កាំជ្រួចកំទេច MH17៖ ហូឡង់ និងអូស្ត្រាលី គ្រោងប្ដឹង រ៉ូស្ស៊ី ទៅស្ថាប័នយុត្តិធម៌អន្តរជាតិ
ប្រទេសហូឡង់ និងអូស្ត្រាលី បានចេញមុខចោទប្រកាន់ប្រទេសរ៉ូស្ស៊ីជាចំហរ ថាជាអ្នកទទួលខុសត្រូវ ក្នុងការបាញ់កាំជ្រួច ប្រឆាំងយន្ដហោះ ប៊ូអីញ (Boeing 777) របស់ក្រុមហ៊ុនអាកាសចរណ៍ ម៉ាឡេស៊ីអ៊ែរឡាញ ដែលភ្ជាប់ជើងហោះហើរ លេខ «MH 17» កាលពីបួនឆ្នាំកន្លងទៅ។ មនុស្សទាំងអស់ រួមមាន អ្នកដំណើរ២៨៣នាក់ (ភាគច្រើនជាជនជាតិហូឡង់) និងអ្នកបម្រើការលើយន្ដហោះ ១៥នាក់ បានស្លាប់នៅក្នុងព្រឹត្តិការណ៍ ដ៏អាណោចអធមនេះ។
សេចក្ដីថ្លែងការណ៍មួយ ដែលចេញផ្សាយកាលពីល្ងាចថ្ងៃសុក្រ ដោយរដ្ឋាភិបាលហូឡង់ បានឲ្យដឹងថា ប្រទេសទាំងពីរ (ហូឡង់ និងអូស្ត្រាលី) បានចាត់ទុកប្រទេសរ៉ូស្ស៊ី គឺជាអ្នកទទួលខុសត្រូវ ជុំវិញការចូលរួមកំទេចយន្ដហោះ របស់ក្រុមហ៊ុន ម៉ាឡេស៊ីអ៊ែរឡាញ នៅលើទឹកដីអ៊ុយក្រែនភាគខាងកើត កាលពីឆ្នាំ២០១៤។
ការប្រកាសជំហរ របស់ប្រទេសទាំងពីរ នឹងបើកផ្លូវឲ្យពួកគេ អាចដាក់ពាក្យបណ្ដឹង ឬសំនុំរឿង បាញ់កាំជ្រួចកំទេចយន្ដហោះនេះ [...]
