Posts in ‘កម្ពុជា’ Category

អគ្គិភ័យ នៅសណ្ឋាគារឈូកទិព្វនេះ បានកើតឡើង កាលពីវេលាម៉ោង ២រសៀល ថ្ងៃទី២២ ខែមេសា ឆ្នាំ២០១៥ នៅតាម បណ្តោយផ្លូវ ៣៣៦ ខាងកើតផ្សារដើមគ ស្ថិតក្នុងសង្កាត់ផ្សារដើមគ ខណ្ឌទួលគោក រាជធានីភ្នំពេញ។ ហេតុការណ៍នេះ មិនមាននរណាម្នាក់ រងរបួសដល់ជីវិតនោះទេ។ ភ្លាមៗ នៅពេលកើតហេតុ ប្រធានផ្នែកគ្រប់គ្រង ក្នុងសណ្ឋាគារនេះ លោក លី កាំង បានរអ៊ូថា ឡានទឹកទាំងអស់ ដែលមកសង្គ្រោះ មិនបានធ្វើការឲ្យទាន់ សភាពការណ៍ បណ្តាល​ឲ្យ​សណ្ឋាគារ​របស់លោក រងការខូចខាតមួយចំនួន។

តែការលើកឡើង របស់លោក លី កាំង ត្រូវបានលោក ព្រំ យ៉ុន អ្នកទទួលខុសត្រូវ មួយរូបពីអង្គភាពពន្លត់អគ្គីភ័យ បដិសេធ។ មន្ត្រីរូបនេះ បានឆ្លើយតបថា ក្រុមបុគ្គលិករបស់លោក បានព្យាយាម អស់ពីលទ្ធភាព ដើម្បីសង្គ្រោះ ក្នុង​ហេតុ​ការណ៍​នេះ។ ប៉ុន្តែលោកបានបញ្ជាក់ថា មូលហេតុនៃកាយឺតយ៉ាវខ្លះៗ ក៏ព្រោះតែ កន្លែងដែលឆេះ មានទីតាំងខ្ពស់ រហូត​ដល់​ជាន់​ទី៧។ ហេតុ​នេះ ត្រូវការពេល តភ្ជាប់ទុយោរ សម្រាប់បាញ់ទឹក [...]

ក្នុងវេទិការ ជួបជាមួយនឹងសកម្មជន គណបក្សសង្គ្រោះជាតិ កាលពីថ្ងៃទី២១ ខែមេសា ម្សិលម៉ិញនេះ លោក មាជ សុវណ្ណារ៉ា បានធ្វើការប្តេជ្ញាចិត្តជាថ្មី បន្ទាប់ពីទទួលបានបទពិសោធ ក្នុងពន្ធគារ អស់រយៈពេលជិតប្រាំមួយខែ ក្រោម​បទ​ចោទ ពីការដឹកនាំការប្រើហិង្សា នៅស្ពាននាគ កាលពីថ្ងៃទី១៥ ខែកក្កដា ឆ្នាំ២០១៤ កន្លងមក។

កាលពីថ្ងៃទី១៣ ខែមេសា ឆ្នាំ២០១៥ សាលាដំបូងរាជធានីភ្នំពេញ បានដោះលែងលោកមាជ សុវណ្ណារ៉ា និងសកម្មជន​គណបក្សប្រឆាំង មួយចំនួនទៀត តាមការស្នើសុំរបស់មេធាវី និងស្របទៅតាមការធូរស្បើយ នៃភាពតានតឹង​ខាង​ផ្នែក​នយោបាយ។ សកម្មជនគណបក្សប្រឆាំងទាំងនោះ ត្រូវបានតុលាការសម្រេច ឲ្យដាក់ស្ថិតក្រោម ការត្រួតពិនិត្យ​តាម​ផ្លូវ​តុលាការ។

ប៉ុន្តែសម្រាប់លោក មាជ សុវណ្ណារ៉ា សកម្មជនគណបក្សសង្គ្រោះជាតិ ដែលទើបនឹង ត្រូវបានដោះលែងរូបនេះវិញ បាន​ចាត់ទុក ការសម្រេចរបស់តុលាការ ថាជាការ«គុកដាក់មនុស្ស តែដាក់ចិត្ត និងបញ្ញាមិនបានទេ»។ លោក [...]

ប្រទេសចិន រក្សានូវចំណងទាក់ទង ដោយរឹងមាំ ជាមួយប្រទេសកម្ពុជា ហើយត្រៀមខ្លួនរួចជាស្រេច ក្នុងការបង្កើតជា​សហគមន៍ នៃផលប្រយោជន៍ មួយឡើង សម្រាបវាសនា និងការទទួលខុសត្រូវរួម ជាមួយនឹងប្រទេសបងប្អូនជិតខាង តាមរង្វង់ផលប្រយោជន៍សេដ្ឋកិច្ច។ នេះជាការថ្លែងឡើង របស់លោក លី យ៉ានឆាវ អនុប្រធានាធិបតី នៃប្រទេសចិន នៅក្នុងជំនួប ជាមួយប្រធានគណបក្សហ្វុនស៊ីនប៉ិច ព្រះអង្គម្ចាស់ នរោត្ដម រណឬទ្ធិ កាលពីថ្ងៃអង្គារ ក្នុងរដ្ឋធានី ប៉េកាំង ដកស្រង់ដោយ សារព័ត៌មានផ្លូវការ «China News»។

