នៅតូចមិនទាំងស្គាល់ឈ្មោះឪពុកម្តាយផង តែចេះដើររកប្រាក់
ក្នុងថាស ដែលពេញប្រៀបដោយផ្លែឈើ ច្រកផ្លាស្ទិចជិត រៀបជាគំនរបួនទៅប្រាំជាន់ ក្មេងប្រុសម្នាក់នេះ ដើររកអតិថិជនរបស់ខ្លួន ដែលកំពុងទទួលទានអាហារ នៅក្នុងហាងចំណីជាច្រើន ស្ថិតនៅខណ្ឌទួលគោក រាជធានីភ្នំពេញ។ ភាពឆ្លាតវៃរបស់កុមារតូចម្នាក់នេះ បានធ្វើភ្ញៀវនៅក្នុងហាងគ្រប់តុ ចាប់ភ្លឹកមើលក្មេងប្រុសម្នាក់នោះ ទាំងសម្តីកោតសរសើរនៅក្នុងចិត្ត លាយឡំជាមួយនឹងភាពអាណិតអាសូរ។ មានអ្នកខ្លះ បានហៅកុមារយើងមកជិត ដើម្បីទិញផ្លែឈើដែលកុមារលក់។ ឯអ្នកខ្លះទៀតបានហុចលុយឲ្យ ប៉ុន្តែកុមារបែរជាមិនទទួលប្រាក់«ដាក់ទាន»នោះទៅវិញ។
ការចាប់អារម្មណ៍ដ៏ច្រើនទាំងនេះ បានបណ្តាលឲ្យអ្នកសាព័ត៍មាន របស់ទស្សនាវដ្តីមនោរម្យ.អាំងហ្វូជួបសាកសួរផ្ទាល់ ជាមួយក្មេងដ៏តូចមួយនេះ នៅលា្ងចថ្ងៃទី៤កុម្ភៈឆ្នាំ២០១៥។ មានឈ្មោះ ហុង កុមារយើងទើបនឹងមានអាយុ៤ឆ្នាំប៉ុណ្ណោះ ហើយកំពុងរស់នៅ ក្នុងខណ្ឌច្បារអំពៅ រាជធានីភ្នំពេញ។ និយាយទាំងសម្លេងដ៏តូចឆ្មារ កុមារ [...]
