Posts in ‘សម្រាំងកីឡា’ Category

ក្រុមជម្រើសជាតិ ដែលធ្លាក់ដល់ចំណាត់ថ្នាក់លេខបួន នៅក្នុងវគ្គជម្រុះ បានវេចខ្ចប់ខោអាវរបស់ខ្លួន ​ត្រឡប់​ទៅ​ស្រុក​វិញ។ ក្រុមបាល់ទាត់ដ៏អភ័ពនោះ មានក្រុមជម្រើសជាតិ​មកពីប្រទេស រ៉ូម៉ានី រ៉ូស្ស៊ី អ៊ុយក្រែន ឆេក ស៊ុយអែដ និងប្រទេសអូទ្រីស៍។ ចំណែក្រុមជម្រើសជាតិ នៅជាប់លេខបីនៅក្នុងពូល សុទ្ធតែបានឡើង​ទៅ​ទាត់ នៅវគ្គ១ភាគ៨ផ្ដាច់ព្រ័ត្រទាំងអស់ លើកលែងតែក្រុមអាល់បានីមួយប៉ុណ្ណោះ ដែលទទួលពិន្ទុ និងរក​គ្រាប់​បាល់ បាន​តិច​ជាង​គេ (រកបានបីពិន្ទុ ដូច ទួរគី និងអៀរឡង់ខាងជើង តែរកគ្រាប់បាល់ បានតិចជាងក្រុមទាំងពីរ)។

ចំណែកឯក្រុមដែលជាប់ឡើងមកទាត់ នៅវគ្គ១ភាគ៨ផ្ដាច់ព្រ័ត្រ មានដូចតទៅ៖

ហើយខាងក្រោមនេះ ជាកាលវិភាគនៃការជួប្រកួត រវាងក្រុមទាំង១៦ (ថ្ងៃព្រហស្បត្តិ៍ទី២៣ ថ្ងៃសុក្រទី២៤ ខែ​មិថុនា ឆ្នាំ២០១៦ ជាថ្ងៃសម្រាក [...]

តាមពិតទៅ ការប្រកួតនៅក្នុងពាក់កណ្ដាលម៉ោងដំបូង បានផ្អៀងទៅរកក្រុមជម្រើសជាតិ វៀល្ស៍ (Wales - ជា​អាណាចក្រមួយ ស្ថិតនៅភាគខាងលិច ក្នុងចក្រភពអង់គ្លេស តែមានប្រព័ន្ធកីឡា ឯករាជ្យ​ដោយ​ខ្លួន​ពី​អង់គ្លេស) ហើយកីឡាករ «Gareth Bale» ដ៏ល្បីឈ្មោះ ដែលកំពុងទាត់ឲ្យក្រុម «Real Madrid» សព្វថ្ងៃ បាន​រក​គ្រាប់​បាល់​ពិន័យ ទាត់ពីចំងាយ នៅនាទីទី៤២ ឲ្យដល់ក្រុមខ្លួនបានមួយគ្រាប់ នាំមុខក្រុមអង់គ្លេសនោះផង។

ប៉ុន្តែនៅពាក់កណ្ដាលម៉ោងទីពីរ ក្រុមអង់គ្លេសបានត្រឡប់ចូល មកក្នុងការប្រកួតវិញ ដោយបើកការ​ប្រយុទ្ធ​យ៉ាង​សន្ធាប់ ទៅលើក្រុម វៀល្ស៍ រហូតដល់នាទីទី៥៦ កីឡាករ «Vardy» របស់អង់គ្លេស បានរកបានមួយគ្រាប់ យក​ស្មើជា​មួយក្រុមប្អូន របស់ខ្លួនបានវិញ។ គ្រាប់បាល់នេះ បានរងការរិះគន់ថា ជាគ្រាប់បាល់«ចង់មុង» របស់​កីឡាករ «Vardy» ដែលទើបនឹងចូល ទៅជំនួសកីឡាករ «Kane» នៅនាទីទី៤៦។

ការប្រកួតនៅបន្ត ហើយក្រុមវៀល្ស៍ [...]

យប់ថ្ងៃពុធទី១៥ ខែមិថុនានេះ ជារាត្រីដ៏សប្បាយរីករាយ សម្រាប់បណ្ដាជនអ្នកគាំទ្រ ក្រុមជម្រើសជាតិបារាំង បន្ទាប់ពីក្រុមនេះបានឈ្នះក្រុមអាល់បានី ពីរទល់នឹងសូន្យ ហើយទទួលបាន៦ពិន្ទុ ឡើងទៅឈរនៅលើគេ នៃតារាងពូល A។ ការប្រកួតនេះ បានប្រព្រឹត្តិទៅនៅកីឡាដ្ឋាន «Velodrome» នៃក្រុងម៉ារសីយ៍ (Marseille) ភាគ​ខាង​ត្បូង​ប្រទេសបារាំង។

