បាល់ទាត់ពិភពលោក២០១៤៖ អូស្ត្រាលី អ៊ីរ៉ង់ និងកូរ៉េខាងត្បូង បានកៅអីទៅប្រេស៊ីល
កៅអីរបស់ក្រុមបាល់ទាត់អាស៊ីទាំង៣ និងអូសេអានី មួយ ដែលត្រូវធ្វើដំណើរទៅប្រកួត បាល់ទាត់ពិភពលោកឆ្នាំ២០១៤ (2014 World Cup) នៅក្នុងប្រទេសប្រេស៊ីលនោះ បានរកឃើញម្ចាស់ជាផ្លូវការហើយ ពោលគឺមានក្រុមស៊ាំរៃខៀវជប៉ុន, អូស្ត្រាលី, អ៊ីរ៉ង់ និងក្រុមជម្រើសជាតិកូរ៉េខាងត្បូង។
ក្រុមកីឡាករបាល់ទាត់ជម្រើសជាតិអៀរ៉ង់ សប្បាយរីករាយ នៅពេលដឹងថាខ្លួនមានកៅអីឡើងទៅប្រេស៊ីល។
ក្រុមជម្រើសជាតិអូស្ត្រាលី បានទទួលកៅអីទៅលេងបាល់ទាត់ពិភពលោករបស់ខ្លួនជាលើកទី៣ បន្ទាប់យកឈ្នះ ១-០ លើក្រុមអ៊ីរ៉ាក់ ក្នុងទីក្រុងស៊ីដនី (Sydney) កាលពីយប់មិញ ហើយបានបញ្ចប់ដោយឈរចំណាត់ថ្នាក់លេខ២ ក្នុងពូលបន្ទាប់ពីជប៉ុន។
រីឯក្រុមអ៊ៀរ៉ង់ បានយកឈ្នះក្រុមកូរ៉េខាងត្បូង ១-០ ហើយទទួលបានចំណាត់ថ្នាក់លេខ១ ក្នុងពូល។ [...]
