Posts in ‘បច្ចុប្បន្នភាពក្នុងលោក’ Category

ការបោះឆ្នោតជ្រើសរើសប្រធានាធិបតី នៅប្រទេសអ៊ីតាលី បានប្រព្រឹត្តិទៅនៅថ្ងៃសៅរ៍នេះ បន្ទាប់ពីរកមិនបានបេក្ខជន​សមស្រប តាំងពីច្រើនថ្ងៃមកហើយ។ ក្នុងវ័យ៨៧ឆ្នាំ លោកហ្សកហ្សីយ៉ូ ណាប៉ូលីតាណូ (Giorgio Napolitano) បានជាប់​ឆ្នោតឡើងវិញ ដើម្បីបេសកកម្មជួយស្រោចស្រង់ វិបត្តិនយោបាយរបស់ប្រទេស ដែលបានជាប់គាំងតាំងពីប៉ុន្មានខែ​មក​ហើយ។

លោកហ្សកហ្សីយ៉ូ ណាប៉ូលីតាណូ ជាប្រធានាធិបតីដែលនឹងត្រូវបញ្ចប់តំណែង នៅថ្ងៃទី១៥ខែឧសភាខាងមុខ។ ប៉ុន្តែនៅ​ចំពោះមុខវិបត្តិនយោបាយ ដែលបានដាក់ប្រទេសអ៊ីតាលី ទៅក្នុងភាពជាប់គាំងតាំងពីច្រើនខែមកហើយនេះ ប្រធានាធិបតី​ផុតតំណែងរូបនេះ បានទទួលឈរឈ្មោះ យកបេសកកម្មនេះសារជាថ្មីឡើងវិញ សម្រាប់អាណត្តិទីពីររបស់លោក។

ការបោះឆ្នោតជ្រើសរើសប្រធានាធិបតី នៅប្រទេសអ៊ីតាលី ជាការបោះឆ្នោត«អសកល» [...]

នៅក្នុងសប្តាហ៍នេះមានព្រិត្តិការណ៍ និងព័ត៌មានសំខាន់ៗជាច្រើន បានកើតឡើង។ ទាំងប្រព័ន្ធផ្សព្វផ្សាយ ក្នុងស្រុក ក្រៅស្រុក ទាំងឯករាជ្យ ស្រប និងជំទាស់ បានធ្វើរបាយការណ៍ និងបញ្ចេញនូវទស្សនៈផ្សេងៗ ទាក់ទងនឹងហេតុ​ការណ៍​ទាំងនោះ។

កាសែត សារពត៌មានក្នុងស្រុក នៅកម្ពុជា។

វិទ្យុអាស៊ីសេរី កាលពីថ្ងៃទី១៩ នេះបានចាប់អារម្មណ៍ជំនួបរវាងកម្ពុជា-ថៃ ករណីប្រាសាទព្រះវិហារ នៅតុលាការយុត្តិធម៌​អន្តរជាតិ។ វិទ្យុនេះបាន សរសេរថា «លោក ហោ ណាំហុង បារម្ភខ្លាចតុលាការយុត្តិធម៌អន្តរជាតិមិនឯករាជ្យ»។ វិទ្យុនេះ​បន្តថាលោកហោ ណាំហុង ដែលជាប្រធានប្រតិភូកម្ពុជា បានស្នើរអោយតុលាការធ្វើការបក ស្រាយសាលក្រមឆ្នាំ១៩៦២ អោយបានច្បាស់។ លោកក៏សង្ឃឹមថា តុលាការនឹងទទួលយកតាមសំណើរបស់កម្ពុជាក្នុងករណីនេះ។ តែអ្វីដែលលោក​បារម្ភនោះ [...]

ការរញ្ជួយដីដ៏ខ្លាំងមួយ បានវាយប្រហារជាទម្ងន់ខេត្ត ស៊ីឈ័ន (Sichuan) របស់ចិន បានសម្លាប់មនុស្សយ៉ាងហោច ណាស់៥៦នាក់ និងច្រើនជាង៦០០នាក់ទៀតរងរបួស។ គ្រោះធម្មជាតិ បានបន្ថែមទម្ងន់ទុក្ខ ទៅលើតំបន់នេះ ដែលល្បី​ថាជាតំបន់ក្រីក្រជាងគេ ហើយទើបនឹងរងនូវការរញ្ជួយដី កាលពីប្រាំឆ្នាំមុនមកហើយនោះ។

