Posts in ‘សម្រាំងកីឡា’ Category

តារាបាល់ទាត់ពិភពលោក និងជាម្ចាស់បាល់មាសប្រាំជំនាន់ លីយ៉ូនែល ម៉េស៊ី (Lionel Messi ) បានសម្រេច​ចិត្ត​ចាក​ចេញ ពីអាជីពបាល់ទាត់របស់ខ្លួន ពីក្រុមជម្រើសជាតិអាហ្សង់ទីន បន្ទាប់ពីក្រុមអាហ្សង់ទីន បាន​បរាជ័យ​​នៅក្នុងការប្រកួតផ្ដាច់ព្រ័ត្រ កាលពីយប់ថ្ងៃអាទិត្យ ជាមួយនឹងក្រុមឈីលី ដើម្បីដណ្ដើមជើងឯក «Copa America» ឆ្នាំ២០១៦។ ក្រុមអាហ្សង់ទីន បានប្រកួតស្មើរ ជាមួយនឹងក្រុមឈីលី រហូតដល់​ចុង​បញ្ចប់​ម៉ោង​​បន្ថែម (០-០) តែបានចាញ់ក្រុមនេះ នៅក្នុងការទាត់បាល់១១ម៉ែត្រ យកចាញ់ឈ្នះ៥គ្រាប់ម្ខាង (ក្រុម​អាហ្សង់ទីន​​បាន​​ពីរ​គ្រាប់ ខណៈក្រុមឈីលី បានបួនគ្រាប់)។

លីយ៉ូនែល បានថ្លែងទៅកាន់អ្នកសារព័ត៌មានថា៖ «ចប់ហើយ សម្រាប់ខ្ញុំនៅក្នុងក្រុមជម្រើសជាតិ។ ជាការ​ប្រកួត​ផ្ដាច់ព្រ័ត្រលើកទីបួនហើយ ដែលខ្ញុំបានបរាជ័យ ហើយបរាជ័យ បីដងជាប់គ្នាទៀត។» បរាជ័យ​បី​ដង​ជាប់​គ្នា​នេះ គឺកីឡាករចង់សំដៅ ទៅការប្រកួតដណ្ដើម​ជើងឯកពិភពលោក [...]

នៅយប់ថ្ងៃអាទិត្យម្សិលម៉ិញ នៅចំពោះក្រុមហុងគ្រី ដែលគេអាចចាត់ទុកថា ជាក្រុមគ្រាន់បើដែរនោះ ក្រុម​កីឡាករ​​ជម្រើសជាតិប៊ែលហ្សិក ដែលមានរហស្សនាម តាមនិមិត្តសញ្ញារបស់ខ្លួន ជា«បីសាចក្រហម» បាន​ប្រមូល​គ្នា​ងើប​ពីថាននរក ចេញមកតថ្លៃ​ពេញព្រះរាជាណាចក្រ (ប៊ែលហ្សិក) ដោយបាន​បង្ក្រាប​ក្រុម​មួយ​នេះ ងើប​​មុខ​​មើល​​មេឃ​​លែង​រួច ក្នុងពិន្ទុ៤ទល់នឹងសូន្យ។

បើនិយាយរំលឹកឡើងវិញ គឺតាំងពីច្រើនខែកន្លងមក ដែលក្រុមជម្រើសជាតិប៊ែលហ្សិក ឬក្រុម«បីសាចក្រហម» តែងទទួលបាន​ការកោតសរសើរ មិនដាច់សូរ ពីសំណាក់ប្រព័ន្ធផ្សព្វផ្សាយ និងពីបណ្ដាអ្នកប្រើប្រាស់​បណ្ដាញ​សង្គម នៅ​ប៊ែលហ្សិក ដោយពួកគេយោងទៅលើចំណាត់ថ្នាក់ដ៏កំពូល របស់ក្រុមនេះ នៅក្នុងតារាងចាត់​ចំណាត់​ថ្នាក់ របស់​សហព័ន្ធ​បាល់ទាត់ពិភពលោក (FIFA)។

បើគ្មានការទប់​-ទះ-ច្រានបាល់ចេញ ពីសំណាក់អ្នកចាំទីជាតិស្លូវាគី ឬការទាត់បាល់មិនចំគោលដៅល្អ ពី​សំណាក់​កីឡាករអាល្លឺម៉ង់មួយចំនួនទេនោះ ក្រុមស្លូវាគីប្រាកដជាត្រឡប់ទៅផ្ទះវិញ ជាមួយនឹងពិន្ទុចាញ់ យ៉ាង​ហោច ៥ទល់នឹងសូន្យ។

