Posts in ‘ជុំវិញកំសាន្ដ’ Category

តើរូបថតនេះ (រូបថតពេញ នៅខាងក្រោម) ពិតជារូបថត របស់កញ្ញា សាសា ហៅ ឯក សុជាតា មែនឬ? គណនី​ហ្វេសប៊ុកមួយ របស់យុវជន អូន វណ្ណសាក់ (Oun Vansak) ដែលគេធ្លាប់ស្គាល់ថា ជាយុវជនសកម្មក្នុង​ការងារ​សង្គមនោះ បានយករូប​នេះ​មក​ផ្សាយ នៅលើជញ្ជាំងគណនេយ្យរបស់ខ្លួន ដោយបានសរសេរអមថា៖ «អាណិត កញ្ញា សាសា ណាស់ សង្ឃឹមយុត្តិធម៌ មានសំរាប់បងស្រី»។

រូបនេះ ត្រូវបានបង្ហោះពី៣ម៉ោងមុន និងបន្ទាប់មក មានការចែករំលែកភ្លាមៗ ដល់ទៅជាង១០០នាក់។ អ្នក​ប្រើ​ប្រាស់ បណ្ដាញសង្គមភាគច្រើន បានជឿជាក់ថា នេះពិតជារូបថតមែនទែន នៃការរងគ្រោះ របស់កញ្ញា សាសា ពីក្នុងហេតុការណ៍វាយតប់ បង្កឡើងដោយជនម្នាក់ ដែលគិតថាខ្លួនមានអំណាច នៅក្នុង​ក្លឹប​ឡា​ហ្គេ​ន​បា ស្ថិត​នៅ​សង្កាត់​ទន្លេ​សា​បាក់ ខណ្ឌចំការមននោះ កាលពីយប់ថ្ងៃទី២ ខែកក្កដា កន្លងមក។ ប៉ុន្តែអ្នកប្រើប្រាស់ម្នាក់ បានសរសេរថា មិនមែនជារូបមែនទែន ឬជារូបរបស់កញ្ញា សាសា នោះទេ។

យ៉ាងណាក៏ដោយ [...]

តើនៅព្រះរាជាណាចក្រកម្ពុជា គេពិតជាអាចវាយតប់នរណាម្នាក់ បានស្រេចនឹងចិត្តឬ ប្រសិនជា​ម្នាក់នោះ មិន​មានឈ្មោះបោះសម្លេង? ដើម្បីដឹងពីចម្លើយនេះ កញ្ញា សាសា ដែលមានឈ្មោះ ឯក សុជាតា និងជាជនរង​គ្រោះ ក្នុងអំពើវាយតប់ដ៏ហិង្សាឃោឃៅ ពីសំណាក់ជនម្នាក់ កាលពីយប់ថ្ងៃទី២ ខែកក្កដានោះ បានបង្ហើប​ថា ជនដ៏ព្រៃផ្សៃនោះ បានទូរស័ព្ទមកនាង ដើម្បីធ្វើការសុំទោស ដោយអះអាងថា ខ្លួនមិនបានស្គាល់​កញ្ញា ជា​នរណា។

នៅលើគណនេយ្យហ្វេសប៊ុក របស់កញ្ញា សាសា អតីតតារាទូរទស្សន៍ ស៊ីធីអិន រូបនេះ បានសរសេរតប ទៅនឹង​ការសួរសុខទុក្ខ របស់ញាតិមិត្ត  ដែលទំនងជា«ជីដូន»ម្នាក់ របស់កញ្ញាថា៖ «ពេលគាត់តេមកចៅ កាលពី​ម្សិល​មិញ គាត់ថា គាត់សុំទោស គាត់ស្រវឹងខ្លាំង ហេីយគាត់អត់ស្គាល់ចៅ ថាជានរណា?»

អតីតតារាទូរទស្សន៍ មិនបានបញ្ជាក់ថា «គាត់»នោះ ជានរណាទេ។ ប៉ុន្តែបើតាមដីការឲ្យនាំខ្លួន របស់សាលា​ដំបូងរាជធានីភ្នំពេញ និងតាមរយៈវីដេអូចំនួនពីរ [...]