អាគារលំនៅដ្ឋានបានបាក់ស្រុត ដោយសារគ្រោះរញ្ជួយដី ក្នុងខេត្តស៊ីឈ័ន។

ប្រព័ន្ធផ្សព្វផ្សាយជាតិ បានអោយដំណឹងពីតុល្យភាព នៃជនរងគ្រោះ ដែលចេះតែកើនឡើង ជាលំដាប់។ ការិយាល័យ​ឧត្តុនិយមចិន និងទូរទស្សន៍រដ្ឋ បាននិយាយថា គ្រោះថ្នាក់នេះ បានកើតឡើងនៅក្រោយម៉ោង៨ ព្រឹកថ្ងៃ​សៅរ៍ទី២០​ខែ​មេសានេះ ហើយបានផ្ដួលអាគារទាំងឡាយ ដែលភាគច្រើនសង់ពីឥតថ្មនោះ។ តាមរូបថត និងវីដេអូ ដែលបានផ្សាយ​នៅតាម​គេហទំព័រ មនុស្សជាច្រើន បានរត់នៅតាមផ្លូវ [...]

ការចាប់ខ្លួនជនសង្ស័យទីពីរ ដែលជាប់ទាក់ទងនឹងភេវរកម្មនៅប៊ូស្តុន ត្រូវបានធ្វើនៅម៉ោងប្រមាណជា៨និង៤៥នាទី យប់​ថ្ងៃសុក្រទី១៩ខែមេសា នៅបន្ទាប់ពីប្រភពពីខាងអាជ្ញាធរបានបង្ហើបឲ្យដឹងថា ជននេះ បានទៅលាក់ខ្លួនក្នុងទូកមួយ ដែល​ចតក្នុងសួនច្បារនៃគេហដ្ឋានមួយ នៅក្រុង វ័តធើថោន (Watertown)។

ជនសង្ស័យទីពីរ ក្នុងសម្លៀកបំពាក់ជានិស្សិតទទួលសញ្ញាប័ត្រ។

ប្រភពដែលមិនបញ្ចេញឈ្មោះ បានពន្យល់ប្រាប់អ្នកសារព័ត៌មាន អោយដឹងពីបច្ចុប្បន្នភាពនៃស្ថានការណ៍ ដោយបញ្ជាក់​ថា ជនសង្ស័យដែលគេស្គាល់ថា មានឈ្មោះ ជ័កហារ ត្សាណី (Dzhokhar Tsarnaev) អាយុ១៩ឆ្នាំ ត្រូវបានចាប់ខ្លួន និង​មានរបួសធ្ងន់ជាប់ខ្លួន មិនដឹងថាជននេះ រស់ឬក៏ស្លាប់នោះទេ។ ទោះជាយ៉ាងណាក៏ដោយ ក្នុងពេលនេះ ជនសង្ស័យត្រូវ​បានបញ្ជូនទៅមន្ទីពេទ្យ និងដាក់ក្នុងការឃ្លាំមើល [...]

គ្រួសារជនជាតិបារាំងមួយ ដែលមានកូនតួចៗបួននាក់ ត្រូវបានដោះលែងអោយមានសេរីភាព នៅប្រទេសកាមើរូន បន្ទាប់ពីត្រូវបានចាប់ធ្វើជាចំណាប់ខ្មាំង ដោយក្រុមប្រដាប់អាវុធនិយមអ៊ីស្លាម តាំងពីពីរខែកន្លងមកហើយ។

គ្រួសារបារាំង មូឡាំងហួងនីយ៉េ បីនាក់ ដែលទើបនឹងចេញពីការឃុំឃាំង។

ជនជាតិបារាំងទាំង៧នាក់ បានត្រឡប់មកដល់រដ្ឋធានី នៃប្រទេសកាមើរូនវិញហើយ នៅថ្ងៃសុក្រទី១៩ខែមេសានេះ។ បណ្ដាញទូរទស្សន៍ក្នុងប្រទេសបារាំង  និងនៅក្នុងប្រទេសកាមើរូន បានបង្ហាញពីរូបភាព នៃគ្រួសារនេះ ដែលបានចុះពី​លើ​យន្ដហោះ។ ពួកគេម្នាក់ៗ ទំនងជាមានសុខភាព និងដើរបានជាធម្មតា តែគ្រាន់តែចុះស្គមជាងមុន។

មេដឹកនាំបារាំង និងកាមើរូន មិនបានពន្យល់លំអិតថា ពួកគេទាំងនេះ ត្រូវបានដោះលែងតាំងពីពេលយប់ តាមវិធីណា​នោះ​ទេ។ ហើយគេក៏មិនបានដឹងថា [...]