នៅក្នុងជំនួបនោះដែរ មេដឹកនាំទាំងពីរ បានរំលឹកឡើងវិញ ពីការបន្ដទំនាក់ទំនងជាន់ខ្ពស់ ប្រកបដោយនិរន្តរភាព និង​កាន់តែស្រួចស្រាវ រវាងគណបក្សរាជានិយម ហ្វុនស៊ីនប៉ិច កម្ពុជា និងគណបក្សកុម្មុយនីសចិន។ សារព័ត៌មានចិន បាន​បន្តរាយការណ៍ទៀតថា ព្រះអង្គម្ចាស់ នរោត្ដម រណឬទ្ធិ វិញ បានមានបន្ទូលឆ្លើយតប នឹងលោកអនុប្រធានាធិបតីចិនវិញ ពីការគាំទ្រជានិច្ចជាកាស នូវទំនាក់ទំនង [...]

ក្រោយការសម្របសម្រួល ផ្នែកនយោបាយ និងការរៀបចំឡើងវិញ នូវ គ.ជ.ប ថ្មី ដែលផ្តល់ការជឿទុកចិត្ត ដល់​គណបក្ស​នយោបាយថា នឹងឯករាជ្យ មានតុល្យភាព ជាង គ.ជ.ប ចាស់នោះ បានញ៉ាំងឲ្យលោក ម៉ម សូណង់ដូ ប្រធាន​វិទ្យុ​សំបុក​ឃ្មុំ និងជាប្រធានសមាគមអ្នកប្រជាធិបតេយ្យ កាលពីថ្ងៃទី២០ ខែមេសា ម្សិលម៉ិញនេះ បានបើកកិច្ច​ប្រជុំ​ផ្ទៃ​ក្នុង ជា​បន្ទាន់​មួយ ដោយសម្រេចចិត្តបង្កើត នូវគណបក្សនយោបាយ និងឈរឈ្មោះ ជាប្រធានគណបក្សនោះ ឡើង​វិញ។ បើ​តាម​ប្រភព ដែល​ស្និតនឹងប្រធានវិទ្យុសម្បុកឃ្មុំមួយនេះ បានប្រាប់ទស្សនាវដ្តីមនោរម្យ.អាំងហ្វូ នាព្រឹកថ្ងៃទី២១ ខែ​មេសា​នេះ​ថា លោក ម៉ម សូណង់ដូ បានសម្រេចចិត្ត ចូលរួមប្រឡូក ក្នុងឆាកនយោបាយ ដើម្បីចូលរួមប្រកួតប្រជែង ការ​បោះ​ឆ្នោត នា​ឆ្នាំ​២០១៨ ខាងមុខនេះ។

ក្នុងលក្ខខ័ណ្ឌសុំមិនបញ្ចេញឈ្មោះ ប្រភពនោះ បានបន្តថា គណបក្សថ្មីរបស់លោក ម៉ម សូណង់ដូ ដែលនឹងត្រូវបង្កើតឡើងនោះ នឹងមានឈ្មោះថា [...]

ជាថ្មីម្ដងទៀត អ្នកភូមិប៉ោយប៉ែត ប្រមាណជាង៤០នាក់ បាននាំគ្នាធ្វើការតវ៉ា នៅព្រឹកថ្ងៃទី២០ ខែមេសា ឆ្នាំ២០១៥នេះ សុំ​អន្តរាគមន៍ ពីចៅសង្កាត់ប៉ោយប៉ែត ជុំវិញពាក្យបណ្ដឹង របស់មេភូមិរបស់ពួកគេ ដែលបានប្តឹងអ្នកភូមិ ពីបទបរិហារ​កេរ្តិ៍។ អ្នកភូមិទាំងនោះបានសម្ដែងការខឹងសម្បារថា ក្នុងនាមជាមេភូមិ មិនបានធ្វើតាមតួនាទី ជួយអ្នកភូមិរងគ្រោះទេ តែ​បែរ​ជា​ដាក់​ពាក្យ ប្តឹងអ្នកភូមិទៅវិញ។

ប្រជាពលរដ្ឋនៅក្នុងភូមិខាងលើ បានរៀបរាប់ ពីដំណើររឿង ដែលឈានទៅដល់ ការប្ដឹងផ្ដល់បរិហារកេរ្តិ៍នេះថា នៅ​ពេល​ដែលអ្នកភូមិមានរឿង កាលពីថ្ងៃទី១៩ ខែមេសា ឆ្នាំ២០១៥ មានមន្ត្រីរាជអាវុធហត្ថម្នាក់ បានជិះម៉ូតូទាំងស្រវឹង ទៅ​ទាត់​ធាក់យុវជនម្នាក់ឈ្នោះ ដូច អាយុប្រមាណជា១៩ឆ្នាំ ឲ្យមានរបួស ដោយគ្មានមូលហេតុ។ ភ្លាមៗ នៅពេលមាន​ហេតុ​ការណ៍នេះ ប្រធានក្រុមនៅក្នុងភូមិ លោក ជិន ខ្លី បានប្រាប់ឲ្យដឹងថា លោកបានទូរស័ព្ទ ទៅសុំការអន្តរាគមន៍ជាបន្ទាន់ ពីមេភូមិប៉ោយប៉ែត [...]