សេដ្ឋា បាន​ធ្វើការ​អបអ​ចំពោះ​សកម្មភាពចូលរួម និង​គាំទ្រ​របស់​រដ្ឋាភិបាល គ្រប់​ជាន់​ថ្នាក់​ ដល់​ការ​ធ្វើ​បាតុកម្ម​ក្នុង​រយៈពេល​៥ថ្ងៃ ជាប់ៗ​គ្នា​កន្លង​ទៅ​នេះ។ លោក​បាន​និយាយ​ថា ក្នុង​នាម​លោក​អ្នក​ដឹកនាំ​បាតុកម្ម​នេះ លោក​មាន​មោទនភាព នឹង​ទទួល​បាន នូវ​លទ្ធផល​ធំធេង​នោះ​គឺ «ការ​ប្រឆាំង​នឹង​ស្ថានទូត​វៀតណាម បាន​ជោគជ័យ។ បើ​កន្លង​មក​គ្មាន​ប្រទេស​ណា​មួយ ហ៊ាន​ប្រឆាំង​នោះ។»

លោកបានបន្ថែមថា ជោគជ័យមួយទៀត គឺលោកសង្កេតឃើញថា មានការគាំទ្រពីប្រធានរដ្ឋសភា ពី​រដ្ឋាភិបាល ពីសាលារាជធានីភ្នំពេញ ក៏ដូចជាពីអាជ្ញាធរមូលដ្ឋាននានា តាមរយៈការមិនហាមឃាត់ ឬរារាំង ក្នុងការដង្ហែរក្បួនបាតុកម្មនេះ។ លោកបញ្ជាក់ថា ព្រោះតែថ្នាក់ដឹកនាំគិតថា ទាំងនេះជាបញ្ហារបស់ជាតិ និង​ប្រជាពលរដ្ឋខ្មែរទាំងមូល មិនមែនបញ្ហាបុគ្គល ឬគណបក្សនយោបាយណាមួយឡើយ។

លោកបន្ថែមថា ទោះបើគ្មានចម្លើយអ្វីឆ្លើយតប ពីរដ្ឋាភិបាលវៀតណាមក៏ដោយ តែលទ្ធផលដែលបាន​កើត​ចេញ​ក្រោយពីការធ្វើបាតុកម្មនេះ ក៏បានបង្ហាញទៅដល់មតិជាតិ និងអន្តរជាតិ ពីសេសពីបណ្តាប្រជា​ពលរដ្ឋ​រួមឈាមខ្មែរថា វៀតណាមបានបាននឹងកំពុងបន្តចិញ្ចឹមចិត្ត លេបត្របាក់យកទឹកដីនៃប្រទេសកម្ពុជានោះ។

យ៉ាងណាក៏ដោយមកទល់នឹងពេលនេះ នៅមិនទាន់មានការបកស្រាយ បញ្ជាក់ពីបញ្ហាទំនាក់ទំនងការទូត​ចំពោះបញ្ហាខាងលើ រវាងរដ្ឋាភិបាលកម្ពុជា និងរដ្ឋាភិបាលវៀតណាម ពីមន្រ្តីឬថ្នាក់ដឹកនាំរបស់កម្ពុជា​នៅ​ឡើយ។

មេដឹកនាំបាតុករ លោក ថាច់ សេដ្ឋា បានបន្ថែមជាចុងក្រោយថា បើទោះលោកស្ថិតក្នុងការកម្រាមកំហែង ដល់​អាយុជីវិត ពីជនមិនស្គាល់មុខក៏ដោយ លោកនៅតែបន្តឆន្ទះ និងជំហរ ក្នុងការស្វែងរកយុត្តិសាសន៍​បែប​អហិង្សា ក្នុងការបង្ខំឲ្យប្រទេសវៀតណាម សុំទោសជាដាច់ខាត ដែលបានប្រមាថមើលងាយ​ដល់​ប្រវត្តិសាស្រ្ត​របស់ប្រជាជនកម្ពុជា៕

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...