ជប៉ុនរងឱសានវាទ២៤ម៉ោង ពីរដ្ឋអ៊ីស្លាមនិយមតឹង
រដ្ឋាភិបាលជប៉ុន បានស្ថិតនៅក្នុងគំនាបដ៏ខ្លាំងមួយ នៅយប់ថ្ងៃព្រហស្បត្ត៍នេះ ២៤ម៉ោង មុនការបញ្ចប់ឱសានវាទ កំហិតដោយក្រុមសមាជិករដ្ឋអ៊ីស្លាមនិយមតឹង ដែលគម្រាមថានឹងសម្លាប់ចំណាប់ខ្មាំងជាតិជប៉ុនទាំងពីរនាក់ ប្រសិនបើប្រទេសមហាអំណាចសេដ្ឋកិច្ចមួយនេះ មិនបង់ប្រាក់ថ្នូរប្រមាណជា២០០លានដុល្លារនោះទេ។
នាយករដ្ឋមន្ត្រី លោក សីនហ្សូ អាប៉េ (Shinzo Abe) និងរដ្ឋមន្ត្រីការបរទេសជប៉ុន លោក ហ្វូមីអូ គីស៊ីដា (Fumio Kishida) បានបង្កើនសកម្មភាពខាងការទូតរបស់ខ្លួនខុសពីរាល់ដង ជាមួយនឹងប្រទេសពាក់ព័ន្ធសឹងតែទាំងអស់ ដើម្បីអាចស្វែងរកការដោះលែងចំណាប់ខ្មាំងទាំងពីរនាក់ គឺលោក ហារូណា យូកាវ៉ា (Haruna Yukawa) និងលោក កេនជី ហ្គូតូ (Kenji Goto) ដែលត្រូវបានចាប់ពង្រត់យកទៅ ដោយក្រុមស្ម័គ្រប្រយុទ្ធរបស់ព្រះអាឡាហ៍ ហៅថា ជីហាដ (jihad)។
[...]