និយាយឲ្យខ្លី ឡើងមកដល់វគ្គ១ភាគ៨ផ្ដាច់ព្រ័ត្រនេះ ក្រុមណាក៏ដូចក្រុមណាដែរ សុទ្ធតែមានគំនិតថា «បើ​ឯង​មិនចាញ់ គឺមានតែអញទេ ដែលចាញ់ ហើយចេញត្រឡប់ទៅផ្ទះវិញ»។ ជាពិសេសទៅទៀត ដូចជា​ក្រុម​ជម្រើស​ជាតិ​អាល្លឺម៉ង់ ដែលជាម្ចាស់ជើងឯក​ពិភពលោក ឆ្នាំ២០១៤មួយនេះ ប្រាកដជាមិនទុក​ឲ្យខ្លួន​ឯង​«ចាញ់» ហើយ​«ហាល​អាវ»​ត្រឡប់ទៅផ្ទះវិញ និងមិនទុកឲ្យស្រមោល នៃការប្រកួតចាញ់របស់ខ្លួន កាលពី​មួយ​ខែ​មុន (ជា​ការប្រកួតសាកល្បងកម្លាំង មុនចូលមកអ៊ឺរ៉ូ២៩១៦) ត្រឡប់មកវិញ​នៅក្នុងថ្ងៃនេះឡើយ។

គ្រាន់តែចាប់ផ្ដើមប្រកួតភ្លាម ក្រុមអាល្លឺម៉ង់បានវាយលុក និងរកគ្រាប់បាល់បាន តាំងពីនាទីទី៨ ដោយថ្វីជើងរបស់​កីឡាករ​ខ្សែ​ការពារ ឈ្មោះ [...]

៥នាទីធ្វើឲ្យប្រជាជាតិមួយយំ និងមួយទៀតសើច។ នេះហើយ ដែលគេហៅថា បាល់ទាត់!!!

នៅក្នុងរយៈពេល ត្រឹមតែ៥នាទីប៉ុណ្ណោះ កីឡាករ អង់ទ័ន គ្រីស្មាន់ (Antoine Griezmann) បានរក​គ្រាប់​បាល់​ឲ្យ ក្រុមជម្រើស​ជាតិរបស់ខ្លួន បានដល់ទៅពីរគ្រាប់។ គ្រាប់ទីមួយ ដោយប្រើក្បាលបុកបញ្ចូលទី (នាទី​ទី​៥៧) បន្ទាប់ពីទទួលបាល់បាន ពីស្លាបបម្រើខាងស្ដាំ និងគ្រាប់ទីពីរ ដោយទាន់បញ្ឆិតជើង (នាទីទី៦១) បន្ទាប់​ពី​ទទួល​បាល់​បាន ពីខ្សែប្រយុទ្ធដូចគ្នា។

ការប្រកួតរ​វាងប្រទេសបារាំង និងប្រទេសអៀរឡង់ បានប្រព្រឹត្តិទៅ កាលពីរសៀលថ្ងៃអាទិត្យនេះ នៅក្នុង​កីឡាដ្ឋាន​ដ៏ធំ នៃទីក្រុងលីយ៉ុង ប្រទេសបារាំង។ នៅពាក់កណ្ដាលម៉ោងដំបូង ប្រទេសបារាំងទាំងមូល​ភ័យ បុក​ពោះ​មិនស្ទើរឡើយ ដោយសារក្រុមអៀរឡង់ បាននាំមុខមួយគ្រាប់មុន តាំងពីនាទីទី២ ដោយ​សារ​កីឡាករ​ខ្សែ​បម្រើ​បារាំង «Paul Pogba» បានប្រព្រឹត្តិកំហុស នៅមុខទីខ្លួនឯង។

ប៉ុន្តែនៅទីបំផុតនៃការប្រកួត ដែលបានបន្ថែមម៉ោង ១៥+១៥នាទី និងរហូតដល់ទាត់បាល់១១ម៉ែត្រ ៥+៥គ្រាប់ ដើម្បីសម្រេចចាញ់ឈ្នះគ្នានោះ ក្រុមជម្រើសជាតិស្វីស បានចាញ់ដោយកីឡាកររបស់ខ្លួនម្នាក់ ទាត់បាល់​កាត់​សេចក្ដី១១ម៉ែត្រនេះ មិនចូលទីមួយគ្រាប់។

ហើយវាក៏ជាក្ដីសោកសៅ របស់កីឡាករស្វីសដ៏ចំណាន ឈ្មោះ ស្សាគីរី (Shaqiri) ដែលខិតខំដណ្ដើម និង​បម្រើ​បាល់ ទៅកាន់មិត្ររួមក្រុមរបស់ខ្លួន រហូតដល់កីឡាករខ្លួនឯង បានបញ្ចេញក្បាច់ ផ្ដួលខ្លួនទាត់បកក្រោយ រក​បាន​គ្រាប់បាល់មួយគ្រាប់ (នាទីទី៧៩) ឲ្យក្រុមរបស់ខ្លួនមានពិន្ទុស្មើ ជាមួយនឹងក្រុមប៉ូឡូញ ដែលរក​គ្រាប់​បាល់​បាន​មុន​នៅនាទីទី៣៩ ដោយកីឡាករ សូម៉េ (Sommer)។

គ្រាប់បាល់របស់ ស្សាគីរី ត្រូវបានអ្នកផងចាត់ទុក ថាជាគ្រាប់បាល់ដ៏អស្ចារ្យមួយ ក្នុងចំណោម​គ្រាប់​បាល់​អស្ចារ្យ​ផ្សេង​ទៀត នៃការប្រកួត អ៊ឺរ៉ូ២០១៦។ ក្ដីសុបិន្តរបស់បណ្ដាជនស្វីស បានបញ្ចប់នៅត្រឹម​វគ្គ១ភាគ៨​ផ្ដាច់​ព្រ័ត្រនេះ [...]