បើនិយាយពីការប្រកួត តាំងពីនាទីទីមួយ រហូតដល់ចុងបញ្ចប់ ក្រុមបារាំងរកមិនឃើញចន្លោះច្រើនប៉ុន្មាន សម្រាប់​ផ្ដួលក្រុមអាល់បានីឡើយ បើទោះជាខ្លួនមានឱកាស រួម​ជា​មួយ​នឹងកីឡាករល្បីៗ ចំណានៗច្រើន​នាក់​ក៏​ដោយ។ បណ្ដាជនបារាំងត្រូវរង់ចាំរហូតដល់ចុងបញ្ចប់ នៃ​ការ​ប្រកួត ទើបកីឡាករ «Griezmann» បាន​ប្រើ​ក្បាល ទទួលបាល់ពីកីឡាករ «Payet» បុកបញ្ជូន​បញ្ចូលទី​របស់​ក្រុម​អាល់បានី នៅនាទីទី៩០។

នៅ៦នាទីក្រោយ គឺនៅនាទីទី៩៦ (ក្នុងម៉ោងបន្ថែម) កីឡាករ «Payet» បានបណ្ដើរបាល់បញ្ឆោត​ខ្សែការពារ​អាល់បានី [...]

ជំនួបប្រកួត រវាងក្រុមជម្រើសជាតិ រ៉ូមានី និងក្រុមស្វីស បានប្រព្រឹត្តិទៅ នៅក្នុងកីឡាដ្ឋាន «Parc des Princes» នៃរដ្ឋធានីប៉ារីស។

ក្រុមរ៉ូមានី​បានរកគ្រាប់បាល់​បានមុន នៅនាទីទី១៩ ដោយកីឡាកររ៉ូមានី «Stancu» ដែលបានទាត់បាល់ពិន័យ ១១ម៉ែត្រ បន្ទាប់ពីអាជ្ញាកណ្ដាល បានផ្លុំកញ្ចែរពិន័យកីឡាករស្វីស «Lichtsteiner» ដែលបាន​ទាញ​អាវ​កីឡាករ​រ៉ូមានី នៅលើតំបន់គ្រោះថ្នាក់។ លុះមកដល់នាទីទី ៥៩ ក្នុងពាក់កណ្ដាលម៉ោងទីពីរ ក្រុមស្វីស រកបាន​មួយ​គ្រាប់​មក​វិញ ជាមួយនឹងការ​ទាត់​ផ្កាប់​ចាន របស់កីឡាករ «Mehmedi»។

លទ្ធផលជាបណ្ដោះអាសន្ន ក្រុមស្វីសពេលនេះ ទទួលបាន៤ពិន្ទុ ឡើងមកនាំមុខគេ នៅក្នុងពូល បារាំង​បាន​បី​ពិន្ទុ ក្រុមរ៉ូមានីបានមួយពិន្ទុ រីឯក្រុមអាល់បានី បានសូន្យពិន្ទុ។ តែគេត្រូវនៅរង់ចាំ​ការប្រកួតរវាងក្រមបារាំង និង​អាល់បានី​មួយ​ទៀត នាយប់នេះ មុននឹងលទ្ធផលក្នុងជុំទីពីរ នៃវគ្គជម្រុះ សម្រាប់ពូល A [...]

មិនជាស្រួលអ្វីសោះ សម្រាប់ក្រុមជម្រើសជាតិរ៉ូស្ស៊ី ដែលទទួលបានលទ្ធផលលើកមុន ស្មើជាមួយ​ក្រុម​អង់គ្លេស នៅថ្ងៃពុធទី១៥ ខែមិថុនានេះ ក្រុមបាល់ទាត់របស់ប្រទេសមហាអំណាច បានចាប់​ផ្ដើមការ​ប្រកួត​ដំបូង នៃជុំទីពីរ ក្នុងវគ្គជម្រុះ ជាមួយក្រុមស្លូវាគី ដោយចាញ់ក្រុមនេះ ក្នុងពិន្ទុ១ទល់នឹង២។ ការប្រកួតនេះ បាន​ប្រព្រឹត្តិ​ទៅ នៅក្នុងកីឡាដ្ឋាន «Pierre-Mauroy» នៃក្រុង «Lille» ភាគខាងជើងប្រទេសបារាំង។

មិនត្រឹមតែប៉ុណ្ណឹងទេ តែក្រុមជម្រើសជាតិរ៉ូស្ស៊ី បានរងការគម្រាមពីសំណាក់ សហព័ន្ធបាល់ទាត់អ៊ឺរ៉ុប ថានឹង​បណ្ដេញចេញពីការប្រកួតជាស្ថាពរ ប្រសិនបើក្រុមអ្នកគាំទ្រជាតិរ៉ូស្ស៊ីរបស់ខ្លួន បង្កអំពើហិង្សាជាថ្មីទៀត បន្ទាប់​ពី​ហេតុការណ៍ហិង្សា បានកើតឡើងនៅក្រុងម៉ារសីយ៍ កាលពីចុងសប្ដាហ៍មុន បង្កឲ្យមានមនុស្ស​របួស​ជា​ច្រើន​នាក់។

ចំពោះការប្រកួតជាមួយក្រុម ស្លូវាគី នេះទៀតសោធ ខ្សែការពាររបស់រ៉ូស្ស៊ី ហាក់ដូចជាមានភាពផុយស្រួយ [...]