ម្ចាស់ស្នេហ៍ថ្មីរបស់អ្នកនាង ចន ច័ន្ទលក្ខិណា តារាសម្ដែងល្បីនោះ នរណាៗក៏គេបានស្គាល់ដែរថា ជាលោក ហេង ណារ័ត្ន បុរសពោះម៉ាយមួយរូប ដែលសម្បូរទៅភោគទ្រព្យ យ៉ាងហូរហៀ។ ចង់មិនចង់ នរណាៗ​ក៏គេ​អាចមើលដឹងថា ម្ចាស់ចិត្តថ្មីរបស់អ្នកនាង ចន ច័ន្ទលក្ខិណា ប្រាកដជាមានភាពល្អូកល្អឺន នឹងគ្នាណាស់ ព្រោះ​បើគេឃើញតារាសម្ដែង បង្ហាញរូបថតជាញឹកញយ នៅតាមបណ្ដាញសង្គម រវាងនាងនិងលោក ណារ័ត្ន នោះ ចំណែកបុរសពោះម៉ាយបណ្ដូលចិត្តវិញ ក៏បានប្រកាសប្រាប់គេឯងដែរថា លោកកំពុងរៀបចំ បង្កើតអង្គការ​មួយ ឲ្យតារាល្បីជាអ្នកគ្រប់គ្រង។

ថ្លែងក្នុងបទសម្ភាស៍ ជាមួយ«វិទ្យុសម្លេងប្រជាធិបតេយ្យ (VOD)» កាលពីចុងសប្ដាហ៍នេះ លោក ហេង ណារ័ត្ន ហៅ ហេង ឡុង បានបញ្ជាក់ថា អង្គការមួយនេះ ជាជំហ៊ានថ្មីរបស់អ្នកនាង ចន ច័ន្ទលក្ខិណា ហើយជំហ៊ានថ្មី​នេះ លោកកំពុងធ្វើឯកសាររត់ការមួយចំនួន ដើម្បីបង្កើតអង្គការមួយ ដែលមានឈ្មោះថា «Our Community ឬសហគមន៍យើង» សម្រាប់នាងជាអ្នកគ្រប់គ្រង។ [...]

ញ៉ាំនំ សូកូឡា ដ៏ផ្អែមត្រជាក់ ទិញវត្ថុមានតម្លៃ មាសពេជ្រ កែវកង ឬក៏ការរួមរ័ក្សភិសម័យ មិនបានបង្កការ​រំភើប ឬភាពស្រៀវស្រើប ដោយមនុស្សឡើយ។ តែការស្ទង់មតិមួយ ដោយទស្សនាវដ្ដី «Travelzoo» នៅ​ចក្រភព​អង់គ្លេស កាលពីពេលថ្មីៗនេះ បានរកឃើញថា សម្រាប់មនុស្សមួយចំនួន ការកក់កន្លែង ដើម្បី​ចេញ​ទៅ​វិស្សមកាល នារដូវក្ដៅ បានផ្ដល់នូវអារម្មណ៍ ស្រៀវស្រើបខ្លាំងជាងអ្វីទាំងអស់។

ការស្ទង់មតិ​នោះ បង្ហាញ​ថា បុរស១ភាគ១០ និងស្ត្រី១៦ភាគរយ បានសុខចិត្តចំណាយប្រាក់ ដើម្បីចេញទៅវិស្សមកាល ជាង​ជាង​សម្ងំ គេង​«ស្ទក់»នៅក្នុងភួយ ឬធ្វើ«អីៗ»ជាមួយគូរស្នេហ៍ នៅផ្ទះ។

នៅពេលដែលទៅដល់ទីកន្លែង ដែលខ្លួនត្រូវលំហែ សម្រាប់វិស្សមកាលនោះ មនុស្សមួយចំនួនបាន​ឆ្លើយ​ទៀតថា ពួកគេមានអារម្មណ៍រំភើបខ្លាំង នៅពេលដែលពួកគេ បានចុះពីយន្ដហោះភ្លាមៗ ហើយទទួលយក នូវខ្យល់អាកាសដ៏បរិសុទ្ធមួយ ពីធម្មជាតិនៅទីនោះ។

ចាងហ្វាងការផ្សាយ របស់ទស្សនាវដ្ដី «» បានថ្លែងថា [...]