បន្តឆែកឆេរផ្ទះ ថោង សារ៉ាត់ លើកទីបី ឃើញម៉ូតូជិះបិទគូថ?
ការឆែកឆេរផ្ទះលោក ថោង សារ៉ាត់ ជាថ្មី ជាមួយនឹងការរុករកភស្តុតាងនានា ដែលអាចមានការពាក់ព័ន្ធ ក្នុងសំណុំរឿង«ឃាតកម្ម»លើលោក អ៊ឹង ម៉េងជឺ នោះ ត្រូវបានដឹកនាំដោយលោក អាំង មារតី ប្រធានសាលាដំបូងរាជធានីភ្នំពេញ រួមជាមួយតំណាងអយ្យការលោក លី សុខលេង (ចៅក្រមស៊ើបសួរ) ដោយមានការសហការ ជាមួយនឹងកម្លាំងនគរបាលព្រហ្មទណ្ឌរាជធានីភ្នំពេញ។ ការឆែកឆេរបានធ្វើឡើង នាព្រឹកថ្ងៃទី១៨ ខែធ្នូ ឆ្នាំ២០១៤នេះ ក្នុងគេហដ្ឋានរបស់លោក ថោង សារ៉ាត់ នាសង្កាត់ចាក់អង្រែក្រោម ខណ្ឌមានជ័យ រាជធានីភ្នំពេញ។
ក្នុងប្រតិបត្តិការលើកទីបីនេះ ទស្សនាវដ្តីមនោរម្យ.អាំងហ្វូនៅមិនទាន់មានការបញ្ចាក់ណាមួយច្បាស់លាស់ ពីក្រុមប្រតិបត្តិការនៃការរុករកភស្តុតាងថ្មីនោះដែរ។ ទាំងប្រធានតុលាការ ទាំងតំណាងអយ្យការ សុទ្ធតែមិនអាចទំនាក់ទំនងសុំការអត្ថាធិបាយបាន។ [...]