ស្ថានទូតអាមេរិក ព្រមានពលរដ្ឋខ្លួនពីអំពើហិង្សានៅភ្នំពេញ
នៅពេលដែលការតវ៉ា ឬការដង្ហែក្បួន ដែលគណបក្សសង្គ្រោះជាតិអះអាង ថាត្រូវបានធ្វើឡើងដោយសន្តិវិធី បែរជារងការរំពឹងទុក ពីការផ្ទុះអំពើហិង្សា...
ស្ថានទូតសហរដ្ឋអាមេរិក បានចេញសេចក្ដីជូនដំណឹងមួយ កាលពីយប់ថ្ងៃទី០៤ ខែកញ្ញានេះ ព្រមានទៅពលរដ្ឋអាមេរិក ដែលកំពុងរស់នៅ និងកំពុងធ្វើដំណើរទៅកាន់ប្រទេសកម្ពុជា ឲ្យជៀសវាងការជួបជុំនយោបាយ របស់គណបក្សសង្គ្រោះជាតិ ដែលអាចផ្ទុះទៅជាអំពើហិង្សា នៅក្នុងថ្ងៃទី៥ ខែកញ្ញានេះ។ កន្លែងដែលស្ថានទូតអាមេរិក បានព្រមានពលរដ្ឋខ្លួនឲ្យជៀសវាងទៅក្បែរនោះ មាននៅទីស្នាក់ការកណ្ដាល របស់គណបក្សសង្គ្រោះជាតិ (នៅតំបន់ជុំវិញ) និងនៅជុំវិញសាលាដំបូងរាជធានីភ្នំពេញ ដែលស្ថិតនៅលើមហាវិថី សម្តេចមុនីរ៉េត។
នៅព្រឹកថ្ងៃចន្ទទី ៥ ខែកញ្ញា ក្រុមតំណាងរាស្ត្រគណបក្សសង្គ្រោះជាតិ មានគម្រោងយកញត្តិ ទៅដាក់នៅតាមស្ថានទូត របស់បណ្ដាប្រទេសម្ចាស់ហត្ថលេខី [...]
