បាល់ទាត់ពិភពលោក៖ ប្រេស៊ីលបន្តមហិទ្ធិរិទ្ធិបំបាក់ម៉ិចសិក ២-០ ដើម្បីឡើងទៅ១ភាគ៤
ក្រុម ម៉ិចសិក បានប្រើគ្រប់វិធី ដើម្បីទប់ទល់នឹងការវាយសន្ធាប់ យ៉ាងខ្លាំងក្លា និងជាបន្តបន្ទាប់ ពីសំណាក់ក្រុមប្រេស៊ីល និងជាពិសេស ក្រុម ម៉ិចសិក មានអ្នកចាំទីដ៏ចំណានមួយរូប គឺកីឡាករ «Guillermo Ochoa» ដែលបានទះបាល់ជាច្រើនគ្រាប់ ជួយសង្គ្រោះទីរបស់ក្រុមខ្លួន។ ការវាយបករបស់ក្រុម ម៉ិចសិក ក៏បង្កឲ្យក្រុម ប្រេស៊ីល លោះព្រលឹងមិនស្ទើរ ក្នុងរយៈពេលប្រមាណជា២៥នាទី ដោយមានការរុញពីក្រោយ ពីសំណាក់អ្នកគាំទ្រម៉ិចសិករាប់ពាន់នាក់ ដែលមានវត្តមានហ៊ោកញ្ជៀវ នៅក្នុងកីឡដ្ឋាន។
ដោយឡែក ការទប់ទល់ការពារ របស់កំផែងម៉ិចសិក មិនមានរយៈពេលលើសពី៥០នាទីឡើយ ដោយសារក្រុមប្រេស៊ីល មានការចល័តបាល់បានល្អ និងមានកីឡាករជើងត្រង់ ដូចជាកីឡាករ វីល្លីយ៉ាម (Willian) ដែលបញ្ជូនបាល់មិនឲ្យខុស ពីស្លាបខាងឆ្វេង ទៅមុខទីម៉ិចសិក ដើម្បីបើកឱកាសឲ្យកំពូលកីឡាករ ណីម៉ា (Neymar) ដោយគ្រាប់តែផ្ដួលខ្លួន រំកិលជើងទៅមុខ ដើម្បីរុញបាញ់ ដោយចូលទីម៉ិចសិក នៅនាទីទី [...]
